NG'ATUTIK 4:27 - BUKUIT NE TILIL

²⁷ Ak koiyestak Jehovah oyomu bororiosiek, ak ong’etu che ng’ering’ eng’ bororiosiek, ole imutok Jehovah.

Bukuit Ne Tilil

²⁷ Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.

BUKUIT NE TILIIL Sireet ne Dutero Kanon

²⁷ Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.

NG'ATUTIK 4:27 ပူးပေါင်းရင်းမြစ်များ

TAUNET 11:4

Ak kimwa kole, Obwa keteekyigei nganaset, ak keteech teekset age ne koi ne togostoi barak, ne itei kimonjogunnyi kipsengwetisiek, si keyaige keegu che toogunotin, si mata keyeste eng’ ng’ony komugul.

TAUNET 34:30

Ak kilenji Jakobo Simeon ak Lawi, Kaoiima, ak kaogona aek ne kiwechei eng’ bik che menyei emoni, eng’ Kanaik ak Perisik: ak koyumjagei, kobara kowong’wa koboto gonnyu, ago achek, kota ko ki ng’ering’.

NEEMIA 1:3

Ak kimwawa kole, Tinyei nyalilda ne o, ak churisiet eng’ emonoto, bik che king’et eng’ che kiga keluul: ak kigobutok agine irimetab Jerusalem, ak kigebeel ormarichokyik.

TIENWOGIKAL 106:27

Ak koiyestaat iyotenywa koyom bororiosiek, Ak koiyesta ichek eng’ emotinwek.

TIENWOGIKAL 44:11

Keyaech kegergeitu ak kechirek che kienyei; Ak kiiyestech kebe oldab bororiosiek.

TIENWOGIKAL 44:12

Ialdoi biguk buch, Ama tesun kiy ichek.

ISAIAH 17:6

Nganda u noto, kong’etu turonik, ko u ye kitumdumi emdit, ak kong’etune logoek aeng’ anan ko somok eng’ temet ne tabanu barak, ak kong’etune ang’wan anan ko mut eng’ temenik che kiiwakta kolooegitu che bo ketit ne rurei, mwaei Jehovah, Kamuktaindetab Israel.

JEREMIA 16:13

atimdook anyun omande eng’ emoni obe emet ne tom onai, okweget anan kwanisiekwok; ak oot cheptalelisiek che ter eng’ oloto bet ak kemoi; amu marirenok.

EZEKIEL 11:16

mwa anyun ile, Mwaei Kiptaiyat Jehovah ko u ni kole: Nganda kiayestochi ichek ole loo eng’ bororiosiek, ak kiaseer ichek koyom emotinwek, ko ta aegu kora eng’ ichek komosta ne tilil eng’ ne matia eng’ emotinwek che kigoba.

EZEKIEL 12:15

Ak konai kole a Jehovah ye ayeste ichek eng’ bororiosiek, ak aseer ichek koyom emotinwek.

EZEKIEL 20:23

Ak kiang’werere ichek eunnyu eng’ ong’atet, si kobiit aseer ichek eng’ bororiosiek, ak ayeste ichek koyom emotinwek;

EZEKIEL 22:15

Ak aseerjin bororiosiek, ak ayestochin emotinwek; ak agesu simdang’ung’.

EZEKIEL 32:26

Mi oloto Mesek, Tubal, ak bikyik tugul che chang’; mi kererisiekyik komoswekyik tugul; kima kimuratan ichek tugul, kigibare rotwetab chok; amu kiyai kamuisenywa eng’ emetab bik che soptos.

DANIEL 9:7

Ee Kiptaiyat, neng’ung’ imanda, ago nenyo kalilanet, ko u ra; koboto bikab Juda, ak bik che menyei Jerusalem ak Israel tugul, che negit ak che mi ole loo, eng’ emotinwek tugul ole kiionji, amu chalwoktanywa ne kigoyaun.

HOSEA 9:17

Onei Kamuktaindennyu ichek, amu kima kas it inendet: ak koek bik che ombenioti eng’ bororiosiek.

ATEPTAP LAWIK 26:33

Ak aiyestochok bororiosiek alak, ak ang’usu rotwetab chok kosubok: ak koguber emeng’wong’, ak koek karotwek nganasokwok.

SEKARIA 7:14

ago aiyestoi ichek eng’ kipchurjuriet eng’ bororiosiek tugul che kitomo konai. Kiek anyun emet karatia eng’ let, kot ko mata kobun chi yoto anan koweegegei: amu kiigochi emet ne ki kararan koguber.

NG'ATUTIK 28:36

Imutin Jehovah koboto laitoriandeng’ung’ ne tun indoi koboun, agoi iit bororiet ne mengen, inye, anan kwanisieguk; ak iot kanamonik eng’ oloto, che bo ketik ak koik.

NG'ATUTIK 29:28

kiitut Jehovah ichek komong’ eng’ emenywa eng’ neregek ak eng’ nyitatet, ak eng’ ng’wanindo, koonji emet age ko u rani.

NG'ATUTIK 30:3

kowal anyun Jehovah Kamuktaindeng’ung’ luulet ne kigiluulin ak korirenen, ak koweek koyumin eng’ bororiosiek tugul, ole kiiyestochin Jehovah Kamuktaindeng’ung’.

NG'ATUTIK 32:26

Kiale, Aiyestochini ole loo, Agochini kogesgei kabwatenywa eng’ bik: