NG'ATUTIK 28:9 - BUKUIT NE TILIL

⁹ Ak kogimitin Jehovah iegu bororiennyi ne tilil, ko u ye kiiyosieun; ngirib ng’atutikab Jehovah Kamuktaindeng’ung’, iwendote ortinwekyik.

Bukuit Ne Tilil

⁹ “Ngiriip ng'atuutigap Kamuktaindet ne Toroor Kamuktaindeng'ung', iwendote ortinwekyik, kogimitin Kamuktaindet ne Toroor iegu pororyennyi ne tiliil ko uu ye ki iyasyeun.

BUKUIT NE TILIIL Sireet ne Dutero Kanon

⁹ “Ngiriip ng'atuutigap Kamuktaindet ne Toroor Kamuktaindeng'ung', iwendote ortinwekyik, kogimitin Kamuktaindet ne Toroor iegu pororyennyi ne tiliil ko uu ye ki iyasyeun.

NG'ATUTIK 28:9 ပူးပေါင်းရင်းမြစ်များ

TAUNET 17:7

Ak agimiti kayomisennyu eng’ kwenunnyo, inye ak ane, ak iyoteng’ung’ ne biitu let eng’ inye, eng’ ibinwekwak tugul, si koek kayomiset ne wendi agoi koigeny, ale aek Kamuktaindet eng’ inye ak eng’ iyoteng’ung’ ne biitu let eng’ inye.

TIENWOGIKAL 87:5

Ee, kimwaei agobo Sion kele, Kigisikyin oloto chichi ak chicho; Ak igimiti Ne Toror Mising’ inendet.

KOMONG'U 15:26

ak kile, Ngot igas iman kutitab Jehovah Kamuktaindeng’ung’, ak iyai ne bo iman eng’ tainnyi, ak iepchji it ng’atutikyik, ak isub kotigonutikyik tugul, ko magonin mian age tugul, ne kiagochi Misrik: amu ane ko a Jehovah ne asoobin.

ISAIAH 1:26

ak aweegu kiruogiguk ko u eng’ tai, ak aweegu kotigoniguk ko u eng’ tai: ye ibata noto keguurenen Nganasetab Imanda, nganaset ne kiyani.

ISAIAH 62:12

Ak koguure ichek, Bik che tililen, Che kigotiach Jehovah: ak keguurenen, Ne Kigicheng’, Nganaset ne ma kimeto.

JEREMIA 11:5

si kobiit agimit kayosiet ne kiayosiechi kwanisiekwok, ale agochini ichek emet ne nyiitat chego ak kumik, ko u rani. Awolu anyun, ale, Amen, ee Jehovah.

NG'ATUTIK 13:17

Amenam eng’ eung’ung’ kiy age tugul ne kigeisto: si koweek Jehovah kobagach neregekyik che koromen, ak korirenen, ak kochamin, ak kobarain, ko u ye kigoyosiechi kwanisieguk;

NG'ATUTIK 7:6

Amu i bororiet ne itabanat eng’ Jehovah Kamuktaindeng’ung’: kilewenin Jehovah Kamuktaindeng’ung’ iegu bororiet ne nenyi inegei, eng’ bororiosiek tugul che mi ng’ony.

NG'ATUTIK 7:8

ago amu kichamak Jehovah, ak kimach korib kayosiet ne kiiyosiechi kwanisiekwok, kiimoong’wok anyun Jehovah eng’ eut ne kim, kotiachak eng’ gotab otwognatet, eng’ eutab Parao, laitoriatab Misri.

2 THESSALONIKEK 3:3

Ago Kiptaiyat ko ne kiyani, ne igimitok, ak koribok eng’ noto ya.

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

1 PETERO 5:10

Ak ingochobok, ak kolumdok, ak kogimitok Jehovah ne bo mieindo tugul, ne kiguurjok lilindanyi ne bo koigeny eng’ Kristo, ko kaonyalilse eng’ betusiek che matia.