NG'ATUTIK 4:19 - BUKUIT NE TILIL

¹⁹ si ma ye inyal barak, igeer asista ak arawet ak kecheik, agot chang’indo tugul che mi kipsengwetisiek, kochuutin iwe isa tukchoto, ak iot tuguchoto kigopchechi Jehovah Kamuktaindeng’ung’ bororiosiek tugul che mi kureretab kipsengwetisiek.

Bukuit Ne Tilil

¹⁹ Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.

BUKUIT NE TILIIL Sireet ne Dutero Kanon

¹⁹ Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.

NG'ATUTIK 4:19 ပူးပေါင်းရင်းမြစ်များ

TAUNET 1:14

Ak kimwa Kamuktaindet kole, Ingobiit tuguk che iluu eng’ soetab kipsengwetisiek si kobiit kobesio bet ak kemoi; si koek choto kaborunoik, che bo arawek, ak betusiek ak kenyisiek;

TAUNET 2:1

Kigiges anyun yaetab kipsengwetisiek ak ng’ony ak chang’indanywa tugul.

2 LAITORINIK 17:16

Ak kimeto ng’atutik tugul che bo Jehovah Kamuktaindenywa, ak koyachigei kanamonik che kigitany, moek aeng’, ak kiyai Asera, ak kogutung’ji tuguk tugul che bo kipsengwet, ak koot Baal.

2 LAITORINIK 21:3

Amu kiteech kogeny komoswek che tororen che kiga kobut Hesekia kwandanyi; ak kiteekyi Baal kapkorosusiek, ak koyai Asera ko u ye kiga yai Ahab laitoriatab Israel, ak kogutung’ji tuguk tugul che bo kipsengwet, ak koot.

2 LAITORINIK 23:11

Ak kiisto mnbartanyisiek che kiga kogochi laitorinikab Juda asista, eng’ ye kimandoe kebendi gotab Jehovah, ye negite gotab Natan-melek ribindet, ne mi serem; ak kibeel karisiek che bo asista eng’ mat.

2 ATEPTAP PEETUUSYEK 33:3

Amu kiteech kogeny komoswek che tororen che kiga kobut kwandanyi Hesekia; kiteekyi Baalik kapkorosusiek, ak koyai Aserot, ak kigutung’ji tuguk tugul che bo kipsengwet ak koot.

NEEMIA 9:6

I Jehovah, inye inyege; kiiyai kipsengwet, kipsengwet ne bo kipsengwetisiek, koboto tugukwak tugul, ak ng’ony ak tuguk tugul che mi oloto, nyanjosiek ak tuguk tugul che mitei, ak iribe tuguchoto tugul; ak kolosun luget tugul ne bo kipsengwet.

TIENWOGIKAL 19:3

Mami ng’alalet anan ng’alek; Magigasei twegunenywa.

JEREMIA 19:13

ak kogergeit gorikab Jerusalem, ak gorikab laitorinikab Juda, che kiging’wanit, ak komostab Topet, gorik tuguk che kibeele ichek baragunywa nyamdutik kobeeljine tuguk tugul che bo kipsengwet, ak kigorong’ji kagochinoik che kieei, kanamonik che ter.

JEREMIA 31:35

Mwaei Jehovah, ne konu asista koek lapkeiyet bet, ak ng’atutik che kiging’at agobo arawet ak kecheik si koek lapkeiyet kemoi, ne wasei nyanjet, kot komoror mildaennyi ne bo ge; kainennyi ko Jehovah ne bo lugosiek, mwaei ko u ni kole:

JEREMIA 33:25

Mwaei Jehovah ko u ni kole: Ngot ko matononi arorutiennyu ne bo bet ak ne bo kemoi, ngot ko ma ande ng’atutikab kipsengwet ak che bo ng’ony;

JEREMIA 8:2

ak koma eng’ asista, ak eng’ arawet, ak eng’ taitab tuguk tugul che bo kipsengwet, che kiga kocham, ak kiga koot, ak che kiga kosubot, che kiga kocheng’at, ak che kiga kolos: magiyumi, anan ketub; egu keturek eng’ emet.

EZEKIEL 18:6

ak tomo koamisie tulonok, ama tokyi kanamonik che bo gotab Israel, ama ing’wanit osotiotab chitab kokwennyi, ama rikyi kwony eng’ betusiekyik che bo arawet;

EZEKIEL 8:16

Ak kiimutwa seremut ne bo orit ne bo gotab Jehovah, ak ogeero, kimi bik che negit tiptem ak mut eng’ kurgetab hekalutab Jehovah, eng’ kwenutab keterut ak kaptisisiet, che kaituktochi batai hekalutab Jehovah, ak kotokyigei kong’asis; ak kisa asista kotokyingei kong’asis.

SEPANIA 1:5

ak ichek che ilosu tuguk tugul che bo kipsengwet, eng’ gorik barak; koboto icheget che ilosu, che iyosiechin Jehovah, ak koyostos eng’ kainetab Malkam;

MATAYO 5:45

si oegu werikab Kwandang’wong’ ne mi kipsengwet; amu igochin asistanyi kochorji che yaach ak che miach, ak iyokyin ropta che bo imanda ak che ma bo imanda.

POISYONIGAP CHE KIYOKTOI 7:42

Ago kiituktochi batai Jehovah ichek, ak kogoito ichek koot lugetab kipsengwet; ko u ye sirat eng’ bukuitab maotik, kele, Tos kiogona che kiyagi che kageeny ak tiseiywek Eng’ kenyisiek artam eng’ ong’atet, Ee gotab Israel?

ROMANIK 1:25

amu kiwal imanitab Jehovah kowale lembeita, ak kolos ak koot kit ne kigiyai kosiir Yaindet, ne iberurot koigeny. Amen.

NG'ATUTIK 13:10

Lach eng’ koik kot kome; amu kicheng’ei komaasin imete Jehovah Kamuktaindeng’ung’ ne kiimutun imong’une emetab Misri, eng’ gotab otwognatet.

NG'ATUTIK 13:5

Ak kibarei maotiondonoto anan karuotitoindonoto; amu kimwa kit ne ibeeti bik kobagakta Jehovah Kamuktaindeng’wong’, ne kiimutwok omong’une emetab Misri, ne kiitiachin eng’ gotab otwognatet, kole komaasin eng’ oret ne king’atin Jehovah Kamuktaindeng’wong’ iwendote. Iste anyun ko u noto yaitiet eng’ kwenung’ung’.

NG'ATUTIK 17:3

ak kwo koot kanamonik, kogutung’ji, anan asista, anan arawet, anan age tugul ne bo chang’indab kipsengwet, ne ma ang’at;

NG'ATUTIK 4:18

Anan itondab kiy age tugul ne ichuutegei ng’ony, anan itondab njiriot age tugul ne mi beek che mi ng’ony orit: