NG'ATUTIK 32:4 - BUKUIT NE TILIL

⁴ Ruandet inendet, igesunotgei boisiennyi; Amu imanda ortinwekyik tugul: Kamuktaindet ne bo imanit ne matinyei yaitio, Bo imanda inendet ak kosuldaat.

Bukuit Ne Tilil

⁴ Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

BUKUIT NE TILIIL Sireet ne Dutero Kanon

⁴ Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

NG'ATUTIK 32:4 ပူးပေါင်းရင်းမြစ်များ

TAUNET 1:31

Ak kigeer Kamuktaindet tuguk tugul che kiga koyai kole miachen mising’. Ak kiek koskoleny ak kiek karon, betut ne bo lo.

TAUNET 18:25

Ingolooit eng’ inye, yaet ne u nito, ibar che bo iman koboto che yaachen, si kogergeit che bo iman ak che yaachen; ingolooit eng’ inye: tos mayaei iman Kiruogindet ne bo ng’onyuni komugul?

2 SAMUEL 22:47

Sobei Jehovah; ak iberurot ruandennyu; Ak ingotororit Kamuktaindetab ruandetab yetunennyu:

2 SAMUEL 23:3

Kile Kamuktaindetab Israel, King’alalwa Ruandetab Israel kole: Inendet ne bou bik eng’ imanda, Ne bou eng’ kaiyweisietab Kamuktaindet,

2 ATEPTAP PEETUUSYEK 19:7

Ingotebenok anyun kaiyweisiet ne oiywei Jehovah: orib, ak oyai: amu mami tengekto eng’ Jehovah Kamuktaindennyo, anan ko tiytietab bik, ama taachei konunoik che kigoigoisie.

NEEMIA 9:8

ak igeer ile bo iman muguleldanyi eng’ taing’ung’, ak oyomisge ak inendet igochi inendet emetab Kananindet, Hitindet, Amorindet, Perisindet, Jebusindet ak Girgasindet, igochi emonoto iyotennyi ak kaiyai ng’aleguk kosulda; amu i bo iman.

Kitabuutap JOB 34:10

Ogas anyun amu noto, bichu otinye naet: Ingolooit eng’ Kamuktaindet kele imuchi koyai yaitiet; Ak ingolooit eng’ Inendet ne bo Kamuktaet kele koyai tengekto.

Kitabuutap JOB 35:14

Kotam nee ye imwae ile, mageere inendet, Mi ng’alek tainnyi, ak igeni!

Kitabuutap JOB 36:23

Ng’o ne kigong’at orennyi? Anan ng’o ne imuchi komwa kole, Keyai ne ma bo iman?

Kitabuutap JOB 8:3

Tos igunuri Kamuktaindet kiruoget? Anan imaasi Inendet ne bo Kamuktaet imanda?

TIENWOGIKAL 100:5

Amu mie Jehovah; tebyei rirenennyi koigeny; Ak imandanyi eng’ ibinwek tugul.

TIENWOGIKAL 138:8

Isuldawa Jehovah tuguk che nyoljina: Tebyei rireneng’ung’ koigeny, ee Jehovah; Amebagakte boisionikab euneguk.

TIENWOGIKAL 145:17

Bo iman Jehovah eng’ ortinwekyik tugul, Ak tala eng’ boisionikyik tugul.

TIENWOGIKAL 146:6

Ne kiyai kipsengwet ak ng’ony, Nyanjet, ak tugul che mi oloto; Ne ribei imanda koigeny:

TIENWOGIKAL 18:2

Jehovah ruandennyu, ak irimennyu, ak sorunindennyu; Kamuktaindennyu, ruandennyu ne kim, amang’u inendet; Long’ennyu, ak kuinetab yetunennyu, teeksennyu ne koi.

TIENWOGIKAL 18:46

Sobei Jehovah; ak iberurot ruandennyu; Ingotororit Kamuktaindet ne bo yetunennyu:

TIENWOGIKAL 19:7

Igesunotgei ng’atutietab Jehovah, ak koweechi sobondo: Bo iman baornatetab Jehovah, ing’omiti ne berber.

