NG'ATUTIK 4:24 - BUKUIT NE TILIL

²⁴ Amu Jehovah Kamuktaindeng’ung’ ko mat ne iwong’u, ak kotinyei ng’et kong’.

Bukuit Ne Tilil

²⁴ Amu Kamuktaindet ne Toroor Kamuktaindeng'ung' ko maat ne iwong'u ak kotinyei ng'et kong'.

BUKUIT NE TILIIL Sireet ne Dutero Kanon

²⁴ Amu Kamuktaindet ne Toroor Kamuktaindeng'ung' ko maat ne iwong'u ak kotinyei ng'et kong'.

NG'ATUTIK 4:24 ပူးပေါင်းရင်းမြစ်များ

2 LAITORINIK 24:20

Amu kibiitune tuguchoto neregekab Jehovah eng’ Jerusalem ak Juda, kot kotimda ichek koba eng’ tainnyi: ak kiingelelji Sedekia laitoriatab Babulon.

TIENWOGIKAL 21:9

Iyae ichek kogergeit ak mat ne ng’eteteni eng’ betutab neregeguk. Lugui Jehovah ichek eng’ nyitatennyi, Ak kobeel mat koges.

TIENWOGIKAL 78:58

Kitach inendet kot konerech eng’ oldinwekwak che sutotin, Ak kiigochi inendet ng’etkonda eng’ kanamonikwak che kigiwai.

KOMONG'U 15:7

Iluuli ichek che ng’eetyinin eng’ oindab telunateng’ung’: Iyoktoi neregeguk, che beelei ichek kowong’gei ko u mobek.

KOMONG'U 20:5

ameng’urukyi anan iot ichek: amu ane Jehovah Kamuktaindeng’ung’, ko a Kamuktaindet ne ama ng’etkong’, ageerjini lagok tengektab kwanisiekwak, agoi ibindab somok ak ne bo ang’wan eng’ ichek che wecha,

KOMONG'U 24:17

Ak ki u itondab lilindab Jehovah mat ne beelei kowong’u eng’ tulwet barak ko u ye kigeerei lagokab Israel.

KOMONG'U 33:3

agoi emonoto ne nyiitat chego ak kumik: amu matogostoi koboten; amu o bik che uuen kaat: si mabarak owong’uge eng’ oret.

KOMONG'U 34:14

among’urukyi cheptalelit age tugul: amu Jehovah ne kainennyi ko ng’etkong’, inendet Kamuktaindet ne amei ng’etkong’:

ISAIAH 10:17

Ak koek mat lapkeiyetab Israel, ak koek nenyi Ne Tilil liblibenetab mat, ak kobeel kwong’ katokyik ak katablelinikyik betunak.

ISAIAH 30:27

Ogeero, bunu kainetab Jehovah ole loo, lalei eng’ neregekyik, ak eng’ iyeto ne o ne togostoi; nyiitat kutinnyi nyitatet, ak u ng’elyeptanyi mat ne beelsei:

ISAIAH 30:33

Amu kigechob Topet koboch keny; ee, kigechopchi laitoriat; kigoyai kolooit kwo ng’ony ak kotebeesit: karurugutiennyi ko mat ak kwenik che chang’; inaami kabusetab Jehovah, ne kergei ak koik che laldos, che isururu.

ISAIAH 33:14

Iyweisiei kiptengeginik che mi Sion; kigonam botanet che maiywei Kamuktaindet: Ng’o eng’ achek ne imuchi komeng’is ak mat ne igesu? Ng’o eng’ achek ne imuchi komeng’is ak mat ne lalei koigeny?

ISAIAH 42:8

A Jehovah; kainennyu noto: amagochini torornatennyu chito age, amagochini kanamonik che kiwaei, kalosunennyu.

AMOS 5:6

Ocheng’ Jehovah si osopche: si ma lal ko u mat eng’ gotab Josep, ak kobeel koges, ama biitu chi ne imisi eng’ Bet-el:

NAHUM 1:2

Jehovah ko Kamuktaindet ne bo ng’etkonda ak koyaaktoi mugetut; yaaktoi Jehovah mugetut, ak ko neregat; yaakyin Jehovah mugetut bunikyik, ak kogonorjin bunikyik neregek.

NAHUM 1:6

Ng’o ne imuchi kotonon eng’ taitab neregekyik? Ak ng’o ne imuchi komuita eng’ koromnatetab neregekyik? Kirong’u neregekyik che ng’wonen ko u mat, ak tonatoni inendet ruandosiek.

SEPANIA 1:18

Ama imuchi fedaisiekwak anan tahabusiekwak kosor ichek eng’ betutab neregekab Jehovah; ago kibeelei emet komugul eng’ matab ng’etkondanyi: igesu, ee, igesu eng’ kamuiset, ichek tugul che menyei emet.

SEPANIA 3:8

Ogena anyun, mwaei Jehovah, kot koit betut ne abarisiei: amu kiatil ale ayumi bororiosiek, ale ayumi bounatosiek, si arong’ji ichek neregekyuk, neregekyuk tugul che koromen; amu kibeelei ng’ony tugul eng’ matab ng’etkondanyu.

KAITOSYEK 25:11

Kiisto Pineas weritab Eleasar weritab Aron tisiindet, neregekyuk eng’ lagokab Israel, amu kitinyei ng’etkonda eng’ ichek amu ane; mata anyun awong’u lagokab Israel eng’ ng’etkondanyu.

1 KORINTOEK 10:22

Anan kitache Kiptaiyat konyor ng’etkong’? Tos ki kimen kosiir inendet?

NG'ATUTIK 29:20

Mametoi Jehovah chichoto, ago iyenjin chichoto neregek ak ng’etkonda che bo Jehovah, ak kotebe chichoto chubisioni tugul ne kigisirji bukuini, ak kobukto Jehovah kainennyi eng’ kureretab kipsengwet.

NG'ATUTIK 32:16

Kiigochi koam ng’etkonda eng’ cheptalelisiek che ter, Kitach eng’ tuguk che kiwechei.

NG'ATUTIK 5:9

ameng’urukyi, anan iot: amu ane Jehovah Kamuktaindeng’ung’ ko a Kamuktaindet ne amei ng’etkong’, ageerjini lagok tengektab kwanisiekwak, agoi ibinda ne bo somok ak ne bo ang’wan eng’ ichek che wecha;

NG'ATUTIK 6:15

amu tinyei ng’etkong’ Jehovah Kamuktaindeng’ung’ ne mi kwenung’ung’; si malalyo neregekab Jehovah Kamuktaindeng’ung’ eng’ inye, ak kowong’un eng’ ng’ony.

NG'ATUTIK 9:3

Nai anyun rani ile, Jehovah Kamuktaindeng’ung’ ne landoi kondoenen ko u mat ne iwong’u; ng’emei bichoto, ak kogochi konyeratitu eng’ taing’ung’: ione anyun ko u noto, ing’em ichokyi ko u ye kimwaun Jehovah.

HEBRANIK 12:29

amu Jehovah nenyo ko mat ne igesu.