NG'ATUTIK 3:11 - BUKUIT NE TILIL

¹¹ (Amu king’et Og inegei, laitoriatab Basan, ne bo che king’et eng’ Repaik; ogeero, ki bo karnet itogunnyi; tos ma mi itogunoto Raba ne bo lagokab Amon? Ki kakwautik sogol che bo eut koindanyi, ak ki kakwautik ang’wan che bo eut tebeesindanyi, ko u kakwautietab chito.)

Bukuit Ne Tilil

¹¹ (Amu ki ng'et Og ineegei, laitoryatap Bashan, ne po che ki ng'et eng' Repaik; ogeero, ki po karnet itogunnyi; tos ma mi itogunooto Rabbah ne po lagogap Ammon? Ki futisyek taman ak somok koindonyi ak ki mitainik futisyek lo tebeesindanyi, ko uu kakwautyetap chiito.)

BUKUIT NE TILIIL Sireet ne Dutero Kanon

¹¹ (Amu ki ng'et Og ineegei, laitoryatap Bashan, ne po che ki ng'et eng' Repaik; ogeero, ki po karnet itogunnyi; tos ma mi itogunooto Rabbah ne po lagogap Ammon? Ki futisyek taman ak somok koindonyi ak ki mitainik futisyek lo tebeesindanyi, ko uu kakwautyetap chiito.)

NG'ATUTIK 3:11 ပူးပေါင်းရင်းမြစ်များ

TAUNET 14:5

Ak kinyo Kedolaomer koboto laitorinik che kimi ak inendet, eng’ kenyitab taman ak ang’wan, kwo kobar Repaik eng’ Asterot-Karnaim, ak Susik eng’ Am, ak Emik eng’ Sabe-Kiriataim,

TAUNET 6:15

Ak iyai melit ko u ni: koindanyi ko kakwautik bogol somok che bo eut, ak tebeesindanyi ko kakwautik konom che bo eut, ak koindo ne bo tononennyi ko kakwautik sosom che bo eut.

2 SAMUEL 11:1

Ak kingogesgei kenyit, eng’ betusiek che kicham kobendi laitorinik luget, koyokto Daudi Joab koboto otwogikyik, ak Israel tugul; ak kobar lagokab Amon, ak kiyiem Raba. Ago kitebi Daudi eng’ Jerusalem.

2 SAMUEL 12:26

Ak kibargei Joab ak Raba ne bo lagokab Amon, ak kiluul nganasetab kaplaitoriat.

JEREMIA 49:2

Ogeer anyun-o, bwanei betusiek, mwaei Jehovah, ne aibu waagatab luget kegas agobo Raba ne bo lagokab Amon; ak koek karatia ne irurugot, ak kebeel tibikyik: konam anyun Israel kobunji, ichek che kiga konam inendet, mwaei Jehovah.

EZEKIEL 21:20

Lewen oret si kobiit koit rotwetab chok Raba ne bo lagokab Amon, ak koit Juda eng’ Jerusalem ne ng’otat.

EZEKIEL 25:5

Ak ayai Raba koek ole menyei tambesik, ak ayai oldab lagokab Amon koek ole kiyage akwotisiekab kechirek: si onai ole a Jehovah.

AMOS 1:14

ago anaami mat eng’ irimetab Raba, ak kobeel gorikyik che bo laitoriat, koboto waagat eng’ betutab boriet, koboto usonet ne o eng’ betutab kipchurjuriet:

AMOS 2:9

Ago kiabar Amorindet eng’ tainywa, ne kiaechin koindanyi ak taragonik, ak ki kim ko u ketik che uuen; ak kiang’em logoekyik eng’ ole bo barak, ak tigitikyik eng’ ole bo ng’ony.

NG'ATUTIK 2:11

kiiti icheget kele Repaik, ko u Anagik: ago kuure Moabik ichek Emik.

NG'ATUTIK 2:20

(Kiiti kele bo emonoto agine Repaik: kimenyei Repaik keny oloto; ago kuure Amonik bichoto Samsumik;

JOSHUA 12:4

ak kiwotetab Og laitoriatab Basan, ne bo che king’etune Repaik, che kimenyei Astarot ak Edrei,

JOSHUA 13:12

bororiet tugul ne bo Og eng’ Basan, ne kilaitorani eng’ Astarot ak Edrei (inendet ko agenge eng’ Repaik che king’et); amu kibar chuto Musa ak koon.

NG'ANG'UTYET 21:17

Ak kiikwa irimennyi, ak kiek kakwautikab eut bogol ak artam ak ang’wan, eng’ kakwaetab chito, noto ko ne bo malaikaiyat.

1 SAMUEL 17:4

Kimong’ nyiganet age eng’ nganasetab Pilistik, ne kigiguure Goliat, ne bo Gat, ne ki koindanyi ko ki kakwautik lo che bo eut ak inchisiek sogol.