NG'ATUTIK 7:9 - BUKUIT NE TILIL

⁹ Nai anyun ile Jehovah Kamuktaindeng’ung’, ko Kamuktaindet; Kamuktaindet ne bo imanda, ne ribei kayomisiet ak rirenet eng’ ichek che chamei inendet ak koribei ng’atutikyik agoi ibindab elfut;

Bukuit Ne Tilil

⁹ Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.

BUKUIT NE TILIIL Sireet ne Dutero Kanon

⁹ Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.

NG'ATUTIK 7:9 ပူးပေါင်းရင်းမြစ်များ

TAUNET 17:7

Ak agimiti kayomisennyu eng’ kwenunnyo, inye ak ane, ak iyoteng’ung’ ne biitu let eng’ inye, eng’ ibinwekwak tugul, si koek kayomiset ne wendi agoi koigeny, ale aek Kamuktaindet eng’ inye ak eng’ iyoteng’ung’ ne biitu let eng’ inye.

TAUNET 28:15

Ak keero, ami koboten, ak aribotin eng’ oldo tugul ole iwendi, ak tun amutun inyo emoni kogeny; amu mametoin agoi tun ayai tugul che kaamwaun.

TAUNET 9:15

abwat anyun kayomisennyu ne mi kwenunnyo ane, ak okwek ak kiy age tugul ne sobei ne tinyei borto; ak ma kobiitu beek kogeny che egu maranet ne iwong’u tugul che bo borwek.

1 LAITORINIK 8:23

ak kile, Ee Jehovah, Kamuktaindetab Israel, mami Kamuktaindet age ne u inye, eng’ barak kipsengwet, anan eng’ ng’ony orit; ne ribei kayomiset ak rirenet eng’ otwogiguk, che bendote taing’ung’ eng’ mugulelwekwak tugul:

1 ATEPTAP PEETUUSYEK 16:15

Obwat kayomisennyi koigeny, Ng’olyot ne king’atyi ibinwek elfut;

2 ATEPTAP PEETUUSYEK 6:14

ak kile, Ee Jehovah, Kamuktaindetab Israel, mami Kamuktaindet age ne u inye, eng’ kipsengwet, anan eng’ ng’ony; ne ribei kayomiset ak rirenet ak otwogiguk, che bendote taing’ung’ eng’ mugulelwekwak tugul:

NEEMIA 1:5

ak ale, Asain, ee Jehovah, Kamuktaindetab kipsengwet, Kamuktaindet ne o ne bo kamuiset, ne ribei arorutiet ak rirenet eng’ icheget che chamei inendet, ak koribei ng’atutikyik:

NEEMIA 9:32

Ara anyun Kamuktaindennyo, ne o, ne bo kamuktaet, ak ko Kamuktaindet ne bo kamuiset, ne ribei arorutiet ak rirenetab ge, amat igeer ile kiy ne ming’in, ng’wanindo tugul ne kaityech, ak laitorinikyok, ak bounikyok, ak tisiikyok, ak maotikyok, ak kwanisiekyok, ak biguk tugul koboch eng’ betusiekab laitorinikab Asuria agoi rani.

TIENWOGIKAL 103:18

Eng’ ichek che ribei kayomisennyi, Ak ichek che ibwati ng’atutikyik ak koyaei.

TIENWOGIKAL 105:8

Ibwati kayomisennyi koigeny, Ng’olyot ne king’atyi ibinwek elfut;

TIENWOGIKAL 119:75

Angen, ee Jehovah, ale bo iman kiruogutiguk, Ak kiibira eng’ imandang’ung’.

TIENWOGIKAL 146:6

Ne kiyai kipsengwet ak ng’ony, Nyanjet, ak tugul che mi oloto; Ne ribei imanda koigeny:

TIENWOGIKAL 36:6

Kergei imandang’ung’ ak tulonokab Kamuktaindet; Riret ne o kiruogutiguk: Ee Jehovah, iribe chi ak tiony.

KOMONG'U 20:6

ak arire elfusiek eng’ ichek che chama che isubi ng’atutikyuk.

ISAIAH 49:7

Mwaei ko u ni Jehovah, katiagindetab Israel, ak ko Nenyi ne Tilil, inendet ne sasei bik, inendet ne wechei bororiet, ne otwogindetab bounik: Tun keerei laitorinik ak kong’eetyo; ak kogutung’so bounik; amu Jehovah ne kiyani, Inendet ne Tilil ne bo Israel, ne kilewenin.

JEREMIA 32:18

inye ne irire elfusiek, ak igeerjini tengekwogikab kwanisiek tegetikab lagokwak che isubi ichek: Kamuktaindet ne o, ne bo kamuktaet, kainennyi ko Jehovah ne bo lugosiek;

RIREKAB JEREMIA 3:23

Leelachen rirenosiekyik karonet age tugul; o imandang’ung’.

