NG'ATUTIK 32:3 - BUKUIT NE TILIL

³ Amu amwaitoi kainetab Jehovah: Oiityi etunatet Kamuktaindennyo.

Bukuit Ne Tilil

³ Amu amwaitoi kainetap Kamuktaindet ne Toroor: Oiityi etunateet Kamuktaindennyo.

BUKUIT NE TILIIL Sireet ne Dutero Kanon

³ Amu amwaitoi kainetap Kamuktaindet ne Toroor: Oiityi etunateet Kamuktaindennyo.

NG'ATUTIK 32:3 ပူးပေါင်းရင်းမြစ်များ

1 ATEPTAP PEETUUSYEK 17:19

Ee Jehovah, kaiyai etunatoni tugul agobo otwogindeng’ung’, ak ko u muguleldang’ung’ inyege, si ibarte tuguchu eechen tugul konaak.

1 ATEPTAP PEETUUSYEK 29:10

Kolos anyun Daudi Jehovah eng’ taitab tuiyet tugul; ak kile Daudi, Iberurot inye, koigeny ak koigeny, ee Jehovah, Kamuktaindetab Israel kwandanyo.

1 ATEPTAP PEETUUSYEK 29:11

Cheguk, ee Jehovah, oindo, ak kamuktaet, ak torornatet, ak katerteret, ak etunatet; amu cheguk tuguk tugul che mi kipsengwet ak che mi ng’ony; neng’ung’ bounatet, ee Jehovah, ak i tororot, i metitab tugul.

1 ATEPTAP PEETUUSYEK 29:13

Ara anyun, Kamuktaindennyo, kimwaun kongoi, ak kilosu kaineng’ung’ ne bo torornatet.

TIENWOGIKAL 150:2

Olosu inendet amu boisionikyik che bo kamuktaet: Olosu inendet ko u ole te etunatennyi ne telunot mising’.

KOMONG'U 20:24

Teekwa kaptisiet ne bo ng’ung’unyek, ak ieng’wa eng’ kaptisisionoto kagochinoiguk che kibeelei, ak kagochinoiguk che bo kalyet, kechireguk, ak tuga cheguk: anyonjinin ak aberurin eng’ komosta age tugul ole andoi kainennyu kibwate.

KOMONG'U 33:19

Ak kile, Achamdoi mieindanyu tugul kosiirtoe taing’ung’, ak amwaite kainetab Jehovah eng’ taing’ung’; ak ayachi ne mie ne amache ayachi ne mie, ak aborji rirenetab ge inendet ne yamei aborji rirenetab ge.

KOMONG'U 6:3

ak kiamong’ji Abraham, Isak ak Jakobo, ko a Kamuktaindet ne bo Kamuktaet, ago kima naa ichek eng’ kainennyu JEHOVAH.

JEREMIA 10:6

Mami ne ogerge, ee Jehovah; i o, ak ko o kaineng’ung’ eng’ kamuktaet.

JEREMIA 23:6

Kisoru Juda eng’ betusiekyik, ak komeng’is Israel eng’ chametab ge: ak ni kainennyi ne kemwaitoe, Jehovah ko imandanyo.

MATAYO 1:23

Ogeero, manachi bergeiyat, ak kosich werit, ak keguure kainennyi Imanuel; ye kiweech ko ni, Mi Jehovah kobotech.

JOHANA 17:26

ak kiang’ang’ji ichek kaineng’ung’, ak ta ang’ang’jini; si kobiit kotebe ichek chamnyet ne kiichamena, ak ane eng’ ichek.

JOHANA 17:6

Kiaborji kaineng’ung’ bik che kiigona eng’ ng’ony: ki cheguk, ak kiigona; ak kigorib ng’olyondeng’ung’.

EPESOEK 1:19

ak kit ne u oindo ne siirtoot ne bo kamuktaennyi eng’ achek che kiyani, ko u boisionoto bo kimnatetab kamuktaennyi

NG'ATUTIK 3:24

Ee Kiptaiyat Jehovah, kaitau iborji kiboitiondeng’ung’ etunateng’ung’, ak eung’ung’ ne kim: amu tos mi cheptalelit nguno kipsengwetisiek anan ng’ony, ne imuchi koyai ko u boisioniguk, ak ko u biosioniguk che kimen?

NG'ATUTIK 5:24

ak kole, Ogeero, kaiboruech Jehovah Kamuktaindennyo lilindanyi ak etunatennyi, ak kagegas kutinnyi komong’une mat: kagenai rani kele ng’alaljindos Jehovah ak chi, ak kosob.

NG'ANG'UTYET 15:3

Ak kotieni ichek tiendab Musa otwogindetab Jehovah, ak tiendab Aruet, kolen, Eechen boisioniguk ak ko bo kwong’et, ee, Kiptaiyat Jehovah, Kamuktaindet; bo imanda ak ko bo iman ortinweguk, inye Laitoriatab bororiosiek.