NG'ATUTIK 7:1 - BUKUIT NE TILIL

¹ Ye kagoitin Jehovah Kamuktaindeng’ung’ emet ne iwendi iname kobunjin, ak koon bororiosiek che chang’ eng’ taing’ung’, Hitik, Girgasik, Amorik, Kananik, Perisik, Hibik, ak Jebusik, bororiosiek tisab che eechen ak ko kimen kosiirin;

Bukuit Ne Tilil

¹ Ye kagoiitin Kamuktaindet ne Toroor Kamuktaindeng'ung' emet ne iwendi iname kobunjiin ak koon pororyosyek che chaang' eng' taing'ung', che chooto ko Hitik, Girgasik, Amorik, Kanaanik, Perisik, Hibik, ak Jebusik, pororyosyek tisap che eecheen ak ko kiimeen kosiirin,

BUKUIT NE TILIIL Sireet ne Dutero Kanon

¹ Ye kagoiitin Kamuktaindet ne Toroor Kamuktaindeng'ung' emet ne iwendi iname kobunjiin ak koon pororyosyek che chaang' eng' taing'ung', che chooto ko Hitik, Girgasik, Amorik, Kanaanik, Perisik, Hibik, ak Jebusik, pororyosyek tisap che eecheen ak ko kiimeen kosiirin,

NG'ATUTIK 7:1 ပူးပေါင်းရင်းမြစ်များ

1 LAITORINIK 16:31

Ak kigeer inendet ko kit ne ming’in kowendote tengekwogikab Jeroboam weritab Nebat, kwo anyun kotun Jesebel cheptab Etbaal laitoriatab Sidonik, ak kwo koot Baal ak kogutung’ji.

1 ATEPTAP PEETUUSYEK 1:14

koboto Jebusindet, Amorindet, ak Girgasindet;

2 ATEPTAP PEETUUSYEK 8:7

Ago bik tugul che king’et eng’ Hitik, Amorik, Perisik, Hibik, ak Jebusik, che kima ko bo Israel;

EZRAH 9:1

Kingo kagoyaak tuguchu, korik kandoik ole ami, kole, Ma itabanegei bikab Israel ak tisiik ak Lawik bikab emotinwek, yaei tuguk che kiwechei, che bo Kananik, Hitik, Perisik, Jebusik, Amonik, Moabik, Misrik, ak Amorik.

NEEMIA 13:23

Kiageer kogeny eng’ betusiechoto Yahudik che kiga kotun tibikab Asdod, che bo Amon, ak che bo Moab;

TIENWOGIKAL 78:55

Kion bororiosiek eng’ tainywa, Ak kipchechi ichek emonoto eng’ kiwotosiek koek borotenywa, Ak kiigochi ortinwekab Israel komeny emaisiekwak.

KOMONG'U 15:7

Iluuli ichek che ng’eetyinin eng’ oindab telunateng’ung’: Iyoktoi neregeguk, che beelei ichek kowong’gei ko u mobek.

KOMONG'U 23:28

Ak ayokte karamiet kondoenen, kwo koon Hibik, Kananik, ak Hitik, koba eng’ taing’ung’.

KOMONG'U 23:32

Amoyai arorut ak ichek, anan agot eng’ kanamonikwak.

KOMONG'U 23:33

Amat komeny emeng’ung’, si magonin iyaiywa tengek: amu ngot iot kanamonikwak, koegu iman mestet nito eng’ inye.

KOMONG'U 33:2

Ak ayokte malaikaiyat kondoun; ak aon komanda Kananik, Amorik, Hitik, Perisik, Hibik, ak Jebusik,

KOMONG'U 6:8

Ak amutwak obwa emet ne kiaitochi eunnyu agochi Abraham, Isak, ak Jakobo; ak agonok kobunjok: A JEHOVAH.

ATEPTAP LAWIK 14:34

Ye oit emetab Kanan, ne agonok kobunjok, ak ande koroitab mogondos got age eng’ emet ne bunjinok;

KAITOSYEK 13:29

Menyei Amalegik komostab Murot ne bo Tai; ak komenyei tulonok Hitik, ak Jebusik, ak Amorik; ak komenyei Kananik ngegutab araraita, ak ngegutab Jordan.

KAITOSYEK 14:31

Ago amuti lagokwok che kiole egu luulenik koba emonoto, si konai ichek emet ne kioesie.

