NG'ATUTIK 3:17 - BUKUIT NE TILIL

¹⁷ ak Araba agine, ak Jordan koboto kiwotennyi, koboch Kineret agoi araraita ne mitei Araba, ak Araraitab Munyuk, ne mitei kelutab Pisga ole tokyingei kong’asis.

Bukuit Ne Tilil

¹⁷ Ki agoochi kobooto Arabah ak Jordan kobooto kiwotennyi kobooch Kineret agoi araraita ne miitei Arabah ak Araraitap Munyuk ne miitei kelutap Piska ole tokyingei kong'asiis.

BUKUIT NE TILIIL Sireet ne Dutero Kanon

¹⁷ Ki agoochi kobooto Arabah ak Jordan kobooto kiwotennyi kobooch Kineret agoi araraita ne miitei Arabah ak Araraitap Munyuk ne miitei kelutap Piska ole tokyingei kong'asiis.

NG'ATUTIK 3:17 ပူးပေါင်းရင်းမြစ်များ

TAUNET 13:10

Kitobendo anyun Lot kogeerot atebwet komugul ne bo Jordan, kole emet ne tinyei beek eng’ olda tugul, ko u mbaretab Jehovah, ko u emetab Misri, ne tokyingei komostab Soar; ye ki tomo kong’em Jehovah Sodom ak Gomora.

TAUNET 14:3

Kiiyomogei chuto tugul eng’ atebwetab Sidim (noto ko Araraita ne bo Munyuk).

2 LAITORINIK 14:25

Kiweech inendet kiwotetab Israel koboch ye kibunei kebendi Hamat agoi nyanjetab Araba, ko u ng’olyotab Jehovah, Kamuktaindetab Israel, ne kimwa eng’ otwogindennyi Jona maotiot, weritab Amitai, ne ki bo Gat-heper.

EZEKIEL 47:8

Kilenja anyun, Bendi beechu kotokyingei emet ne mi kong’asis, ak kochortagei koba Araba, ak koba kotokyigei nyanjet; bendi nyanjet beechoto kiging’at komong’; ak kianyiny beekab nyanjet.

KAITOSYEK 23:14

Ak kiimut inendet anyun agoi koit koretab Sopim, agoi tulwet barak ne kiguure Pisga, ak koteech kaptisisiosiek tisab, ak kiigoito kirgit ak mengit eng’ kaptisisiet age tugul.

LUKA 5:1

Ak ye kingota kogiichi tuiyet inendet, ak kogasei ng’olyotab Jehovah, kotonon inendet eng’ ngegutab araraita ne bo Genesaret;

NG'ATUTIK 4:49

ak Araba tugul ne mi Jordan bitonin eng’ komostab kong’asis, agoi nyanjet ne mi Araba, ne mitei Pisga kel.

JOSHUA 12:3

ak Araba agoi nyanjetab Kinerot, ne tokyingei kong’asis, kot koit nyanjetab Araba, ne noto Araraita ne bo Munyuk, ne tokyingei kong’asis, oret ne wendi Bet-jesimot; ak eng’ murot ne bo tai, eng’ chepkeigeusiekab Pisga kel:

JOSHUA 13:27

ak eng’ atebwet, Bet-aram, ak Bet-nimra, ak Sukot, koboto Sapon, noto ne king’et eng’ bororietab Sihon laitoriatab Hesbon, ne ki Jordan kiwotennyi, kot koit ole boch tabandab araraita ne bo Kineret, Jordan bitonin ole tokyingei kong’asis.

JOSHUA 15:2

Kibochit kiwotenywa ne bo murot ne bo tai tabandab Araraita ne bo Munyuk, koboch nyanjet ne kiluktogei ne kitokyingei murot ne bo tai:

JOSHUA 15:5

Ak kiboch kiwotetab kong’asis Araraita ne bo Munyuk, agoi ole boch Jordan. Ak kiwotetab kebebertab murot ne bo katam ko kiboch nyanjet ne kiluktogei eng’ ole igesunegei Jordan:

JOSHUA 18:19

ak kiwa kiwotet kobun tabandab Bet-hogla kotokyigei murot ne bo katam: ak kimong’ji kiwotet ole kiluktoegei beek murot ne bo katam eng’ Araraita ne bo Munyuk, eng’ murot ne bo tai ye boch Jordan: nito ko ki kiwotet ne bo murot ne bo tai.

JOSHUA 19:35

Nganasok che kiga king’ot ko Sidim, Ser, ak Amat, Rakat, ak Kineret;

JOSHUA 3:16

kotononso anyun beek che bunu meto koba barak, kototen eng’ ole loo, eng’ Adam, nganaset ne negite Saretan: ak beek che kichortagei koba araraitab Araba, noto ko Araraita ne bo Munyuk, ko kiigestagei: kolanda anyun bik kolong’ji ole tokyingei Jeriko.