TIENWOGIKAL 31:5

Kande tamirmiriennyu eung’ung’: Kiitiacha, ee Jehovah, inye Kamuktaindet ne bo imanit.

TIENWOGIKAL 33:4

Amu bo iman ng’olyotab Jehovah; Ak yaei boisionikyik tugul eng’ imanda.

TIENWOGIKAL 78:35

Ak kiibwat kole Kamuktaindet ko ruandenywa, Ak kole katiagindenywa Kamuktaindet ne Toror Mising’.

TIENWOGIKAL 9:16

Kigoborgei Jehovah, kigoruoch: Kigonam kiptengekyot boisietab eunekyik. Higaion.

TIENWOGIKAL 90:16

Ingotook boisioniguk eng’ kiboitiniguk, Ak telunateng’ung’ eng’ lagokwak.

TIENWOGIKAL 92:15

Si kobiit kobarta kole bo iman Jehovah; Inendet ruandennyu, ama mi kiy ne ma bo iman eng’ inendet.

TIENWOGIKAL 97:2

Yiemei inendet bolik ak mesundeito: Ole tebe ng’echerennyi ne bo bounatet ko imanda ak kiruoget.

TIENWOGIKAL 98:3

Kigobwat rirenennyi ak imandanyi eng’ gotab Israel: Kigogeer tabanwek tugul che bo ng’ony yetunetab Kamuktaindennyo.

TIENWOGIKAL 99:4

Chamei kimnatetab laitoriat kiruoget; Igimiti imanda, Iyae kiruoget ak imanda eng’ Jakobo.

KOMONG'U 34:6

Ak kibun Jehovah tainnyi, ak komwaita kole, Jehovah, Jehovah, Kamuktaindet ne nyiitat rirenet ak mieindo, ak masib konerechi, ak ne nyiitat talasiet ak imanit;

AMDOINDET 3:14

Angen ale, bunjin koigeny kiy age tugul ne yaei Kamuktaindet: magimuchi ketesyi kiy anan keistoe kiy: ak kigoyai Kamuktaindet, si koiywei bik inendet.

ISAIAH 17:10

Amu kiutie Kamuktaindetab yetuneng’ung’, ama ibwat ruandetab kimnateng’ung’; igole anyun ketik che kororon, ak ketik alak che ter:

ISAIAH 25:1

Ee, Jehovah, i Kamuktaindennyu; atororin, alosu kaineng’ung’; amu kiiyai tuguk che kikwong’e, kiruogutik che bo keny, eng’ imanda ak eng’ imanit.

ISAIAH 26:4

Omang’u Jehovah koigeny: amu mi eng’ Jehovah JEHOVAH ruandet ne bo koigeny.

ISAIAH 28:16

mwaei anyun Kiptaiyat Jehovah kole, Ogeero, andoi Sion koita koek lumeiywot, koita ne kigetiem, koita ne bo kamanutiet ne o ne bo luita, lumeiywot ne kim; maigirgiri ne iyani.

ISAIAH 30:18

Igenok anyun Jehovah, si kobiit koboruok mieindo, ak koek anyun inendet ne itororot, si kobiit korirenak: amu Jehovah ko Kamuktaindetab kiruoget; iberurotin tugul che igeni inendet.

ISAIAH 32:2

Ak egu chito ole kiung’ege eng’ usonet, ak eng’ usonet ne o; ko u ainosiekab beek eng’ ole yaamat, ko u uruetab ruandet ne o eng’ emetab ng’etatet.

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

JEREMIA 9:24

ago ingolosgei eng’ ng’olyondoni inendet ne ilosugei, kole, ingena ak konaa, kole, a Jehovah ne boisie chamnyet ne tala, kiruoget, ak imanda eng’ ng’ony: amu aboiboitune tuguchuto, mwaei Jehovah.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

DANIEL 4:37

Alosu anyun ane Nebukadnesar, ak atorori ak agonyiti Laitoriatab kipsengwet; amu bo iman boisionikyik tugul, ak ko bo kiruoget ortinwekyik: ak imuchi koming’in ichek che bendoti eng’ menotet.

