NG'ATUTIK 7:21 - BUKUIT NE TILIL

²¹ Amongomuok: amu mi Jehovah Kamuktaindeng’ung’ kwenung’ung’, Kamuktaindet ne o ne bo kamuiset.

Bukuit Ne Tilil

²¹ Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

BUKUIT NE TILIIL Sireet ne Dutero Kanon

²¹ Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

NG'ATUTIK 7:21 ပူးပေါင်းရင်းမြစ်များ

2 ATEPTAP PEETUUSYEK 32:8

Mi koboto inendet eut ne bo borto; ago mi kobotech Jehovah Kamuktaindennyo kotoretech, ak koyai lugosiekyok. Ak kitiiegei bik ng’alekab Hesekia laitoriatab Juda.

NEEMIA 1:5

ak ale, Asain, ee Jehovah, Kamuktaindetab kipsengwet, Kamuktaindet ne o ne bo kamuiset, ne ribei arorutiet ak rirenet eng’ icheget che chamei inendet, ak koribei ng’atutikyik:

NEEMIA 4:14

Ak kiageer, ak ang’eet, ak alenji bik che toogunotin, ak bounik, ak bik tugul, Amoiywei ichek: obwat Jehovah, ne o ak ko bo kamuiset, ak oyai luget agobo tupchosiekwok, ak werikwok, ak tibikwok, osotikwok ak gorikwok.

NEEMIA 9:32

Ara anyun Kamuktaindennyo, ne o, ne bo kamuktaet, ak ko Kamuktaindet ne bo kamuiset, ne ribei arorutiet ak rirenetab ge, amat igeer ile kiy ne ming’in, ng’wanindo tugul ne kaityech, ak laitorinikyok, ak bounikyok, ak tisiikyok, ak maotikyok, ak kwanisiekyok, ak biguk tugul koboch eng’ betusiekab laitorinikab Asuria agoi rani.

TIENWOGIKAL 27:1

Jehovah lapkeiyennyu ak yetunennyu; tos aiywei ng’o? Jehovah kimnatetab sobondanyu; aiywei ng’o?

TIENWOGIKAL 46:11

Mi Jehovah ne bo lugosiek kobotech; Ole kimwechini Kamuktaindetab Jakobo.

TIENWOGIKAL 46:5

Mi Kamuktaindet kwenunnyi; ama kiistoi: Toreti Kamuktaindet inendet ko kaeech.

TIENWOGIKAL 46:6

Kibolyo bororiosiek, ak kiwasgei bounatosiek: Kitwek inendet ak kichoot ng’ony.

TIENWOGIKAL 46:7

Mi kobotech Jehovah ne bo lugosiek: Ole kimwechini Kamuktaindetab Jakobo.

TIENWOGIKAL 47:2

Amu bo kamuiset Jehovah ne Toror Mising’; Inendet ko Laitoriat ne o ne bou ng’ony komugul.

TIENWOGIKAL 68:35

Ee Kamuktaindet, kiywein eng’ oldinweguk che tililen: Kamuktaindetab Israel, ne igochin bikyik kimnatet ak kamuktaet. Iberurot Kamuktaindet.

TIENWOGIKAL 89:8

Ee Jehovah, Kamuktaindet ne bo lugosiek, Ng’o ne bo kamuktaet ko u inye, ee JAH? Ak yiemin imandang’ung’.

TIENWOGIKAL 95:3

Amu Kamuktaindet ne o Jehovah, Inendet laitoriat ne o ne siirei cheptalelisiek tugul.

KOMONG'U 29:45

Ak ameny kwenutab lagokab Israel, ak aegu Kamuktaindenywa.

DANIEL 9:4

Ak kiasa Jehovah Kamuktaindennyu, ak ang’ang’ji inendet ale, Ee Kiptaiyat, Kamuktaindet ne o ne kiywei, ne ribei kayomiset ak rirenet eng’ ichek che chamei inendet ak koribei ng’atutikyik;

KAITOSYEK 13:9

Eng’ oretab Benjamin, ko ki Palti weritab Rapu.

KAITOSYEK 14:14

yeityo komwachi bikab emonito, Kigogas ichek kole imi inye Jehovah kwenutab bichu; amu i toogu inye Jehovah kimni, ak tonone boldeng’ung’ baragunywa, ak indoe ichek, eng’ toloitab boldet bet, ak eng’ toloitab mat kemoi.

