NG'ATUTIK 4:31 - BUKUIT NE TILIL

³¹ amu Jehovah Kamuktaindeng’ung’ ko Kamuktaindet ne bo rirenet; mametoin, anan kowong’un, anan koutie kayomisetab kwanisieguk ne kiiyosiechi.

Bukuit Ne Tilil

³¹ Amu Kamuktaindet ne Toroor Kamuktaindeng'ung' ko Kamuktaindet ne Toroor ne po rireenet ma metoin, anan kowong'un anan koutye kayomisetap kwanisyeguk ne ki iyasyechi.

BUKUIT NE TILIIL Sireet ne Dutero Kanon

³¹ Amu Kamuktaindet ne Toroor Kamuktaindeng'ung' ko Kamuktaindet ne Toroor ne po rireenet ma metoin, anan kowong'un anan koutye kayomisetap kwanisyeguk ne ki iyasyechi.

NG'ATUTIK 4:31 ပူးပေါင်းရင်းမြစ်များ

1 ATEPTAP PEETUUSYEK 28:20

Ak kilenji Daudi Solomon werinnyi, Kimitu nyiganitu, ak iyai: ameiywei, anan itoptoben: amu mi koboten Jehovah Kamuktaindet, inendet Kamuktaindennyu: mabagaktoin, anan kometen agoi kogesgei boisiet tugul ne bo otisietab gotab Jehovah.

2 ATEPTAP PEETUUSYEK 30:9

Amu ngoweekyige Jehovah, kosichei tupchosiekwok ak lagokwok rirenet eng’ taitab icheget che kiluul ichek, ak koweek kogeny kobwa emoni: amu tinyei Jehovah Kamuktaindeng’wong’ mieindo ak rirenet, ama ituktochinok batai, ngot oweekyige inendet.

NEEMIA 1:5

ak ale, Asain, ee Jehovah, Kamuktaindetab kipsengwet, Kamuktaindet ne o ne bo kamuiset, ne ribei arorutiet ak rirenet eng’ icheget che chamei inendet, ak koribei ng’atutikyik:

NEEMIA 9:31

Ago eng’ rirenosieguk che chang’ ko ma igesu ichek, anan imete, amu i Kamuktaindet ne bo mieindo, ak ko nyiitat rirenet.

TIENWOGIKAL 103:8

Nyiitat Jehovah rirenet ak ko bo mieindo, Ama sib konerechi, ak tinyei chang’indab rirenet.

TIENWOGIKAL 105:8

Ibwati kayomisennyi koigeny, Ng’olyot ne king’atyi ibinwek elfut;

TIENWOGIKAL 111:4

Kiyai Jehovah boisionikyik che kikwong’e, si kibwataat: Bo Jehovah mieindo ak ko nyiitat rirenet.

TIENWOGIKAL 111:5

Kigogochi amitwogik che iywei inendet: Ibwati kayomisennyi kotugul.

TIENWOGIKAL 111:9

Kigoyokyi bikyik katiaget; Kigong’at kayomisennyi kobunji koigeny: Tilil kainennyi ne kiywei.

TIENWOGIKAL 116:5

Bo mieindo Jehovah ak ko bo imanda; Ee, tinyei rirenetab ge Kamuktaindennyo.

TIENWOGIKAL 86:15

Ago inye, ee Kiptaiyat, ko i Kamuktaindet ne nyiitat rirenet ak ko bo mieindo, Ne masib konerechi, ne tinyei chang’indab rirenetab ge ak imanit.

TIENWOGIKAL 86:5

Amu i mie inye Kiptaiyat, ak i chobot inyochi kaat, Ak itinye chang’indab rirenetab ge eng’ ichek che kuurin.

KOMONG'U 6:8

Ak amutwak obwa emet ne kiaitochi eunnyu agochi Abraham, Isak, ak Jakobo; ak agonok kobunjok: A JEHOVAH.

JEREMIA 14:21

Amat iwechech, amu kaineng’ung’; ametewer ng’echeretab laitornatet ne bo torornateng’ung’: ibwat, amat ibut kayomiset ne kigaiyomiswech.

JEREMIA 30:11

Amu ami koboten, mwaei Jehovah, si asorun; amu agesu bororiosiek tugul che kigayestochin, ago magesun inye; ago atigonenen kiruoget, amabagaktoin ama kibirin.

ATEPTAP LAWIK 26:42

abwat anyun kayomisennyu ne kiayomisyi Jakobo; ak kayomisennyu agine ne kayomisyi Isak, ak abwat agine kayomisennyu ne kiayomisyi Abraham; ak abwat emet.

ATEPTAP LAWIK 26:44

Agot nganda u choto tugul, ye mi emetab bunikwak, ko maesioi ichek, amaweche, amang’eme awong’u, ak mabute kayomisennyu koboto ichek: amu a Jehovah Kamuktaindenywa:

ATEPTAP LAWIK 26:45

ago abwati amu ichek, kayomiset ne kiayomisyi boisiekwak, che kiamoong’u eng’ emetab Misri kogeeronu bororiosiek, si aek Kamuktaindenywa: a Jehovah.

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

MIKAH 7:18

Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

KAITOSYEK 14:18

Masib konerech Jehovah, ak ko nyiitat rirenet, ne nyochin kaat tengekto ak bistoet, ama nyochin kaat buch kiptengekyot; ago iityin lagok agobo tengektab kwanisiekwak, agoi ibinda ne bo somok ak ne bo ang’wan.

LUKA 1:72

Si korire kwanisiekyok, Ak kobwat kayomisennyi ne tilil;

NG'ATUTIK 31:6

Ogimegitu, onyiganitu, amoiywei, anan oarogense amu ichek: amu wendi Jehovah Kamuktaindeng’ung’ koboten; mametoin inendet, ama bagaktoin.

NG'ATUTIK 31:8

Inendet Jehovah ne indoenen; mi koboten, amemetoin, ama bagaktoin; ameiywei, anan iarogen.

HEBRANIK 13:5

Oegu che itiogotin eng’ chametab siling’isiek; ingoyamak tuguk che otinye: amu kigomwa inendet, kole, Magoi abagakten, magoi ameten.

JOSHUA 1:5

Mabiitu chi ne imuchi kotonon eng’ taing’ung’ betusiek tugul kote isobe: ko u ye kiami koboto Musa, ko u noto ami koboten: mametoin, anan abagakten.