NG'ATUTIK 4:4 - BUKUIT NE TILIL

⁴ Ago okwek che kionamgei ak Jehovah Kamuktaindeng’wong’ kosobei ra age tugul eng’ okwek.

Bukuit Ne Tilil

⁴ Ago okweek che ki onamgei ak Kamuktaindet ne Toroor Kamuktaindeng'wong' kosabei ra age tugul eng' okweek.

BUKUIT NE TILIIL Sireet ne Dutero Kanon

⁴ Ago okweek che ki onamgei ak Kamuktaindet ne Toroor Kamuktaindeng'wong' kosabei ra age tugul eng' okweek.

NG'ATUTIK 4:4 ပူးပေါင်းရင်းမြစ်များ

TIENWOGIKAL 63:8

Isubotin sobondanyu mising’: Nama eung’ung’ ne bo tai.

ISAIAH 26:20

Obwa, bikyuk, nyo goriguk orit, ak iger kurgotiguk: unyge ne matia, agoi kosiirto neregek.

EZEKIEL 9:4

Ak kilenji Jehovah inendet, Ui bun kwenutab nganaset, kwenutab Jerusalem, ak ing’och turiosiekab togochikab bik che tigendos ak korirtos agobo tuguk tugul che kiwechei che kiyai eng’ kwenunnyi.

POISYONIGAP CHE KIYOKTOI 11:23

ak kingoit inendet, ak kogeer mieindab Jehovah, kobaibait; ak kogiil ichek tugul konamgei ak Kiptaiyat eng’ mugulelwek che bekyinotin:

ROMANIK 12:9

Ingoek chamnyet ne matinyei ng’alset. Wech mising’ noto ya; onamge ak ne mie.

NG'ATUTIK 10:20

Iywei anyun Jehovah Kamuktaindeng’ung’; boisiechi inendet; onamgei ak inendet, ak iyosie eng’ kainennyi.

NG'ATUTIK 13:4

Obendate osub Jehovah Kamuktaindeng’wong’, oiywei inendet, ak orib ng’atutikyik, ak ogas it kutinnyi, oboisiechi ak onamge ak inendet.

NG'ATUTIK 30:20

icham Jehovah Kamuktaindeng’ung’, igas it kutinnyi, ak onamgei ak inendet: amu inendet sobondang’ung’, ak koindab betusieguk, si kobiit imeny emet ne kiiyosiechi Jehovah kwanisieguk kogochi Abraham, Isak, ak Jakobo.

NG'ATUTIK 4:3

Kigogeer konyekwok tuguk che kiyai Jehovah agobo Baal-peor: amu kigobar Jehovah Kamuktaindeng’ung’ eng’ kwenung’ung’ bik tugul che kiisub Baal-peor.

NG'ATUTIK 4:5

Ogeero, kianetak ng’atutik ak kiruogutik, ko u ye king’ata Jehovah Kamuktaindennyu, si kobiit oyai choto eng’ emet ne obendi oname.

JOSHUA 22:5

Ago oripge mising’ oyai kayomisutiet ak ng’atutiet, che king’atak Musa otwogindetab Jehovah, ocham Jehovah Kamuktaindeng’wong’, ak obendate ortinwekyik tugul ak orib ng’atutikyik, ak onamge ak inendet ak oot inendet eng’ mugulelwekwok tugul ak sobonwekwok tugul.

JOSHUA 23:8

ago onamge ak Jehovah Kamuktaindeng’wong’, ko u ye kioyai agoi ra.

NG'ANG'UTYET 14:4

Chuto ko icheget che ma imuruongei eng’ kobogorisiek; amu bergeinik icheget. Chuto ko icheget che isubi Aruet eng’ oldo tugul ole wendi. Kigial chuto eng’ kwenutab bik, koek tongoanik eng’ Jehovah ak eng’ Aruet.

NG'ANG'UTYET 20:4

Ak kiageer ng’echerokab laitornatet, ak kitebe ichek, ak kigigochi ichek koruoch: ak kiageer sobonwekab ichek che kigitil metowek amu baornatetab Jesu, ak agobo ng’olyotab Jehovah, ak ichek che kima kolosu tiondo, anan kanamwennyi, ak che kimanyor berutiet eng’ togochikwak anan eng’ eunekwak; ak kisopcho ak kolaitoran koboto Kristo kenyisiek elfut.