NG'ATUTIK 32:10 - BUKUIT NE TILIL

¹⁰ Kinyorji inendet ong’atet, Eng’ surkwen ne imuisei ne mami kiy; Kiyiem korib, Kirib inendet ko u laptetab kondanyi:

Bukuit Ne Tilil

¹⁰ Kinyoorchi ineendet surkwen, eng' surkwen ne imuisei ne ma mi kiy. Kiyiem ak koriip icheek ki riip `ineendet icheek ko uu laptetap kondanyi.

BUKUIT NE TILIIL Sireet ne Dutero Kanon

¹⁰ Kinyoorchi ineendet surkwen, eng' surkwen ne imuisei ne ma mi kiy. Kiyiem ak koriip icheek ki riip `ineendet icheek ko uu laptetap kondanyi.

NG'ATUTIK 32:10 ပူးပေါင်းရင်းမြစ်များ

ESTA 6:13

Ak kimwachi Haman Seres osotiondennyi ak choronokyik tugul kit age tugul ne kagoityi inendet. Komwachi anyun bikyik che ng’omen ak osotiondennyi Seres, Haman, kolenji, Ngot ko bo Mordekai oretab Yahudik, inendet ne kaitau ibutyi tainnyi, ko meterteri inendet, ago ibutyini tainnyi.

TIENWOGIKAL 107:40

Renyei bounik, Ak kogochi koombeniot eng’ surkwen, ole mami oret.

TIENWOGIKAL 17:8

Riba ko u laptetab konda, Ung’ena uruetab kebebaiguk,

KALEWANAIK 7:2

Rib kayomisutikyuk si isob; Rib ng’atutiennyu ko u ye iribe laptetab kondang’ung’.

TYENDO NE SIIREI TUGUL 8:5

Ng’o ni togosu eng’ ong’atet, Ne tiiegei chamanennyi? Kiang’eetin eng’ kelutab ketitab logoek: Ole kiame moet komet komachei kosichin, Kimi yoto koamei moet si kosichin.

ISAIAH 63:9

Kiginyalil inendet eng’ nyalilwogikwak tugul, ak kisor ichek malaikaiyandennyi ne kimi tainnyi: kiitiach eng’ chamnyennyi ak rirenennyi; ak kigesen ak koganab betusiek tugul che bo keny.

JEREMIA 13:11

Amu ko u ye namegei birenet ak suetab chi, ko u noto anyun kaagochi got komugul ne bo Israel ak got komugul ne bo Juda kenamge, mwaei Jehovah, si kobiit koek eng’ ane bororiet, ak kainet, ak kalosunet, ak teegisto: ago ma cham kogas.

JEREMIA 2:17

Tos kima icheng’jige nito, amu kiimete Jehovah Kamuktaindeng’ung’, ye kiimutin eng’ oret?

JEREMIA 2:6

Ama mwa ichek kole, Mi ano Jehovah ne kiimutwech kemong’u eng’ emetab Misri; ne kiindoiywech kebun ong’atet, kebun emet ne surkwen ak ne bo keringonik, kebun emetab kemeut ak ne bo uruetab meet, kebun emet ne mabunei chi, ole mamenyei chi?

EZEKIEL 16:5

Ma rirenen chi, koyaun kiy age tugul eng’ tuguchuto, korir mo; ago kigiwirjin timin, amu kigiwechin, eng’ betut ne kigisichin.

EZEKIEL 20:36

Ko u ye kiagere kong’ kwanisiekwok eng’ ong’atetab emetab Misri, agerok kong’ anyun ko u noto, mwaei Kiptaiyat Jehovah.

HOSEA 11:3

Ago kianet Epraim kowendot; kiaganabate eng’ eunekyuk; ago kima nai kole kiasoobi ichek.

HOSEA 13:5

Kianain eng’ ong’atet, eng’ emetab kemeut ne o.

SEKARIA 2:12

Ak konam Jehovah Juda koek kebebertanyi eng’ emet ne tilil, ak kolewen kogeny Jerusalem.

SEKARIA 2:8

Amu mwaei Jehovah ne bo lugosiek kole, Kagoyokta inendet agobo torornatennyi, awa oldab bororiosiek che kiluulok, amu inendet ne twaok, ko katwa laptetab kondanyi.

ROMANIK 2:18

ak ingen magennyi, ak ichame komie tuguk che kororon kosiir, amu kiginetin Ng’atutiet,

ROMANIK 3:2

O eng’ oret age tugul: ne bo tai, ko amu kigigochi Yahudik kotononji ng’alekab Jehovah.

NG'ATUTIK 1:19

Ak kigibe eng’ Horeb, ak kigibun ong’atet tugul, noto o ak komuisei ne kiogeer; kigibunu oret ne bo emetab tulonok ne bo Amorik, ko u ye king’atech Jehovah Kamuktaindennyo; ak kigibwa agoi Kades-barnea.

NG'ATUTIK 1:31

ak eng’ ong’atet ole kiigeer ile kigesenunenen Jehovah Kamuktaindeng’wong’, ko u ye keseni chi werinnyi, eng’ ortinwek tugul che kiobunu agoi oitu olito.

NG'ATUTIK 4:36

Kigonin igas kutinnyi ne mong’une kipsengwet, si kobiit konetin: ak kigonin igeer mannyi ne o eng’ ng’ony; ak kiigas ng’alekyik komong’une kwenutab mat.