NG'ATUTIK 4:29 - BUKUIT NE TILIL

²⁹ Ago ngocheng’ eng’ oloto Jehovah Kamuktaindeng’ung’, inyoru inendet ngicheng’ eng’ muguleldang’ung’ tugul ak eng’ sobondang’ung’ tugul.

Bukuit Ne Tilil

²⁹ Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.

BUKUIT NE TILIIL Sireet ne Dutero Kanon

²⁹ Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.

NG'ATUTIK 4:29 ပူးပေါင်းရင်းမြစ်များ

2 LAITORINIK 10:31

Ago ma mage kiy Jeu kowendote ng’atutikab Jehovah, Kamuktaindetab Israel, eng’ muguleldanyi tugul: ma istoegei tengekwogikab Jeroboam, che kiibeete Israel si koyai tengekto.

2 LAITORINIK 23:3

Ak kitonon laitoriat eng’ ye bo toloita, ak koyai arorutiet eng’ taitab Jehovah, kosub Jehovah, ak korib ng’atutikyik, ak baornatosiekyik, ak kayomisutikyik, eng’ muguleldanyi tugul, ak sobondanyi tugul, kogimit ng’alekab arorutioni che kigisirji bukuini: ak kitononso bik tugul koyan arorutionoto.

2 ATEPTAP PEETUUSYEK 15:12

Ak kiiyomisgei kocheng’ Jehovah, Kamuktaindetab kwanisiekwak, eng’ mugulelwekwak tugul, ak eng’ sobonwekwak tugul;

2 ATEPTAP PEETUUSYEK 15:15

Ak kiboiboitu Juda tugul amu kayosionoto: amu kigayosio eng’ mugulelwekwak tugul, ak kocheng’ inendet eng’ magenywa tugul; ak kinyor inendet: ak kiigochi Jehovah ichek kamuung’et eng’ tabanwekwak tugul.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

2 ATEPTAP PEETUUSYEK 15:4

ago kingoweekyigei Jehovah, Kamuktaindetab Israel, eng’ nyalildanywa, ak kocheng’ inendet, konyor inendet.

2 ATEPTAP PEETUUSYEK 31:21

Ak eng’ boisiet age tugul ne kitoi koyai eng’ otisietab gotab Kamuktaindet, ak eng’ ng’atutik, ak eng’ kayomisutik, kocheng’ Kamuktaindennyi, kiyai eng’ muguleldanyi komugul, ak kibor.

NEEMIA 1:9

ago ngot oweekyage, ak orib ng’atutikyuk ak oyai, ko agot ngo kigiyestochok tabandab kipsengwet, ayumi kobwa eng’ oloto, ak amutu kobwa ole kialewen ande kainennyu kotebe.

NEEMIA 9:27

Noto anyun, kiinde ichek eunekab bunikwak, che kiim ichek: ak eng’ betusiekab nyalildanywa, ye kingorirjin, igas eng’ kipsengwet; ak ko u eng’ rirenosieguk che chang’, ko kiigochi ichek sorunik che kisor ichek eng’ eunekab bunikwak.

TIENWOGIKAL 119:10

Kiacheng’in eng’ muguleldanyu tugul: Amegona alooitune ng’atutiguk.

TIENWOGIKAL 119:145

Kiaguurse eng’ muguleldanyu komugul; wolwa, ee Jehovah: Aribe ng’atutiguk.

TIENWOGIKAL 119:2

Boiboen ichek che ribei baornatosiekyik, Che cheng’ei inendet eng’ muguleldo komugul.

TIENWOGIKAL 119:58

Kiarirji chamnyeng’ung’ eng’ muguleldanyu komugul: Rirena ko u ng’olyondeng’ung’.

JEREMIA 3:10

Ak eng’ chu tugul ko ma weekyagei eng’ muguleldanyi komugul Juda chepkamennyi, kaberberindet, ago eng’ ng’alset, mwaei Jehovah.

JEREMIA 51:50

Oba okwek, che kiochilile rotwetab chok, amotonon; obwat Jehovah omi ole loo, ak obwat Jerusalem.

EZEKIEL 6:9

Ak kobwata ichek che chilildos eng’ okwek eng’ bororiosiek ole tun kimutyin koek luulenik, ko u ye kigomea mugulel agobo kugoinatetab mugulelwekwak, che kigoistoenagei, ak agobo konyekwak, che ibotegei ak kanamonikwak: ak wechegei ichegei agobo yaitwogik che kigoyai eng’ tugukwak tugul che kiwechei.

JOEL 2:12

Ago mwaei Jehovah kole, Oweekyage agot nguno eng’ mugulelwekwok tugul, eng’ karugutetab ge, ak eng’ rirek, ak eng’ kateeiyet:

AMOS 5:4

Amu mwachin Jehovah gotab Israel ko u ni kole, Ocheng’a, si osopche:

NG'ATUTIK 10:12

Ara anyun Israel, nee ne magenen Jehovah Kamuktaindeng’ung’, kobate iywei Jehovah Kamuktaindeng’ung’, iwendote ortinwekyik tugul, ak icham inendet, ak iot Jehovah Kamuktaindeng’ung’ eng’ muguleldang’ung’ tugul ak eng’ sobondang’ung’ tugul,

NG'ATUTIK 11:13

Egu anyun, ngot ogas it eng’ kagiiletab ge ng’atutikyuk che kang’atak rani, ngocham Jehovah Kamuktaindeng’wong’, oboisiechi inendet eng’ mugulelwekwok tugul ak eng’ sobonwekwok tugul,

NG'ATUTIK 26:16

Kang’atin rani Jehovah Kamuktaindeng’ung’ iyai konetisiosiechu ak kiruogutichu: rib anyun ak iyai eng’ muguleldang’ung’ komugul, ak eng’ sobondang’ung’ komugul.

NG'ATUTIK 30:10

ngigas it kutitab Jehovah Kamuktaindeng’ung’, irib ng’atutikyik ak konetisiosiekyik che sirotin eng’ bukuini bo Ng’atutiet; ngiweekyige Jehovah Kamuktaindeng’ung’ eng’ muguleldang’ung’ komugul, ak eng’ sobondang’ung’ komugul.

NG'ATUTIK 6:5

ak kanyol icham Jehovah Kamuktaindeng’ung’ eng’ muguleldang’ung’ tugul, ak eng’ sobondang’ung’ tugul, ak eng’ kimnateng’ung’ tugul.

JOSHUA 22:5

Ago oripge mising’ oyai kayomisutiet ak ng’atutiet, che king’atak Musa otwogindetab Jehovah, ocham Jehovah Kamuktaindeng’wong’, ak obendate ortinwekyik tugul ak orib ng’atutikyik, ak onamge ak inendet ak oot inendet eng’ mugulelwekwok tugul ak sobonwekwok tugul.

1 SAMUEL 7:3

Ak king’alalji Samuel got tugul ne bo Israel, kolenji, Ngot oweekyinige Jehovah eng’ mugulelwekwok tugul, oiste anyun kanamonik che too ak Astarot eng’ kwenung’wong’ ak otokyi mugulelwekwok Jehovah ak oot inendet inegei: si kosoruok eng’ eunekab Pilistik.