NG'ATUTIK 30:4 - BUKUIT NE TILIL

⁴ Ngo mi che kiiyestochi tabanwekab kipsengwet, koyumin eng’ oloto Jehovah Kamuktaindeng’ung’, ak komutun eng’ oloto:

Bukuit Ne Tilil

⁴ Ngo mi che ki iyestoochi tabanwegap kipsengwet, koyumin ak komutun eng' olooto Kamuktaindet ne Toroor Kamuktaindeng'ung'.

BUKUIT NE TILIIL Sireet ne Dutero Kanon

⁴ Ngo mi che ki iyestoochi tabanwegap kipsengwet, koyumin ak komutun eng' olooto Kamuktaindet ne Toroor Kamuktaindeng'ung'.

NG'ATUTIK 30:4 ပူးပေါင်းရင်းမြစ်များ

1 LAITORINIK 8:34

igas anyun eng’ kipsengwet, ak inyochi kaat biguk Israel eng’ tengektanywa, ak imutu ichek kogeny kobwa emet ne kiigochi kwanisiekwak.

2 ATEPTAP PEETUUSYEK 30:9

Amu ngoweekyige Jehovah, kosichei tupchosiekwok ak lagokwok rirenet eng’ taitab icheget che kiluul ichek, ak koweek kogeny kobwa emoni: amu tinyei Jehovah Kamuktaindeng’wong’ mieindo ak rirenet, ama ituktochinok batai, ngot oweekyige inendet.

NEEMIA 1:9

ago ngot oweekyage, ak orib ng’atutikyuk ak oyai, ko agot ngo kigiyestochok tabandab kipsengwet, ayumi kobwa eng’ oloto, ak amutu kobwa ole kialewen ande kainennyu kotebe.

ISAIAH 27:12

Ak tun birei Jehovah eng’ betunoto logoekyik korara, koboch nyiietab Ainet agoi kererutab Misri, ak kiyumak agenge agenge, ee okwek lagokab Israel.

ISAIAH 43:6

Amwachini murot ne bo katam, alenjini, Konu; ak amwachi murot ne bo tai, alenji, Ametuuch; omutu werikyuk kobun ole loo, ak omutu tibikyuk eng’ tabanwekab ng’ony;

ISAIAH 48:20

Omande eng’ Babulon, omwee Kaldeik; obarte eng’ cheetab tiendo, omwaite nito, omwa kogasak agoi ole boch ng’ony: omwa ole, Kigotiach Jehovah Jakobo otwogindennyi.

ISAIAH 62:11

Ogeero, kagomwaita Jehovah agoi tabandab ng’ony, kole, Olenji cheptab Sion, Keero, nyonei yetuneng’ung’; keero, mi melektanyi koboto inendet, ak mi yaaktaennyi tainnyi.

JEREMIA 31:8

Ogeero, amutu ichek eng’ emet ne bo murot ne bo katam, ak ayum ichek eng’ tabanwekab ng’ony, koboto ne korat, ak ne ing’wali, koboto kwondo ne tamano, ak inendet ne machei kosigis: weeksei olito, ko tuiyet ne o.

JEREMIA 8:3

Ak kolewen meet kosiir sobet bik tugul che ng’etu, che ng’etune goito ya, che ng’etu eng’ komoswek tugul che kiaonji, mwaei Jehovah ne bo lugosiek.

EZEKIEL 36:24

Amu amutwok omong’une bororiosiek, ak ayumak omong’u eng’ emotinwek tugul, ak amutwak obwa emeng’wong’.

MATAYO 24:31

Ak koyokto malaikaisiekyik ak cheet ne o ne bo iriaget, ak koyum lewenikyik kobunu usonaik ang’wan, koboch tabandab kipsengwet agoi tabanda age.

MARIKO 13:27

Yeityo koyokto malaikaisiek, ak koyum lewenikyik, kobun usonaik ang’wan, kobunu tabandab ng’ony agoi tabandab kipsengwet.

NG'ATUTIK 28:64

Ak koiyestak Jehovah obe bororiosiek tugul, koboch tabanda age ne bo ng’ony agoi tabanda age; ak iot kanamonik eng’ oloto che bo ketik ak che bo koik, che mengen, inye, anan kwanisieguk.