NG'ATUTIK 8:16 - BUKUIT NE TILIL

¹⁶ ne kibaenen mana eng’ ong’atet, che kima nai kwanisieguk; si koming’inin, ak kotiemin, si koyaun ne mie eng’ let:

Bukuit Ne Tilil

¹⁶ Kibaenen mana eng' surkwen che ki ma nai kwanisyeguk, si koming'inin ak kotyemin. Kiyaun ne myee eng' let,

BUKUIT NE TILIIL Sireet ne Dutero Kanon

¹⁶ Kibaenen mana eng' surkwen che ki ma nai kwanisyeguk, si koming'inin ak kotyemin. Kiyaun ne myee eng' let,

NG'ATUTIK 8:16 ပူးပေါင်းရင်းမြစ်များ

TAUNET 22:1

Kingobata tuguchoto, kotiem Kamuktaindet Abraham, kolenji, Abraham; ak kile, Ami yu.

2 ATEPTAP PEETUUSYEK 32:31

Ago eng’ ng’alekab bik che kiiyok bounikab Babulon, che kibwa koteepse agobo kwong’utiet ne kiyaak eng’ emet, ko kibagakta Kamuktaindet inendet, kotiem si konai tuguk tugul che kimi muguleldanyi.

Kitabuutap JOB 42:12

Kiiberur anyun Jehovah betusiek che bo let che bo Job kosiir betusiekyik che bo tai: amu kitinyei kechirek elfusiek taman ak ang’wan, ak tambesik elfusiek lo, ak eik elfusiek aeng’ che bo chogit, ak iyuogik elfut che bo sigirok.

TIENWOGIKAL 119:68

I mie, ak iyae ne mie; Ineta ng’atutiguk.

KOMONG'U 15:25

Ak kirirji Jehovah; ak kiiborji Jehovah inendet ketit, ak kiwirji ketoto beek, ak kianyinyitu beek. Ak kichopchi eng’ oloto ng’atutiet ak kiruoget, kotiem ichek eng’ yoto:

KOMONG'U 16:15

Ak ye kingogeer lagokab Israel tukchoto, koteebegei ichegei, kole, Nee tuguchuto? Amu kima nai tukchoto. Ak kilenji Musa, Amitwogik chuto che kagonok Jehovah oam.

KOMONG'U 16:31

Ak kiguure gotab Israel amitwogichoto Mana: ki kergei tuguchoto ak bek che mubere che leelach; ak kichamu makatinik che mengechen che kigikwanda kumiat.

KOMONG'U 16:4

Kilenji Jehovah Musa anyun, Keero, arong’wok amitwogik che bunu kipsengwet; ak koba bik betut age tugul koyum che yamei betut, si kobiit atiem ichek, anai ngomuchi kobendate ng’atutiennyu, anan acha.

KOMONG'U 20:20

Ak kilenji Musa bik, Amoiywei; amu kanyo Kamuktaindennyo kotiemak, si kotebe taing’wong’ kaiyweisiennyi ne oiywei inendet, si moyai tengek.

KALEWANAIK 17:3

Bo teret feda che kitilili, ak bo mat ne o tahabu: Ago Jehovah ne tiemei mugulelwek.

DANIEL 11:35

Ak kobutyo alak che ng’omen eng’ ichek, si kitilil, ak kianyiny, ak keyai koleelagitu, kot koit betut ne bo let: amu ta koitu betut ne kiging’at.

ROMANIK 8:28

Ak kingen kele, eng’ ichek che chamei Jehovah, kotuitos tuguk tugul si kobois koreu che miach eng’ ichek che kigeguur ko u magennyi.

2 KORINTOEK 4:17

Amu bichiindanyo ne nyamnyum, ne matebyei, koyaiywech torornatet ne o ne bo koigeny, ne tesoksei mising’ kosiir;

NG'ATUTIK 13:3

ko meepchi it ng’alekab maotiondonoto, anan karuotitoindonoto: amu tiemok Jehovah Kamuktaindeng’wong’, si konai ngochame Jehovah Kamuktaindeng’wong’ eng’ mugulelwekwok komugul ak eng’ sobonwekwok komugul.

NG'ATUTIK 8:2

Ak ibwat oret komugul ne kigomutunenen Jehovah Kamuktaindeng’ung’ eng’ kenyisiechu artam eng’ ong’atet, si koming’inin, kotiemin, konai kit ne mi muguleldang’ung’, ngichame irib ng’atutik, anan ngo mechame.

NG'ATUTIK 8:3

Ak kiiming’inin, kigonin koamin rubet, ak kibaenen mana, che kima inai, agot kwanisieguk; si kogonin inai ile masobei chi eng’ amdit kityo, ago sobei chi eng’ kiy age tugul ne mong’une kutitab Jehovah.

JAKOBO 1:12

Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet.

1 PETERO 1:7

si kenyor eng’ kalosunet ak torornatet ak teegisto, tiemet ne chamaksei ne bo kayaneng’wong’, ne tinyei kamanutiet ne o kosiir ne bo tahabu che betos nganda kitiemei eng’ mat, eng’ ng’ang’et ne bo Jesu Kristo: