RUTH 1:1 - BUKUIT NE TILIL

¹ Kibiit rubet eng’ emet eng’ betusiek che kiiruochi kiruogik. Kiwa chito age ne bo Bet-lehem-juda kwo komeny emetab Moab, ak osotiondennyi, ak werikyik aeng’.

Bukuit Ne Tilil

¹ Eng' peetuusyek che ki irwoochi kirwoogik, ko ki piit rubeet eng' emet. Ki wo chii ne po Bethlehem eng' Judah kwo komeny emetap Moab, ineendet ak osotyonnyi kobooto weeriikyik aeng'.

BUKUIT NE TILIIL Sireet ne Dutero Kanon

¹ Eng' peetuusyek che ki irwoochi kirwoogik, ko ki piit rubeet eng' emet. Ki wo chii ne po Bethlehem eng' Judah kwo komeny emetap Moab, ineendet ak osotyonnyi kobooto weeriikyik aeng'.

RUTH 1:1 ပူးပေါင်းရင်းမြစ်များ

TAUNET 12:10

Ak kibiit rubet eng’ emonoto: kochortagei anyun Abram kwo Misri ak kotebe oloto; amu kieet rubet mising’ kong’wanit eng’ emet.

TAUNET 26:1

Kibiit rubet eng’ emonoto ne ter eng’ rubet ne ki bo tai, ne kimi eng’ betusiekab Abraham. Kiwa Isak oldab Abimelek, laitoriatab Pilistik, agoi Gerar.

TAUNET 43:1

King’wanit rubet mising’ eng’ emet.

2 SAMUEL 21:1

Ak kibiit rubet eng’ betusiekab Daudi, eng’ kenyisiek somok che kiisubegei, ak kicheng’ Daudi togetab Jehovah. Ak kile Jehovah, Bo Saul, ak gonnyi ne bo korotik, amu kibar Gibeonik.

1 LAITORINIK 18:2

Ak kiwa Elija koborjigei Ahab. Ak ki ng’wan rubet eng’ Samaria.

1 ATEPTAP PEETUUSYEK 2:51

Salma kwandab Bet-lehem, Harep kwandab Bet-gader.

1 ATEPTAP PEETUUSYEK 2:54

Werikab Salma ko: Bet-lehem, Netopatik, ak Atrot-bet-Joab, koboto kebebertab Manahatik, Sorik.

TIENWOGIKAL 105:16

Ak kiguur rubet konyonji emet; Ak kitil amitwogik tugul kong’ering’itu.

TIENWOGIKAL 107:34

Walei emet ne iyiot koek ong’atetab munyuk, Amu sogornatetab icheget che menyei oloto.

JEREMIA 14:1

Kinyonji Jeremia ng’olyotab Jehovah agobo iljet.

EZEKIEL 14:13

Ee weritab chi, ye yaiywa emet tengekto eng’ bistoet, ak atokyi eunnyu emonoto, ak atil amitwogikyik, ak ayokyi rubet, ak abar chi ak tiony;

EZEKIEL 14:21

Amu mwaei Kiptaiyat Jehovah ko u ni kole: Kotam nee anyun ye ayokyi Jerusalem kiruogutikyuk ang’wan che ng’wonen; rotwetab chok, ak rubet, ak tiong’ik che yaachen, ak koroito, si kobar chi ak tiony?

ATEPTAP LAWIK 26:19

Ak airi menotetab kimnateng’ung’; ak ayai kipsengwet neng’wong’ koigei karnet, ak koigei emeng’wong’ sugunwet;

AMOS 4:6

Ak koagonok agine iljet eng’ nganasokwok tugul, rartaetab amitwogik eng’ komoswekwok tugul: ago tom oweekyage, mwaei Jehovah.

MIKAH 5:2

Ago inye, Bet-lehem Eprata, ne i ming’in eng’ kwenutab elfusiek che bo Juda, mong’unenen age ne nyonjina ne tun egu bounindetab Israel; ne kicham komong’u koboch keny, koboch koigeny.

NG'ATUTIK 28:38

Iibe keswek che chang’ mbar, ago igese che ng’ering’; amu tarei chereng’endet.

KIRUOGIK 12:8

Ak kingobata, koruokyi Ibsan ne bo Bet-lehem Israel.

KIRUOGIK 17:7

Ak kimi mureno age ne kibunu Bet-lehem-juda, ne bo oretab Juda, ne ki Lawindet, ak kimeny oloto koek toondet.

KIRUOGIK 17:8

Ak kiwa chichoto eng’ nganasanato, eng’ Bet-lehem-juda, kwo kotebe ole kanyorji oldo koek toondet; ak kiit emetab tulonokab Epraim agoi gotab Mika, eng’ bandanyi.