NG'ATUTIK 8:2 - BUKUIT NE TILIL

² Ak ibwat oret komugul ne kigomutunenen Jehovah Kamuktaindeng’ung’ eng’ kenyisiechu artam eng’ ong’atet, si koming’inin, kotiemin, konai kit ne mi muguleldang’ung’, ngichame irib ng’atutik, anan ngo mechame.

Bukuit Ne Tilil

² Ibwaat ooreet komugul ne ki komutunenen Kamuktaindet ne Toroor Kamuktaindeng'ung' eng' surkwen kenyisyechu artam, koming'inin ak kotyemin si konai kiit ne mi muguleldang'ung', ngichame anan ko mechame iriip ng'atuutikyik.

BUKUIT NE TILIIL Sireet ne Dutero Kanon

² Ibwaat ooreet komugul ne ki komutunenen Kamuktaindet ne Toroor Kamuktaindeng'ung' eng' surkwen kenyisyechu artam, koming'inin ak kotyemin si konai kiit ne mi muguleldang'ung', ngichame anan ko mechame iriip ng'atuutikyik.

NG'ATUTIK 8:2 ပူးပေါင်းရင်းမြစ်များ

TAUNET 22:1

Kingobata tuguchoto, kotiem Kamuktaindet Abraham, kolenji, Abraham; ak kile, Ami yu.

2 ATEPTAP PEETUUSYEK 32:31

Ago eng’ ng’alekab bik che kiiyok bounikab Babulon, che kibwa koteepse agobo kwong’utiet ne kiyaak eng’ emet, ko kibagakta Kamuktaindet inendet, kotiem si konai tuguk tugul che kimi muguleldanyi.

2 ATEPTAP PEETUUSYEK 33:12

Ak kingomi eng’ nyalilda kosa Jehovah Kamuktaindennyi, ak koming’ingei mising’ eng’ taitab Kamuktaindetab kwanisiekyik.

2 ATEPTAP PEETUUSYEK 33:19

Kigisirji agine saennyi, ak ole kigasyindo Kamuktaindet, ak tengektanyi tugul ak kachiliilutiennyi, ak komoswek ole kiteech komoswek che tororen, ak kolumda Aserik ak kanamonik che kigiwai, ye kitomo koming’ingei; ogeero, sirotin choto eng’ bukuitab ateptab betusiekab Hosai.

NEEMIA 9:19

agos ma imete ichek eng’ ong’atet amu rirenosieguk che chang’: ma istoegei baragunywa bet toloitab boldet si kondochi ichek eng’ oret; ama istoegei ichek toloito ne bo mat kemoi, si koborji ichek lapkeiyet, ak oret ne kanyol kobun.

Kitabuutap JOB 33:17

Si kobiit koisto chito eng’ kit ne tokyingei, Ak koung’e chito menotet:

TIENWOGIKAL 103:2

Ilosu Jehovah, ee sobondanyu, Ameutie konunoikyik tugul:

TIENWOGIKAL 106:7

Ma iguiyo kwanisiekyok kwong’utiguk eng’ Misri; Ma ibwat chang’indab rirenosieguk; Ago kiingelelso eng’ ye negit nyanjet, noto Nyanjet ne Birir.

TIENWOGIKAL 136:16

Inendet ne kiindochi bikyik kobun ong’atet: Amu tebyei rirenennyi koigeny.

TIENWOGIKAL 77:11

Abwati boisionikab Jehovah; Ak abwati kwong’utiguk che bo keny.

TIENWOGIKAL 81:7

Kiiguurse eng’ nyalilda, ak kiasorun; Ak kiawolun eng’ ole ung’at ne bo tulet; Kiatiemin eng’ ole mi beekab Meriba.

KOMONG'U 15:25

Ak kirirji Jehovah; ak kiiborji Jehovah inendet ketit, ak kiwirji ketoto beek, ak kianyinyitu beek. Ak kichopchi eng’ oloto ng’atutiet ak kiruoget, kotiem ichek eng’ yoto:

KOMONG'U 16:35

Ak kiam lagokab Israel mana kenyisiek artam, agoi koit emet ne menyei bik; kiam mana agoi koit kiwotisiekab emetab Kanan.

KOMONG'U 16:4

Kilenji Jehovah Musa anyun, Keero, arong’wok amitwogik che bunu kipsengwet; ak koba bik betut age tugul koyum che yamei betut, si kobiit atiem ichek, anai ngomuchi kobendate ng’atutiennyu, anan acha.

KOMONG'U 20:20

Ak kilenji Musa bik, Amoiywei; amu kanyo Kamuktaindennyo kotiemak, si kotebe taing’wong’ kaiyweisiennyi ne oiywei inendet, si moyai tengek.

KALEWANAIK 17:3

Bo teret feda che kitilili, ak bo mat ne o tahabu: Ago Jehovah ne tiemei mugulelwek.