HABAKUK 1:12

Tos, mebo koigeny, inye, ee Jehovah Kamuktaindennyu, Inendet ne Tilil ne nenyu? Magibegu. Ee Jehovah, kiichopchi inendet kiruoget; ak ee inye Ruandet, kiigimit inendet si kobiit kitigon.

HABAKUK 1:13

Inye ne itinye konyek che tililen kot ko mechame igeer yaitiet, amechame igeer kamaaset, amu nee anyun si igeere che yaei kaberberisiet, ak isise ye igeere kiptengekyot kolugui chito ne bo iman kosiir inendet;

SEPANIA 3:5

Bo iman Jehovah ne mi kwenunnyi; mayaei tengekto; ibortoi kiruogennyi karonet age tugul, yaei kosulda; ago maililandos bik che ma bo iman.

MATAYO 5:48

Noto anyun, oegu okwek che igesunotgei ko u ye igesunotgei Kwandang’wong’ ne bo kipsengwet.

JOHANA 1:14

Ak kiek Ng’olyot borto, ak komeny kwenunnyo (ak kigigeer torornatennyi, torornatet ne u ne bo ne kigii inegei kobunu Kwanda), ko nyiitat mieindo ak imanit.

JOHANA 1:17

Amu kigigon Ng’atutiet eng’ Musa; kibwa mieindo ak imanit eng’ Jesu Kristo.

JOHANA 14:6

Kolenji Jesu, A oret, ak iman, ak sobondo: manyonjin chi Kwanda, ama eng’ ane.

JOHANA 5:22

Amu ma iruokyin Kwanda chi age tugul, ago kigogochi Werit kiruoget tugul;

ROMANIK 1:32

che nganda ingen ng’atutietab Jehovah, ne len, nyoljin meet icheget che yaei tuguk che u chuto, ko mayaei kityo che u chuto, ago chamnyechin koboto icheget che yaei tuguchuto.

ROMANIK 2:2

Ak kingen kele namegei kiruogetab Jehovah ak imanit agobo ichek che yaei tuguk che u choto.

ROMANIK 2:5

Ago eng’ uuindang’ung’ ak muguleldang’ung’ ne matinyei sigunet, igonorjinige nereknatet kobunji betutab nereknatet ak ng’ang’utietab kiruoget ne bo imanda ne bo Jehovah;

ROMANIK 3:5

Ago ngot kogonyiti atebennyo ne ma bo imanda, imandab Jehovah, ko ta kemwae nee anyun? Tos ma bo imanda Jehovah ne nyonei eng’ neregek? (Ang’alali ko u bik.)

1 KORINTOEK 10:4

ak kiee tugul eet agenge ne bo tamirmiriet: amu kiee tugul eng’ ruandet ne bo tamirmiriet ne kiisubi ichek: ak ruandanoto ko ki Kristo.

NG'ATUTIK 10:18

Inendet ne yachin imanda ne matinyei kwanda, ak ne mosok, ak kochamei toondet, igochin amitwogik ak ngoroik.

NG'ATUTIK 32:15

Ago kiner Jesurun, ak kotiaris: Kainer, kainyigisitu, kaiakwaitu: Kibagakta anyun Kamuktaindet ne kiyai inendet, Ak kosas Ruandetab yetunennyi.

NG'ATUTIK 32:18

Mebwati Ruandet ne kisichin, Kiiutie Kamuktaindet ne kisichin.

NG'ATUTIK 7:9

Nai anyun ile Jehovah Kamuktaindeng’ung’, ko Kamuktaindet; Kamuktaindet ne bo imanda, ne ribei kayomisiet ak rirenet eng’ ichek che chamei inendet ak koribei ng’atutikyik agoi ibindab elfut;

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

JAKOBO 4:12

Ne konu Ng’atutiet ak koruochi ko agenge, inendet ne imuchi kosor ak komuchi kong’em: ago i ng’o inye si iruokyi chitab kokweng’ung’?

1 PETERO 2:6

Amu mi eng’ siret kole, Ogeero, kande Sion koita ne o ne bo luita, ne lewenot, ne chamat mising’: Ak inendet ne iyani, ko maililani.

1 SAMUEL 2:2

Mami ne tilil ko u Jehovah; Amu mami age kobatenen: Ama mi ruandet ne u Kamuktaindennyo.