NG'ATUTIK 6:18 - BUKUIT NE TILIL

¹⁸ Ak iyai ne bo iman ak ne mie eng’ taitab Jehovah: si komieit eng’ inye, si iwe inam kobunjin emet ne mie ne kiiyosiechi Jehovah kwanisieguk,

Bukuit Ne Tilil

¹⁸ Yai ne po iman ak ne myee eng' taitap Kamuktaindet ne Toroor si komyeeit eng' inyee ye iwe inam kobunjiin emet ne myee ne ki iyasyechi Kamuktaindet ne Toroor kwanisyeguk

BUKUIT NE TILIIL Sireet ne Dutero Kanon

¹⁸ Yai ne po iman ak ne myee eng' taitap Kamuktaindet ne Toroor si komyeeit eng' inyee ye iwe inam kobunjiin emet ne myee ne ki iyasyechi Kamuktaindet ne Toroor kwanisyeguk

NG'ATUTIK 6:18 ပူးပေါင်းရင်းမြစ်များ

TIENWOGIKAL 19:11

Kogeny eng’ choto kitigoni otwogeng’ung’: Mitei melekto ne o ngerib choto.

KOMONG'U 15:26

ak kile, Ngot igas iman kutitab Jehovah Kamuktaindeng’ung’, ak iyai ne bo iman eng’ tainnyi, ak iepchji it ng’atutikyik, ak isub kotigonutikyik tugul, ko magonin mian age tugul, ne kiagochi Misrik: amu ane ko a Jehovah ne asoobin.

ISAIAH 3:10

Omwachi ne bo iman olenji, mieitu eng’ inendet: amu amei ichek logoekab boisionikwak.

ISAIAH 38:3

kole, Ee Jehovah, asain ale, ibwat ole kiatepte eng’ imanda eng’ taing’ung’ ak eng’ muguleldo ne igesunotgei, ak kiayai ne mie eng’ taing’ung’. Ak kirir Hesekia eng’ ng’wanindo.

EZEKIEL 18:19

Ago omwae okwek ole, Amu nee anyun si manam werit ng’ogistab kwandanyi? Ye kagoyai werit kit ne bo iman ak ne litit, ak korib ng’atutikyuk, ak koyai, kosobei inendet iman.

EZEKIEL 18:21

Ago ngot koweek kiptengekyot kometo tengekwogikyik tugul che kigoyai, ak korib ng’atutikyuk tugul, ak koyai kit ne bo iman ak ne litit, kosobei iman, mameei.

EZEKIEL 18:27

Kogeny, ye week kiptengekyot kometo tengektanyi ne kiga koyai, ak koyai kit ne bo iman ak ne litit, kosoru sobondanyi kosob.

EZEKIEL 18:5

Ago ngot ko bo iman chi, ak koyai kit ne bo iman ak ne litit,

EZEKIEL 33:14

Kogeny, ye alenji kiptengekyot, Imee iman; ngot koweek kometo tengektanyi; ak koyai kit ne bo iman ak ko litit;

EZEKIEL 33:16

Magiityin inendet agot agenge eng’ tengekwogikyik che kigoyai: kigoyai inendet kit ne bo iman ak ko litit; sobei iman.

EZEKIEL 33:19

Ak ye week kiptengekyot kometo tengektanyi, ak koyai kit ne bo iman ak ko litit, kosobei inendet eng’ noto.

HOSEA 14:9

Ng’o ne ng’om, si koguiyo tuguchuto? Ng’o ne utat, si konai tuguchoto? Amu lititen ortinwekab Jehovah, ak bendote che bo iman ortinwechoto; ago ibutyin oloto bistoik.

JOHANA 8:29

Ak kimi tuwai ak inendet ne kiiyokwa; ma bagakta anege; amu ayae kotugul tuguchoto chamaksei eng’ inendet.

ROMANIK 12:2

Amoyaniege ateptab betusiechu: ago ingewalak eng’ kaleelitetab kabwatutikwok, si kobiit onai komie maget ne mie, ne tachaksei ak kogesunotgei, ne bo Jehovah.

NG'ATUTIK 12:25

Amat iam; si komieit eng’ inye, ak eng’ lagoguk che biitu let, ye iyae noto mie eng’ taitab Jehovah.

NG'ATUTIK 12:28

Rib ak iepchi it ng’alechu tugul che kang’atin, si komieit eng’ inye ak eng’ lagoguk che biitu let agoi koigeny, ye iyae ne mie ak ne bo iman eng’ taitab Jehovah Kamuktaindeng’ung’.

NG'ATUTIK 13:18

ye iepchi it kutitab Jehovah Kamuktaindeng’ung’, ak irib ng’atutikyik tugul che kang’atin rani, iyai noto bo iman eng’ taitab Jehovah Kamuktaindeng’ung’.

NG'ATUTIK 4:40

Ak kirib anyun konetisiosiekyik ak ng’atutikyik che kang’atin rani, si komieit eng’ inye, koboto lagoguk che biitu let, ak kochang’ait betusieguk eng’ emet ne konin Jehovah Kamuktaindeng’ung’, koigeny.

NG'ATUTIK 5:29

Kata mie nda katinyei muguleldo ne u noto, si koiywea, ak korib kotugul ng’atutikyuk tugul, si komieit eng’ ichek, ak eng’ lagokwak agoi!

NG'ATUTIK 5:33

Obun ortinwek tugul che king’atak Jehovah Kamuktaindeng’wong’, si osopche, ak komieit eng’ okwek, ak kochang’ait betusiekwok eng’ emet ne oname kobunjok.

NG'ATUTIK 6:10

Ak ye kagomutin Jehovah Kamuktaindeng’ung’ iwe emet ne kiiyosiechi kwanisieguk, Abraham, Isak, ak Jakobo, kole konin; nganasok che eechen ak ko miachen che kima iteeche,

NG'ATUTIK 6:19

kole onei buniguk tugul eng’ taing’ung’, ko u ye kigomwa Jehovah.

NG'ATUTIK 8:11

Ripgei anyun, si meutie Jehovah Kamuktaindeng’ung’, imete ng’atutikyik, ak kiruogutikyik, ak konetisiosiekyik, che kang’atin rani: