NG'ATUTIK 4:6 - BUKUIT NE TILIL

⁶ Orib anyun ak oyai; amu ng’omnateng’wong’ nito ak naeng’wong’ eng’ taitab bororiosiek, che tun kasei ng’atutichu tugul, ak kole, Ng’om iman bororioni o ak kotinyei naet.

Bukuit Ne Tilil

⁶ Oriip anyun ak oyai, amu ng'omnateng'wong' niito ak naeng'wong' eng' taitap pororyosyek che tuun kasei ng'atuutichu tugul ak kole, “Tinyei utaatyet iman pororyoni oo ak kotinyei naet ne nin!”

BUKUIT NE TILIIL Sireet ne Dutero Kanon

⁶ Oriip anyun ak oyai, amu ng'omnateng'wong' niito ak naeng'wong' eng' taitap pororyosyek che tuun kasei ng'atuutichu tugul ak kole, “Tinyei utaatyet iman pororyoni oo ak kotinyei naet ne nin!”

NG'ATUTIK 4:6 ပူးပေါင်းရင်းမြစ်များ

1 LAITORINIK 4:34

Ak kibwa bik eng’ bororiosiek tugul kogas ng’omnatetab Solomon, kobun oldab laitorinik tugul che bo ng’ony, che kiga kas agobo ng’omnatennyi.

Kitabuutap JOB 28:28

Ak kimwachi bik, kolenji, Ogeero, ngiywei Kiptaiyat, ko ng’omnatet noto; Ak ngeistoege yaitiet, ko naet noto.

TIENWOGIKAL 111:10

Kaiyweisiet ne kiywei Jehovah ko taunetab ng’omnatet; Tinyei kaguiyet ne mie ichek tugul che yaei choto: Tebyei koigeny kalosunennyi.

TIENWOGIKAL 19:7

Igesunotgei ng’atutietab Jehovah, ak koweechi sobondo: Bo iman baornatetab Jehovah, ing’omiti ne berber.

TIENWOGIKAL 19:8

Lititen konetisiosiekab Jehovah, iboiboi muguleldo: Tilil ng’atutietab Jehovah, indoi lapkeiyet konyek.

KALEWANAIK 1:4

Kigochi utatiet che berberen, Kogochi muren naet ak ruchinet:

KALEWANAIK 1:5

Si kobiit kogas chito ne ng’om, ak kotesak eng’ kanetetab ge; Ak si kobiit konyor kiruogutik che bo iman chito ne tinyei kaguiyet;

KALEWANAIK 1:7

Taunetab naet ko kiywei Jehovah: Ago sasei che berber ng’omnatet ak konetisiet.

KALEWANAIK 14:34

Itorori imanda bororiet: Ago iteweri tengekto boror age tugul.

KALEWANAIK 14:8

Ng’omnatetab chito ne ng’om ko koguiyo orennyi: Ago ng’alset berberindab che berber.

ISAIAH 42:21

Kiibaibai Jehovah, kotoror ng’atutiet, ak koyai koek ne kigonyiti amu imandanyi.

JEREMIA 8:9

Ililandos bik che ng’omen, arogendos ak kenam: ogeero, kigoesio ng’olyotab Jehovah; ara anyun tinyei ng’omnatet ne u nee?

EZEKIEL 5:5

Mwaei Kiptaiyat Jehovah ko u ni kole, Nito ko Jerusalem: kiande kwenutab bororiosiek, ak mi emotinwek komoswekyik.

DANIEL 1:20

Ak kigeer anyun laitoriat bichoto kole siirei bik tugul che ng’omen che ng’orsei, ak ng’omotikab kecheik che kimi bounatennyi tugul konyil taman eng’ kit age tugul ne bo ng’omnatet ak naet ne kiga teepse laitoriat bichoto.

DANIEL 4:9

Ee Beltesasar, bounindetab bik che ng’omen che ng’orsei, amu angen ale menyin tamirmirietab cheptalalisiek che tililen, ama mi ung’otiet ne iimin, mwawa anyun ng’ang’utikab karuotitoennyu che kiageer, ak kaweeksennyi.

HOSEA 8:12

Agot nda asirjini inendet ng’atutikyuk eng’ konetisiosiek elfusiek taman, kiiti choto kele tugun che tounen.

MALAKI 3:12

Ak koguurenok bororiosiek tugul bik che boiboi: amu oegu emet ne kichamei kot, mwaei Jehovah ne bo lugosiek.

NG'ATUTIK 29:9

Orib anyun ng’alekab kayomisoni, ak oyai, si kiberurok eng’ tugul che oyae.

NG'ATUTIK 32:46

ak kilenji, Onde mugulelwekwok ng’alechu tugul kabaorianwok ra; che tun ong’ate lagokwok, korib koyai ng’alek tugul che bo ng’atutioni.

NG'ATUTIK 32:47

Amu ma tangoi eng’ okwek ni; amu sobondang’wong’, ak otese betusiekwok eng’ emet amu nito, eng’ ole obendi olandoe Jordan oname kobunjok.

2 TIMOTEO 3:15

ak koboch ko i lakwa ko kiingen sirutik che tililen che imuchi kong’omitin agoi yetunet eng’ kayanet ne mitei eng’ Kristo Jesu.

JAKOBO 3:13

Ng’o ne ng’om eng’ okwek ak koguitos? Ingobarta boisionikyik eng’ atebet ne mie eng’ kaming’inetab ge ne bo ng’omnatet.