KAITOSYEK 14:42

Amat otogoste, amu mami Jehovah kobotok; si mabarak eng’ taitab bunikwok.

KAITOSYEK 14:9

Ago amongelelji Jehovah, anan oiywei bikab emet; amu u amitwogik eng’ achek; kigeistoe ichek uruetab toretet, ak mi Jehovah kobotech; amoiywei ichek.

KAITOSYEK 16:3

ak kiiyumgei ichegei si kobiit kotil let Musa ak Aron, ak kolenji, Oeetigei, amu tilil tuiyoni komugul, chi age tugul eng’ ichek, ak mi Jehovah kwenunywa. Amu nee si oeetgei osiir tuiyetab Jehovah?

KAITOSYEK 21:34

Ak kilenji Jehovah Musa, Ameiywei inendet: amu kande inendet eung’ung’ koboto bikyik tugul, ak emennyi; ak iyachini inendet ko u ye kiiyachi Sihon laitoriatab Amorik, ne kimenyei Hesbon.

KAITOSYEK 23:21

Tomo kogeerji Jakobo tengekto, Ama keerji Israel kiy ne imaasat. Mi koboto inendet Jehovah Kamuktaindennyi, Ak mi cheetab laitoriat kwenunywa.

KAITOSYEK 9:20

Ak ye kingotebe boldet goyoto betusiek che ng’ering’, komeng’is anyun bichoto ko u ng’atutietab Jehovah, ak kiba ko u ng’atutietab Jehovah.

1 KORINTOEK 14:25

ak king’anyei ung’otikab muguleldanyi; ak kobutyi ng’ony anyun kong’uruk kolos Jehovah, komwaei kolen mi Jehovah kwenung’wong’ iman.

NG'ATUTIK 1:21

Ogeero, kagonde Jehovah Kamuktaindeng’ung’ emet taing’ung’: togoste anyun, nam kobunjin, ko u ye kimwaun Jehovah Kamuktaindetab kwanisieguk; ameiywei, anan iarogen.

NG'ATUTIK 10:17

Amu Jehovah Kamuktaindeng’wong’ ko Kamuktaindet ne siirei cheptalelisiek, ak Kiptaiyatab kiptainik, Kamuktaindet ne o, ne bo kamuktaet, ne bo kamuiset, ne matiytii bik, ne mataachei che bo kagaigaet.

NG'ATUTIK 20:1

Ye iwe obarge ak buniguk, ak iro mbartanyisiek, ak karisiek, ak bik che chang’ kosiirok, ko mat iywei: amu mi Jehovah Kamuktaindeng’ung’ koboten, ne kiimutun imong’u eng’ emetab Misri.

NG'ATUTIK 25:8

Yeityo koguur boisiekab nganasennyi chichoto, ak kong’alalsechi: ak ngo tonon kole, Machame andi;

NG'ATUTIK 31:17

Kolal anyun nereknatennyu eng’ betunoto agobo ichek, yeityo abagakte, ak auny togennyu, ak kiwong’ ichek, ak kobwanji yaitwogik ak nyalilwogik che chang’; ak kole eng’ betunoto, Tos mabwanjech yaitwogtichu amu mami Kamuktaindennyo kobotech?

JOSHUA 3:10

Kole anyun Josua, Onae eng’ ni ole, mi kwenung’wong’ Kamuktaindet ne sobei, ak onei inendet Kanamik eng’ taing’wong’ matiny, ak Hitik, Hibik, Perisik, Girgasik, Amorik, ak Jebusik.

JOSHUA 8:1

Ak kimwachi Jehovah Josua kolenji, Meiywei, anan komein mugulelel: imut bik tugul che bo luget, ak ong’eetye otogoste Ai: keero, kande eung’ung’ laitoriatab Ai, koboto bikyik, ak nganasennyi, ak emennyi:

1 SAMUEL 4:8

Bwa achek! Ng’o ne soruech eng’ cheptalelisiechu kimen? Chuto ko cheptalelisiechu kibarei Misrik eng’ borotwek alak tugul eng’ ong’atet.