NG'ATUTIK 4:7 - BUKUIT NE TILIL

⁷ Amu ngoro bororiet ne o, ne negite Jehovah ichek, ko u Jehovah Kamuktaindennyo ne negit eng’ ui tugul ye kiguure inendet?

Bukuit Ne Tilil

⁷ Amu ngoro pororyet ne oo ne tinyei kamuktain ne neegitee icheek ko uu Kamuktaindet ne Toroor, Kamuktaindennyo, ne neegiteenech ui tugul ye kiguure ineendet?

BUKUIT NE TILIIL Sireet ne Dutero Kanon

⁷ Amu ngoro pororyet ne oo ne tinyei kamuktain ne neegitee icheek ko uu Kamuktaindet ne Toroor, Kamuktaindennyo, ne neegiteenech ui tugul ye kiguure ineendet?

NG'ATUTIK 4:7 ပူးပေါင်းရင်းမြစ်များ

2 SAMUEL 7:23

Ak ngoro bororiet ne kergei ak biguk, choto Israel, che kiwa Kamuktaindet kotiakyigei koek bikyik, ak koyachigei kainet, ak koyai tuguk che eechen agobo okwek, ak tuguk che bo kamuiset agobo emeng’ung’ eng’ taitab biguk che kiitiach eng’ Misri koek cheguk, eng’ bororiosiek ak cheptalelisiekwak?

TIENWOGIKAL 145:18

Negit Jehovah icheget tugul che kuurei inendet, Tugul che kuurei eng’ iman.

TIENWOGIKAL 147:20

Ma yachin bororiet age tugul ko u noto: Ama nai ichek kiruogutikyik. Olosu Jehovah.

TIENWOGIKAL 148:14

Ak kigotoror kuinetab bikyik, Kalosunetab bikyik tugul che tililen; Agot lagokab Israel, bik che negite inendet. Olosu Jehovah.

TIENWOGIKAL 34:17

Kiririo che bo iman, ak kigas Jehovah, Ak kisor eng’ nyalilwogikwak tugul.

TIENWOGIKAL 34:18

Negite Jehovah icheget che ilyotin mugulelwekwak, Ak kosoru ichek che kigonyeratitu tamirmirikwak.

TIENWOGIKAL 46:1

Kamuktaindet ole kemwechini, ak kimnatennyo, Toretindet ne negit ye mi nyalilda.

TIENWOGIKAL 73:28

Ago mie eng’ ane arikyi Kamuktaindet: Kiacham koek Kiptaiyat Jehovah ole amwechini, Si kobiit amwaita boisioniguk tugul.

TIENWOGIKAL 85:9

Iman negite yetunennyi ichek che iywei inendet; Si komeny telunatet emennyo.

ISAIAH 43:4

Amu koiegu eng’ ane ne achame mising’, ak ne kigonyiti, ak kiachamin; agoitoi anyun bik agobo inye, ak agoite bik agobo sobeng’ung’.

ISAIAH 55:6

Ocheng’ Jehovah kota kimuchi kenyor, oguur kota ko negit:

KAITOSYEK 23:21

Tomo kogeerji Jakobo tengekto, Ama keerji Israel kiy ne imaasat. Mi koboto inendet Jehovah Kamuktaindennyi, Ak mi cheetab laitoriat kwenunywa.

KAITOSYEK 23:9

Amu ageere Israel ami ruandosiek barak, Ak ageere inendet ami tulonok: Ogeero, icheget ko bik che meng’isiei ichegei; Ak magiititoi bororiosiek alak.

POISYONIGAP CHE KIYOKTOI 17:27

si kobiit kocheng’ Jehovah, komang’u kole tamangab kotamdamat, ak konyor inendet, nganda ma loo eng’ age tugul eng’ achek:

NG'ATUTIK 26:19

ak koyain itororitu isiir bororiosiek tugul che kiyai inendet eng’ kalosunet, ak kainet, ak teegisto; si iegu bororiet ne tilil eng’ Jehovah Kamuktaindeng’ung’, ko u ye kimwa.

NG'ATUTIK 33:29

Ee Israel, igasige: O kerge ak ng’o, bororiet ne kisor Jehovah, Long’et ne toretin, Ak ko rotweng’ung’ bo chok, ne bo telunateng’ung’! Ak koyaigei buniguk koigei che kase it; Ak itiech oldinwekwak che sutotin.

NG'ATUTIK 4:32

Teeb anyun nguno agobo betusiek che kigosiirto che kiisib kondounenen koboch ngab kotoi Kamuktaindet koyai chi eng’ ng’ony, koboch tabanda age ne bo kipsengwet agoi tabanda age, teeb ngo kigobiit kit age ne o ne u ni, anan ngo kigegasei?

NG'ATUTIK 5:26

Chi ng’o eng’ bik tugul, ne kigas kutitab Kamuktaindet ne sobei, kong’alali eng’ mat, ko u ye kigigas, ak kosob?

JAKOBO 4:8

Orikyi Jehovah, si korikyok. Oun eunekwok, okwek kiptengeginik; ak otilil mugulelwekwok, okwek che o bo kabwatutik aeng’.