NG'ATUTIK 26:8 - BUKUIT NE TILIL

⁸ ak kiimoong’wech Jehovah eng’ Misri, eng’ eut ne kim, ak eng’ eut ne chuulat, ak eng’ kamuiset ne o, ak eng’ kaborunoik, ak kwong’utik:

Bukuit Ne Tilil

⁸ Ara ki imoong'wech anyun Kamuktaindet ne Toroor eng' Misiri, eng' euut ne kiim, eng' euut ne chuulaat, eng' kamuiset ne oo ak eng' kaboorunoik ak kwang'utik.

BUKUIT NE TILIIL Sireet ne Dutero Kanon

⁸ Ara ki imoong'wech anyun Kamuktaindet ne Toroor eng' Misiri, eng' euut ne kiim, eng' euut ne chuulaat, eng' kamuiset ne oo ak eng' kaboorunoik ak kwang'utik.

NG'ATUTIK 26:8 ပူးပေါင်းရင်းမြစ်များ

KOMONG'U 12:37

Kiba anyun lagokab Israel kong’eetye Rameses agoi koit Sukot, ki negit murenik elfusiek bogol lo, che kibendi eng’ kelyek, ko ma kiitito lagok.

KOMONG'U 12:41

Ak kingobata kenyisiechoto bogol ang’wan ak sosom, komanda eng’ betunoto lugosiek tugul che bo Jehovah eng’ emetab Misri.

KOMONG'U 12:51

Ak kiimaanda Jehovah betunoto lagokab Israel eng’ emetab Misri eng’ lugosiekwak.

KOMONG'U 13:3

Ak kilenji Musa bik, Obwat betuni, ne kiomong’une Misri, eng’ gotab otwoknatet; amu kiimoong’wok Jehovah eng’ kimnatetab eunnyi, omong’une olito; magiamei makatinik che kaginde mermerek.

KOMONG'U 6:6

Ilenji anyun lagokab Israel amu noto, A JEHOVAH, ak amoong’wok omong’une laisetab Misrik, ak asoruok eng’ otwognatenywa ak atiachak eng’ eut ne chuulat, ak eng’ kiruogutik che eechen:

ISAIAH 63:12

ne kichuul eunnyi ne bo torornatet koba koboto eutab tai ne bo Musa, ne kipchei beek eng’ tainywa, si koyachigei kainet ne bo koigeny,

JEREMIA 32:21

ak kiimutu biguk Israel komong’ eng’ emetab Misri eng’ kaborunoik, ak kwong’utik, ak eng’ eut ne kim, ak eng’ eut ne chuulat, ak eng’ kamuiset ne o;

NG'ATUTIK 34:11

eng’ kaborunoik tugul, ak kwong’utik, che kiiyoktoi Jehovah inendet koyai eng’ emetab Misri, eng’ Parao, ak eng’ otwogikyik tugul, ak eng’ emennyi komugul;

NG'ATUTIK 34:12

ak eng’ eut komugul ne kim, ak kamuiset komugul ne o, che kiyai Musa eng’ taitab Israel tugul.

NG'ATUTIK 4:34

Anan kitiem Kamuktaindet au komutyigei bororiet eng’ bororiet age, eng’ tiemisiosiek, eng’ kaborunoik, ak eng’ kwong’utik, ak eng’ boriet, ak eng’ eut ne kim, eng’ eut ne chuulat, eng’ kamuisosiek che eechen, ko u tugul che kiyaiywok Jehovah Kamuktaindeng’wong’ eng’ Misri eng’ taitab konyekwok?

NG'ATUTIK 5:15

Ak ibwat ile ki i otwoget eng’ emetab Misri, ago kiimoong’un Jehovah Kamuktaindeng’ung’ eng’ oloto, eng’ eut ne kim, ak eng’ eut ne chuulat: king’atin anyun eng’ noto Jehovah Kamuktaindeng’ung’ irib betutab sabato.