PILIPIK 2:3 - BUKUIT NE TILIL

³ Amoyai kiy age tugul eng’ toiyet, anan eng’ kalosunetab ge, ago eng’ kaming’inetab ge ne bo naet, koiiti chi age tugul chito age kole kaigai kosiir inendet;

Bukuit Ne Tilil

³ Amoyai kiy age tugul eng' toiyet, anan eng' kalasunetapkei, ago eng' kaming'inetapkei ne po naet, koiti chii age tugul chiito age kole kaigai kosiir ineendet;

BUKUIT NE TILIIL Sireet ne Dutero Kanon

³ Amoyai kiy age tugul eng' toiyet, anan eng' kalasunetapkei, ago eng' kaming'inetapkei ne po naet, koiti chii age tugul chiito age kole kaigai kosiir ineendet;

PILIPIK 2:3 ပူးပေါင်းရင်းမြစ်များ

KALEWANAIK 13:10

Ibu menotet boriet kityo: Ago mi ng’omnatet koboto ichek che ng’ategei.

LUKA 18:14

Amwawok ale, kichortagei chichoto gonnyi ko kagoek ne bo imanda kosiir nin age: amu chi age tugul ne itororigei kiming’ini; ak age tugul ne iming’inigei ko tun kitorori.

ROMANIK 12:10

Ochamnye eng’ chamnyet ne u ne bo tupchosiek; ingoiit chito age chito age kosiir inendet eng’ teegisto;

ROMANIK 13:13

Ongebendoti ko u ye nyolu, ko u bet; ma eng’ wasang’natet anan bogitet, ma eng’ sokset anan maget ne ya, ma eng’ boriet ak ng’etkong’.

ROMANIK 2:8

ago eng’ ichek che ngelelik, ama kase it imanit, ago che kase it ne ma bo imanda, koegu nyitatet ak nereknatet,

1 KORINTOEK 15:9

Amu a ne ming’in eng’ che kiyoktoi, ne ma nyolu keguurena ne kiyoktoi, amu kiaus kanisetab Jehovah.

1 KORINTOEK 3:3

amu ta omi eng’ atebetab borto: amu ko u ye mi kwenung’wong’ ng’etkonda ak boriet, tos momi eng’ atebetab borto, ak obendoti ko u biteetab bik?

2 KORINTOEK 12:20

Amu aiywei, ale si ye anyo, ko manyoruok eng’ or age tugul ko u ye mamache, ak onyorua ko u ye momache; si mabiit eng’ or age tugul, boriosiek, ng’etkonda, neregek, suriosiek, ng’aksosiek, chaamsosiek, menotosiek, bolatosiek;

GALATYEK 5:15

Ago ngot osusege ak oamege okwege, oripge si morumge.

GALATYEK 5:26

Among’ kilosuge buch, among’ ketachatachge, among’ koamjechge ng’etkong’.

EPESOEK 4:2

eng’ kaming’inetab ge tugul ak mutyonet, koboto muitaet, omuitochinige eng’ chamnyet;

EPESOEK 5:21

oming’injige ge eng’ kaiyweisietab Kristo.

PILIPIK 2:14

Oyai tuguk tugul ama eng’ kang’unyng’unyosiek ak tiiyosiek;

KOLOSAIK 3:12

Noto anyun, amu o lewenaikab Jehovah che tililen ak ko o chamanik, olaach muguleldo ne bo rirenetab ge, talasiet, kaming’inetab ge, mutyonet, ak muitaet;

KOLOSAIK 3:8

Ago nguno olakte ak okwek tuguchuto tugul; neregek, nyitatet, yaitiet, chubisiet, ak ng’alalet ne bo tewernatet eng’ kutuswekwok:

1 TIMOTEO 6:4

komenei, ama naei kiy, ago tinyei miando agobo teebutik ak tiiyosiekab ng’alek che bunu ng’etkonda, suriet, chemereret, kabwatutik che yaachen,

1 PETERO 3:8

Ne bo let anyun, ko oegu tugul che bo kabwatet agenge, che riregei, che chamdos ko u che tupcho, che ng’arng’arge, che iming’inegei:

1 PETERO 5:5

Ko u noto ak okwek che o mengechen, ogas it boisiek. Ee, ogermenge okwek tugul eng’ kaming’inetab ge si kobiit oboisiechige okwege eng’ okwege: amu kirindoi Jehovah menotik, ak kogochin mieindo che iming’inegei.