NG'ATUTIK 9:2 - BUKUIT NE TILIL

² bik che eechen che koen, werikab Anagik, che ingen, che kiigase kemwaei ko u ni, Ng’o ne imuchi kotonon eng’ taitab werikab Anak?

Bukuit Ne Tilil

² Iluuli piik che eecheen ak ko kooen, weeriigap Anagik che ingen, che ki igase kemwaei keeleen ng'oo ne imuuchi kotonon eng' taitap weeriigap Anak?

BUKUIT NE TILIIL Sireet ne Dutero Kanon

² Iluuli piik che eecheen ak ko kooen, weeriigap Anagik che ingen, che ki igase kemwaei keeleen ng'oo ne imuuchi kotonon eng' taitap weeriigap Anak?

NG'ATUTIK 9:2 ပူးပေါင်းရင်းမြစ်များ

Kitabuutap JOB 11:10

Ngot kosiirto, ak kogeris, Ak koguurso keba kiruoget, ko ng’o ne imuchi kogirinda inendet?

KOMONG'U 9:11

Ak kima imuch kotononso bik che ng’omen che ng’orsei eng’ taitab Musa amu ondirichoto; amu kinam ondirik bik che ng’omen che ng’orsei, ak Misrik tugul.

DANIEL 11:16

Ago inendet ne nyonei kobaregei ak chichoto koyaei ko u ne machei, ama biitu chi ne imuchi kotonon eng’ tainnyi: ak kotonon inendet eng’ emet ne kararan mising’, ak mi eunnyi ng’emisiet.

DANIEL 8:4

Kiageer mengoto kotoortoisiei kotokyigei cherongo, ak murot ne bo katam, ak murot ne bo tai; ama imuch tiong’ik kotononso eng’ tainnyi, ama biit ne kiimuch kosor eng’ eunnyi; ago kiyai ko u ye machei, ak koeetgei.

AMOS 2:9

Ago kiabar Amorindet eng’ tainywa, ne kiaechin koindanyi ak taragonik, ak ki kim ko u ketik che uuen; ak kiang’em logoekyik eng’ ole bo barak, ak tigitikyik eng’ ole bo ng’ony.

NAHUM 1:6

Ng’o ne imuchi kotonon eng’ taitab neregekyik? Ak ng’o ne imuchi komuita eng’ koromnatetab neregekyik? Kirong’u neregekyik che ng’wonen ko u mat, ak tonatoni inendet ruandosiek.

KAITOSYEK 13:22

Kiba anyun kotogostae Murot ne bo Tai, ak kiit Hebron; ak kimi oloto Ahiman, Sesai, ak Talmai, lagokab Anok. (Kigiteech Hebron kenyisiek tisab kotom keteech Soan ne mi Misri.)

KAITOSYEK 13:28

Ago kimen bik che menyei emonoto, ak ng’ototin nganasok, ak ko eechen mising’; ak koboto noto, ko kigigeer eng’ oloto lagokab Anak.

KAITOSYEK 13:33

Ak kigigeerji oloto Nepilik, werikab Anak, che kibunu Nepilik; ak kigi u talamik ye kingirogege bichoto, ak kigi u noto eng’ tainywa.

NG'ATUTIK 1:28

Kitogostoi kebendi ano, anyun? Kiigochi tupchosiekyok mugulelwekyok kochootyo, kolenjech, Eechen bik ak ko koen kosiirech; eechen nganasok, kigiteech irimosiekwak kot koit kipsengwet; ak ne siirei noto ko kigigeerji oloto werikab Anagik.

NG'ATUTIK 2:21

bik che eechen, ak ko chang’, ak ko koen, ko u Anagik, ago kibar Jehovah ichek eng’ tainywa; ak kibwa yoto, ak komeny kogeer ichek;

NG'ATUTIK 7:24

Ak konde laitorinikwak euneguk, ak ibet kainenywa eng’ kureretab kipsengwet: mabiitu chi ne imuchi kotonon eng’ taing’ung’, ibare kowong’gei.

JOSHUA 11:21

Ak kinyo Josua eng’ betusiechoto kobar Anagik kobetyo eng’ emetab tulonok, eng’ Hebron, ak Debir, ak Anab, ak eng’ emet tugul ne bo tulonok ne bo Juda, ak eng’ emet tugul ne bo tulonok ne bo Israel: kibar Josua ichek kogesgei koboto nganasokwak.

JOSHUA 11:22

Ma ng’et agot agenge eng’ Anagichato eng’ emetab lagokab Israel: kobate eng’ Gasa kityo, ak eng’ Gat, ak eng’ Asdod, che king’etune bichoto.

JOSHUA 15:14

Ak kion Kaleb eng’ oloto werik somok che bo Anak, Sesai, ak Ahiman, ak Talmai, lagokab Anak.