POISYONIGAP CHE KIYOKTOI 13:19

Ak kingo kagong’em bororiosiek tisab eng’ emetab Kanan, kogochi ichek emenywa koek borotet, eng’ olo bo kenyisiek bogol ang’wan ak konom:

NG'ATUTIK 11:29

Ak ye tun kagoitin Jehovah Kamuktaindeng’ung’ emet ne iname kobunjin, inde kaberuret tulwetab Gerisim, ak inde chubisiet tulwetab Ebal.

NG'ATUTIK 20:1

Ye iwe obarge ak buniguk, ak iro mbartanyisiek, ak karisiek, ak bik che chang’ kosiirok, ko mat iywei: amu mi Jehovah Kamuktaindeng’ung’ koboten, ne kiimutun imong’u eng’ emetab Misri.

NG'ATUTIK 20:16

Ago eng’ nganasok che bo bororiosiechu che konin Jehovah Kamuktaindeng’ung’ koek borotet, ko meunde kiy age tugul ne mi yoto kosob:

NG'ATUTIK 31:20

Amu ye kaamut koit emet ne kiayosiechi kwanisiekwak, noto nyiitat chego ak kumik; ak ye kagoamis kobiyong’so, ak konerio; koweektagei anyun ole mi kanamonik koba koot, ak kosasa, ak kobut kayomisennyu.

NG'ATUTIK 31:3

Jehovah Kamuktaindeng’ung’, inendet ne landoi kondoenen; ak kobar bororiosiechu mi taing’ung’, ak inam ichek: landoi Josua kondoenen, ko u ye kimwa Jehovah.

NG'ATUTIK 4:38

si koon bororiosiek eng’ taing’ung’, che eechen ak ko kimen kosiirin, si komutun imong’u olito, kogonin emenywa koek boroteng’ung’, ko u betuni.

NG'ATUTIK 6:1

Ni ng’atutiet anyun, ak konetisiosiek, ak kiruogutik, che king’at Jehovah Kamuktaindeng’wong’ kinetak, si kobiit oyai eng’ emet ne olandoi oname kobunjok.

NG'ATUTIK 6:10

Ak ye kagomutin Jehovah Kamuktaindeng’ung’ iwe emet ne kiiyosiechi kwanisieguk, Abraham, Isak, ak Jakobo, kole konin; nganasok che eechen ak ko miachen che kima iteeche,

NG'ATUTIK 6:19

kole onei buniguk tugul eng’ taing’ung’, ko u ye kigomwa Jehovah.

NG'ATUTIK 6:23

kiimutwech eng’ oloto kebwa olito, kogonech emet ne kiiyosiechi kwanisiekyok.

NG'ATUTIK 9:1

Ogaso, ee Israel: ilandoe rani Jordan iwendi iluule bororiosiek che eechen che kimen kosiirin, ak nganasok che eechen che kiging’ote irimosiek che itei barak,

NG'ATUTIK 9:3

Nai anyun rani ile, Jehovah Kamuktaindeng’ung’ ne landoi kondoenen ko u mat ne iwong’u; ng’emei bichoto, ak kogochi konyeratitu eng’ taing’ung’: ione anyun ko u noto, ing’em ichokyi ko u ye kimwaun Jehovah.

NG'ATUTIK 9:4

Amat imwa eng’ muguleldang’ung’ ye kagoon Jehovah ichek eng’ taing’ung’ ile, Kiitya Jehovah emoni kobunja amu imandanyu: ago onei Jehovah bororiosiechu eng’ taing’ung’ amu sogornatenywa.

JOSHUA 11:3

agoi oldab Kananik eng’ kong’asis, ak eng’ cherongo, koboto Amorik, ak Hitik, ak Perisik, ak Jebusik eng’ emetab tulonok, ak Hibik eng’ Hermon kel eng’ emetab Mispa.

JOSHUA 24:11

Ak kiolong’une Jordan, obwa Jeriko: ak kiyai luget ak okwek bikab Jeriko, Amorik, Perisik, Kananik, Hitik, Girgasik, Hibik, ak Jebusik; ak kiande ichek eunekwok.

JOSHUA 3:10

Kole anyun Josua, Onae eng’ ni ole, mi kwenung’wong’ Kamuktaindet ne sobei, ak onei inendet Kanamik eng’ taing’wong’ matiny, ak Hitik, Hibik, Perisik, Girgasik, Amorik, ak Jebusik.