TAUNET 1:14 - BUKUIT NE TILIL

¹⁴ Ak kimwa Kamuktaindet kole, Ingobiit tuguk che iluu eng’ soetab kipsengwetisiek si kobiit kobesio bet ak kemoi; si koek choto kaborunoik, che bo arawek, ak betusiek ak kenyisiek;

Bukuit Ne Tilil

¹⁴ Komwa Kamuktaindet kole, “Ingobiit tuguuk che iluu eng' soetap kipsengwet, si kobiit koobeesyo peet ak kemoi, si koek chooto kaboorunoik che po peetuusyek, arawek ak kenyiisyek,

BUKUIT NE TILIIL Sireet ne Dutero Kanon

¹⁴ Komwa Kamuktaindet kole, “Ingobiit tuguuk che iluu eng' soetap kipsengwet, si kobiit koobeesyo peet ak kemoi, si koek chooto kaboorunoik che po peetuusyek, arawek ak kenyiisyek,

TAUNET 1:14 ပူးပေါင်းရင်းမြစ်များ

TAUNET 1:13

Ak kiek koskoleny ak kiek karon, betut ne bo somok.

TAUNET 1:15

ingoek choto che iluu eng’ soetab kipsengwetisiek si kobiit koluuchi ng’ony; ak kiyaak ko u noto.

TAUNET 8:22

Kota komi ng’ony ko mabegu kolset ak kesisiet, kaititiet ak kiptoret, kemeut ak iwot, bet ak kemoi.

TAUNET 9:13

Kande chemng’isiriet boldet, si koek kaborunet ne bo kayomiset ne mi kwenunnyo ak ng’ony.

Kitabuutap JOB 25:3

Tos iitoksei lugosiekyik? Ak ng’o ne mailuuchin lapkeiyennyi?

Kitabuutap JOB 25:5

Keero, agot arawet ko matinyei kaluunet, Ama tililen kecheik eng’ tainnyi:

Kitabuutap JOB 3:9

Ingoimenitu kecheik che bo ye karatarat: Ingocheng’ lapkeiyet, amanyor; Amat kogeer betunoto ye machei korir emet.

TIENWOGIKAL 119:91

Tebyei ichek agoi kora ko u kiruogutiguk; Amu otwogiguk tuguk tugul.

TIENWOGIKAL 148:3

Olosu inendet, okwek asista ak arawet: Olosu inendet, okwek kecheik tugul che o bo lapkeiyet.

TIENWOGIKAL 148:6

Ak kigogimit agine kotebi koigeny ak koigeny: Kigoyai ng’atutiet ne maigesugei.

TIENWOGIKAL 150:1

Olosu Jehovah. Olosu Kamuktaindet eng’ oldanyi ne tilil: Olosu inendet eng’ yamunetab kimnatennyi.

TIENWOGIKAL 81:3

Oguut iriaget ko kaleel arawet, Ye kagoeet arawet, eng’ betunnyo ne bo igorta ne o.

ISAIAH 40:26

Onyal barak, ogeer ole ng’o ne kitoi koyai chuto, ne imutu lugenywa kobee koitet: kuurei tugul eng’ kainaikwak, eng’ oindab kamugennyi, ak kim inendet eng’ kamuktaet, ma bet agot agenge.

JEREMIA 10:2

Mwaei Jehovah ko u ni kole, Amat onetge ortinwekab bororiosiek, amoarogense agobo kaborunoikab kipsengwet; amu arogendos bororiosiek, agobo choto.

JEREMIA 31:35

Mwaei Jehovah, ne konu asista koek lapkeiyet bet, ak ng’atutik che kiging’at agobo arawet ak kecheik si koek lapkeiyet kemoi, ne wasei nyanjet, kot komoror mildaennyi ne bo ge; kainennyi ko Jehovah ne bo lugosiek, mwaei ko u ni kole:

JEREMIA 33:20

Mwaei Jehovah ko u ni kole: Ndaomuchi obut arorutiennyu ne bo bet, ak arorutiennyu ne bo kemoi, kot ko ma komi betut ak kemout eng’ saisiekwak;

JEREMIA 33:25

Mwaei Jehovah ko u ni kole: Ngot ko matononi arorutiennyu ne bo bet ak ne bo kemoi, ngot ko ma ande ng’atutikab kipsengwet ak che bo ng’ony;

EZEKIEL 46:1

Mwaei Kiptaiyat Jehovah ko u ni kole: Kigerei eng’ betusiek lo che bo boisiet ormarichet ne bo seremut ne bo orit, ne tokyingei kong’asis; ak kiyatei eng’ betutab sabato, ak kiyatei eng’ betut ne kaleel arawet.

EZEKIEL 46:6

Ak eng’ betut ne kaleel arawet kigoito kirgit ne libwob ne barnotiot; ak arek lo che bo kechir, ak mengit; libwoben tugul:

JOEL 2:10

Botani emet eng’ tainywa; botandos kipsengwetisiek: imenitu asista ak arawet, ama koluu kecheik.

JOEL 3:15

Imenitu asista ak arawet, ama koluu kecheik,

AMOS 5:8

ocheng’ inendet ne yaei Koremerik ak Kapsomoguk, ak kowalei uruetab meet koek karonet, ak koyaei betut koek kemoi; inendet ne kuurei nyanjet ak korong’ji ng’ony; Jehovah kainennyi;

AMOS 8:9

Ak agochini kororokto asista bet kwen eng’ betunoto, ak agochini emet koimenit eng’ betut ne churat, mwaei Kiptaiyat Jehovah.

MATAYO 2:2

koteeboti kole, Mi ano inendet laitoriatab Yahudik ne kigesich? Amu kigigeer kecheiyandennyi eng’ kong’asis, ak kagibwa kilosu inendet.

MATAYO 24:29

Ak ne ma tianit, ko kagogesgei nyalilda ne bo betusiechoto, koimenit asista, ama koluu arawet, ak kororok kecheik eng’ kipsengwet, ak kitumdum kimnatosiek che bo kipsengwet;

MARIKO 13:24

Ago eng’ betusiechoto, ko kagobata nyalilata, koimenit asista, kama koluu arawet,

LUKA 23:45

ak kima kota koluu asista: ak kigerer kwenutab anget ne kiga kioiye ole tilil.

NG'ATUTIK 4:19

si ma ye inyal barak, igeer asista ak arawet ak kecheik, agot chang’indo tugul che mi kipsengwetisiek, kochuutin iwe isa tukchoto, ak iot tuguchoto kigopchechi Jehovah Kamuktaindeng’ung’ bororiosiek tugul che mi kureretab kipsengwetisiek.

NG'ANG'UTYET 6:12

Ak kiageer ye kingoyat ng’okset ne bo lo, ak kibiit botanet ne o ne bo ng’ony: ak kituuiit asista ko u kuniet ne kigiyae kororik, ak kiigei arawet komugul korotik;

NG'ANG'UTYET 8:12

Ak kiguut malaikaiyatab ang’wan, ak kigikwer kebeberta agenge eng’ somok ne bo asista, ak kebeberta agenge eng’ somok ne bo arawet, ak kebeberta agenge eng’ somok ne bo kecheik; si koimenit kebeberta agenge eng’ somok ne bo tuguchoto, ama iluu betut eng’ kebeberta agenge eng’ somok, ak koigei noto agine kemout.

NG'ANG'UTYET 9:2

Ak kiyat keringonoto; ak kitogosta iyeto komong’une keringonoto, ne u iyeto ne bo mat ne o mising’; ak koimenit asista ak soet amu iyetab keringonoto.