DANIEL 9:4

Ak kiasa Jehovah Kamuktaindennyu, ak ang’ang’ji inendet ale, Ee Kiptaiyat, Kamuktaindet ne o ne kiywei, ne ribei kayomiset ak rirenet eng’ ichek che chamei inendet ak koribei ng’atutikyik;

KAITOSYEK 14:18

Masib konerech Jehovah, ak ko nyiitat rirenet, ne nyochin kaat tengekto ak bistoet, ama nyochin kaat buch kiptengekyot; ago iityin lagok agobo tengektab kwanisiekwak, agoi ibinda ne bo somok ak ne bo ang’wan.

ROMANIK 8:28

Ak kingen kele, eng’ ichek che chamei Jehovah, kotuitos tuguk tugul si kobois koreu che miach eng’ ichek che kigeguur ko u magennyi.

1 KORINTOEK 1:9

Jehovah ko ne kiyani, kigeguurok eng’ inendet obwanji yamdaetab Werinnyi Jesu Kristo Kiptaiyandennyo.

1 KORINTOEK 10:3

ak kiam tugul amdit agenge ne bo tamirmiriet;

1 KORINTOEK 8:3

ago ngo chamei chi age tugul Jehovah, ko naat chichoto eng’ inendet.

2 KORINTOEK 1:18

Ago ko u ye bo iman Jehovah, ng’olyondennyo eng’ okwek ko ma ee ak achicha.

NG'ATUTIK 32:39

Ogeer anyun nguno ole ane, ko a inendet iman, Mami cheptalelit, ami anege: Abare, ak asoobi; Kiaguoten, ak kianya: Ak mami ne imuchi kosor eng’ eunnyu.

NG'ATUTIK 32:4

Ruandet inendet, igesunotgei boisiennyi; Amu imanda ortinwekyik tugul: Kamuktaindet ne bo imanit ne matinyei yaitio, Bo imanda inendet ak kosuldaat.

NG'ATUTIK 4:35

Kigiborun inye, si kobiit inai ile, Jehovah inendet ko Kamuktaindent; mami age kobate inendet inegei.

NG'ATUTIK 4:39

Nai anyun rani, ak igonor eng’ muguleldang’ung’ ile, Jehovah ko Kamuktaindet eng’ barak kipsengwet ak eng’ ng’ony orit: mami age.

NG'ATUTIK 5:10

ak arire elfusiek eng’ ichek che chama, che isubi ng’atutikyuk.

1 THESSALONIKEK 5:24

Inendet ne kuurok ko inendet ne kiyani, ne yaei noto agine kosulda.

2 THESSALONIKEK 3:3

Ago Kiptaiyat ko ne kiyani, ne igimitok, ak koribok eng’ noto ya.

2 TIMOTEO 2:13

ngo ma ki bo iman, kotebyei inendet eng’ iman; amu maimuchi koesiogei.

TITO 1:2

eng’ kamang’unet ne bo sobondab koigeny, ne kiiyomis Jehovah, ne maimuchi kolembechan, koboch kenyisiek che bo koigeny;

HEBRANIK 10:23

ongenam mising’ ng’ang’etab kamang’unennyo si mawalak; amu iman inendet ne kiiaroru:

HEBRANIK 11:11

Kisich agot Sara agine kimnatet eng’ kayanet komanach ko kagosiirto kenyisiekyik, amu kiit kole bo iman inendet ne kiiarorji inendet:

HEBRANIK 6:18

si eng’ tuguk aeng’ che ma walaksei, che ma imugaksei eng’ Jehovah komwa lembech eng’ choto, kimuch anyun kenyoru kagaigaet ne kim, achek che kigemwechi toretet si kenam kamang’unet ne kiginde tainnyo;

JAKOBO 1:12

Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet.

1 JOHANA 1:9

Ngot keng’anye tengekwogikyok, koyanat ak ko bo imanda konyoiywech kaat tengekwogikyok, ak kotililech eng’ kiy tugul ne ma bo imanda.

KIRUOGIK 2:1

Ak kitogos malaikaiyatab Jehovah eng’ Gilgal konyo Bokim. Ak kile, Kiamutwak otogosu eng’ Misri, ak kiamutwak obwa emet ne kiayosiechi kwanisiekwok; ak kiamwa ale, Magoi abut kayomisennyu ne kigiarorjige ak okwek:

KIRUOGIK 5:31

Ingobetyo anyun buniguk tugul, ee Jehovah: Ago ingoigei che chamei inendet asista, ye choru eng’ kimnatennyi. Ak kiimuuny emet eng’ kenyisiek artam.