RUTH 2:13 - BUKUIT NE TILIL

¹³ Kole anyun Ruth, Inganyor mieindo eng’ taing’ung’, kiptaiyandennyu; amu kaigaigaa, ak amu kaing’alalji cheptang’ung’ ne otwogin eng’ chamnyet, agot nganda maa u age eng’ tibiguk che otwogik.

Bukuit Ne Tilil

¹³ Koleenji Ruth, “Inganyoor myeeindo eng' taing'ung' kiptaiyandennyu, amu kaigaigaa ak amu kaing'alaalji cheptong'ung' ne otwogin eng' chamyet, agot nganda ma uu age eng' tiibiiguk che otwogik.”

BUKUIT NE TILIIL Sireet ne Dutero Kanon

¹³ Koleenji Ruth, “Inganyoor myeeindo eng' taing'ung' kiptaiyandennyu, amu kaigaigaa ak amu kaing'alaalji cheptong'ung' ne otwogin eng' chamyet, agot nganda ma uu age eng' tiibiiguk che otwogik.”

RUTH 2:13 ပူးပေါင်းရင်းမြစ်များ

TAUNET 32:6

Ak kiweekyigei Jakobo che kiga kiyokto, nyo kole, Kogeit ole mi ng’etab komet Esau, ak nyonei agine kotorogun, nyonei koboto bik bogol ang’wan.

TAUNET 33:10

Ak kilenji Jakobo, Achicha, asain ale, ngo kaanyoru chamet eng’ taing’ung’, ko mie itaach chu kagonin eng’ eunnyu: amu kaageer togeng’ung’, ko u ye kigeerei togetab Kamuktaindet, ak ageere anyun ale ibaibai eng’ ane.

TAUNET 33:15

Ak kile Esau, Ngabagagun bikyuk alak che mi kobota. Ak kile, Koyai nee? Ingogaswa kiptaiyandennyu ko u noto.

TAUNET 33:8

Ak kiteebe kolenji, Bo nee akwotisiechu tugul kaatuiye? Kolenji, Si kobiit anyor chamet eng’ taitab kiptaiyandennyu.

TAUNET 34:3

Ak kicham muguleldanyi Dina cheptab Jakobo, kicham cheboto ak king’alalji inendet kogaigai.

TAUNET 43:14

ingorirenak Kamuktaindet ne bo Kamuktaet, eng’ taitab chichoto, si kobiit kotiakwok werit ne otupche nin linda, ak Benjamin. Ak ngo betena lagokyuk ko kagobetyo.

2 SAMUEL 16:4

Yeityo kolenji laitoriat Siba, Cheguk tuguk tugul che bo Mepiboset. Ak kile Siba, Agutunyi; inganyor chamet eng’ taing’ung’, kiptaiyandennyu, ee laitoriat.

KALEWANAIK 15:33

Kotigonetab ng’omnatet kaiyweisiet ne kiywei Jehovah; Ak indoi kaming’inetab ge eng’ teegisto.

HOSEA 2:16

Ak iguurena eng’ betunoto, Isi, mwaei Jehovah; ama iguurena Baali.

PILIPIK 2:3

Amoyai kiy age tugul eng’ toiyet, anan eng’ kalosunetab ge, ago eng’ kaming’inetab ge ne bo naet, koiiti chi age tugul chito age kole kaigai kosiir inendet;

KIRUOGIK 19:3

Ak king’eet manong’otiondennyi kosub inendet, kwo kong’alalji inendet eng’ chamnyet, komut inendet kogeny, komi inendet ak otwogindennyi, ak sigirok aeng’: ak kiimut inendet kwo gotab kwandanyi: ak kingogeer kwandab kwonyoto chichoto, kobaibait amu katuiyo ak inendet.

RUTH 2:12

Ingoyaagun Jehovah boisieng’ung’, ingogonin melekto ne nyiitat, Jehovah Kamuktaindetab Israel, ne kiinyo imwechi kebebaikyik.

RUTH 2:14

Ak eng’ saitab amitwogik, kolenji Boas inendet, Nyo butul amitwogichu, ak iburburte kererutieng’ung’ siki. Ak kiteb Ruth eng’ ye negite bik che kesisiei: ak kiigochi inendet bek che kagigel, ak kinyei ak kibiyo, ak kiituuch.

1 SAMUEL 1:18

Ak kile inendet, Ingonyor otwogeng’ung’ mieindo eng’ taing’ung’. Kowa anyun kwonyoto, ak koamis, amata konyor togennyi arogenet kogeny.

1 SAMUEL 25:41

King’eet anyun ak kong’uruk, kotiing’e togennyi ng’ony, ak kole, Keero, otwogindet cheptang’ung’ ne otwogindet ne iuni kelyekab otwogikab kiptaiyandennyu.