NG'ATUTIK 6:12 - BUKUIT NE TILIL

¹² ripge anyun si meutie Jehovah, ne kiimutun imong’une emetab Misri, eng’ gotab otwoknatet.

Bukuit Ne Tilil

¹² iriipkei anyun si meutye Kamuktaindet ne Toroor ne ki imutun imang'une emetap Misiri eng' kootap otwoknateet.

BUKUIT NE TILIIL Sireet ne Dutero Kanon

¹² iriipkei anyun si meutye Kamuktaindet ne Toroor ne ki imutun imang'une emetap Misiri eng' kootap otwoknateet.

NG'ATUTIK 6:12 ပူးပေါင်းရင်းမြစ်များ

2 LAITORINIK 17:36

ago oiywei Jehovah ne kiimutwak otogosu eng’ emetab Misri eng’ kimnatet ne o, eng’ eut ne chuulat, ak ong’urukyi inendet, ak oeng’ji tiseiywot:

2 LAITORINIK 17:38

amat outie kayomiset ne kigiyomisge kobotok; anan oiywei kanamonik:

Kitabuutap JOB 8:13

U choto ortinwek che bo tugul che utie Kamuktaindet; Ak betei kamang’unetab chito ne ma bo iman:

TIENWOGIKAL 103:2

Ilosu Jehovah, ee sobondanyu, Ameutie konunoikyik tugul:

TIENWOGIKAL 44:17

Kabwanjech chuto tugul; ago tomo keutienen, Ama kiboisie kayomiseng’ung’ eng’ lembechek.

TIENWOGIKAL 59:11

Amebar ichek, si mautie bikyuk; Iyeste bichoto eng’ kimnateng’ung’, ak ichooru, Ee Kiptaiyat long’ennyo.

TIENWOGIKAL 78:7

Si konde kamang’unenywa eng’ Kamuktaindet, Si mautie boisionikab Kamuktaindet, Ago si korib ng’atutikyik:

KOMONG'U 13:14

Ak ye tun teebenen wering’ung’ eng’ betusiek che bwanei, kole, Nee ni? Ilenji anyun, Kiimoong’wech Jehovah eng’ Misri, eng’ gotab otwognatet, eng’ eut ne kim:

KOMONG'U 13:3

Ak kilenji Musa bik, Obwat betuni, ne kiomong’une Misri, eng’ gotab otwoknatet; amu kiimoong’wok Jehovah eng’ kimnatetab eunnyi, omong’une olito; magiamei makatinik che kaginde mermerek.

KOMONG'U 6:6

Ilenji anyun lagokab Israel amu noto, A JEHOVAH, ak amoong’wok omong’une laisetab Misrik, ak asoruok eng’ otwognatenywa ak atiachak eng’ eut ne chuulat, ak eng’ kiruogutik che eechen:

KALEWANAIK 30:9

Si mabiye ak aesien, ak ale, Ng’o Jehovah? Anan si maegu kibanania, ak achorse, Si mamwa kainetab Kamuktaindennyu eng’ tangoi.

ISAIAH 17:10

Amu kiutie Kamuktaindetab yetuneng’ung’, ama ibwat ruandetab kimnateng’ung’; igole anyun ketik che kororon, ak ketik alak che ter:

ISAIAH 51:13

ak kiiutie Jehovah Yaindeng’ung’, ne kiito kipsengwetisiek, ak kolumda lumeiywekab ng’ony; ak iyweisiei kotugul, betut komugul, amu koromnatetab usindet ye chobegei si kong’emis? Mi ano koromnatetab usindet?

JEREMIA 34:13

Mwaei Jehovah, Kamuktaindetab Israel, ko u ni kole: kigiyomisge ak kwanisiekwok eng’ betut ne kiamutu ichek komong’ eng’ emetab Misri, komong’ eng’ gotab otwoknatet, alenji,

HOSEA 2:13

Ak aipchi inendet biret agobo betusiekab Baalik, che kobeeljin nyamdutik; ye kilelesanjinegei munaokyik koboto tugukyik che bo lelesta, ak kwo kosubot chamanikyik, ak koutiena, mwaei Jehovah.

KAITOSYEK 15:39

ak egu usinoto, u sawoiyot eng’ okwek ne ogeere ak obwati ng’atutik tugul che bo Jehovah, ak oyai; si mosub kit ne machei mugulelwekwok, ak konyekwok, che kicham osubi oibegei.

NG'ATUTIK 32:18

Mebwati Ruandet ne kisichin, Kiiutie Kamuktaindet ne kisichin.

NG'ATUTIK 4:23

Oripge anyun, si meutie kayomisetab Jehovah Kamuktaindeng’ung’, ne kiyai kobotok, ak oyai kanamwet eng’ kergeindab kiy age tugul ne kietenen Jehovah Kamuktaindeng’ung’.

NG'ATUTIK 4:9

Ripgei anyun, ak irib sobondang’ung’ eng’ kagiiletab ge, si meutie tuguk che kigeer konyeguk, ak si mamanda eng’ muguleldang’ung’ eng’ betusieguk tugul che bo sobeng’ung’; agoi inet lagoguk tuguchuto ak mochogoroniguk;

NG'ATUTIK 8:10

Ak iamisie ibiye, ak ilosu Jehovah Kamuktaindeng’ung’ amu emet ne mie ne kagonin.

KOLOSAIK 2:8

Oripge si maluulok chi age eng’ ng’omnatennyi ak kaberberisiet ne bo buch, eng’ bitonwekab bik, eng’ konetisiosiek che bo tai che bo ng’ony, ak ma eng’ Kristo:

KIRUOGIK 2:12

ak kimeto Jehovah, Kamuktaindetab kwanisiekwak, ne kiimut ichek komong’ eng’ emetab Misri, ak kosub kanamonik, che bo kanamonikab bik che kimenyei komoswekwak tugul, ak kong’urukyi kanamonichoto: ak kitach Jehovah si konerech.