ISAIAH 2:17

Ak kiming’ini kaeetetab ge ne bo chito, ak kinyeroti menotetab bik: Jehovah inegei ne tororitu betunoto.

JEREMIA 2:6

Ama mwa ichek kole, Mi ano Jehovah ne kiimutwech kemong’u eng’ emetab Misri; ne kiindoiywech kebun ong’atet, kebun emet ne surkwen ak ne bo keringonik, kebun emetab kemeut ak ne bo uruetab meet, kebun emet ne mabunei chi, ole mamenyei chi?

EZEKIEL 20:19

a Jehovah Kamuktaindeng’wong’; obendate ng’atutikyuk, ak orib kiruogutikyuk ak oyai;

AMOS 2:10

Ak kiamutwak kogeny otogosu eng’ emetab Misri, ak andoiywok kenyisiek artam eng’ ong’atet, si kobiit onam emetab Amorik kobunjok.

KAITOSYEK 14:33

Ak koyogisiot lagokwok eng’ ong’atani kenyisiek artam, ak koibot kugoinateng’wong’, agoi kiges muswekwok eng’ ong’atet.

LUKA 18:14

Amwawok ale, kichortagei chichoto gonnyi ko kagoek ne bo imanda kosiir nin age: amu chi age tugul ne itororigei kiming’ini; ak age tugul ne iming’inigei ko tun kitorori.

JOHANA 2:25

ak amu kima komage kiy chi ne baoriani agobo chi age; amu kiingen inendet kit ne mi chi orit.

NG'ATUTIK 1:3

Ak kimwachi Musa lagokab Israel eng’ kenyitab artam, eng’ arawetab taman ak agenge, eng’ betut ne bo tai ne bo arawet; ko u tugul che kiga kogochi Jehovah inendet eng’ ng’atutik, si kogochi ichek;

NG'ATUTIK 1:33

inendet ne kiindoenak eng’ oret, si kocheng’wok ole oteeche emaisiekwok, si koboruok eng’ mat oret ne obendi kemoi, ak eng’ boldet bet.

NG'ATUTIK 13:3

ko meepchi it ng’alekab maotiondonoto, anan karuotitoindonoto: amu tiemok Jehovah Kamuktaindeng’wong’, si konai ngochame Jehovah Kamuktaindeng’wong’ eng’ mugulelwekwok komugul ak eng’ sobonwekwok komugul.

NG'ATUTIK 2:7

Amu kigoberurin Jehovah Kamuktaindeng’ung’ eng’ boisiet tugul ne bo euneguk: kigonai bandang’ung’ eng’ ong’atani o: kimi koboten Jehovah Kamuktaindeng’ung’ eng’ kenyisiechu artam; ma rarun kiy.

NG'ATUTIK 29:5

Ak kiandoiywok eng’ kenyisiek artam eng’ ong’atet: ma osegitu ngoroik che olaachi, ama osegitu kweoniguk eng’ kelyeguk.

NG'ATUTIK 32:7

Ibwat betusiek che bo keny, Ibwat kenyisiekab ibinwek che chang’: Teebe kwandang’ung’, si koborun; Teebe boisieguk, si komwaun.

NG'ATUTIK 7:18

Ameiywei bichoto: ibwat mising’ ne kiyachi Jehovah Kamuktaindeng’ung’ Parao, ak Misri komugul;

NG'ATUTIK 8:16

ne kibaenen mana eng’ ong’atet, che kima nai kwanisieguk; si koming’inin, ak kotiemin, si koyaun ne mie eng’ let:

JAKOBO 1:3

ongen ole ibu muitaet tiemetab kayaneng’wong’.

JAKOBO 4:10

Oming’inge eng’ taitab Kiptaiyat, si koeetok.

JAKOBO 4:6

Ago konu mieindo ne tesat. Len anyun, Kirindoi Jehovah che meniotin, ak kogochin mieindo che iming’inegei.

1 PETERO 1:7

si kenyor eng’ kalosunet ak torornatet ak teegisto, tiemet ne chamaksei ne bo kayaneng’wong’, ne tinyei kamanutiet ne o kosiir ne bo tahabu che betos nganda kitiemei eng’ mat, eng’ ng’ang’et ne bo Jesu Kristo:

NG'ANG'UTYET 2:23

Ak abare lagokyik meet; ak konai kanisosiek tugul kole anendet ne isiachi kabwatutik ak mugulelwek: ak agochini age tugul eng’ okwek ko u boisionikwok.

KIRUOGIK 2:22

si kobiit atieme Israel ageer ngo togot korib oretab Jehovah kobendate ko u ye kirib kwanisiekwak, anan maribei.

KIRUOGIK 3:4

Kigibagakta si kobiit ketieme Israel ichek, si kobiit konai ngo kase it ng’atutikab Jehovah, che king’at kwanisiekwak eng’ eutab Musa.