NG'ATUTIK 26:19 - BUKUIT NE TILIL

¹⁹ ak koyain itororitu isiir bororiosiek tugul che kiyai inendet eng’ kalosunet, ak kainet, ak teegisto; si iegu bororiet ne tilil eng’ Jehovah Kamuktaindeng’ung’, ko u ye kimwa.

Bukuit Ne Tilil

¹⁹ ak koyain itororitu isiir pororyosyek tugul che ki yai ineendet, eng' kalasunet ak kainet ak teegisto, si iegu pororyet ne tiliil eng' Kamuktaindet ne Toroor Kamuktaindeng'ung', ko uu ye ki mwa.”

BUKUIT NE TILIIL Sireet ne Dutero Kanon

¹⁹ ak koyain itororitu isiir pororyosyek tugul che ki yai ineendet, eng' kalasunet ak kainet ak teegisto, si iegu pororyet ne tiliil eng' Kamuktaindet ne Toroor Kamuktaindeng'ung', ko uu ye ki mwa.”

NG'ATUTIK 26:19 ပူးပေါင်းရင်းမြစ်များ

TIENWOGIKAL 148:14

Ak kigotoror kuinetab bikyik, Kalosunetab bikyik tugul che tililen; Agot lagokab Israel, bik che negite inendet. Olosu Jehovah.

KOMONG'U 19:5

Eng’ noto anyun, ngot ogas it kutinnyu iman, ak orib kayomisenny u, oegu anyun eng’ ane chamanikyuk iman, che itabanotin eng’ bik tugul: amu nenyu ng’ony komugul:

KOMONG'U 19:6

ak oegu eng’ ane bororietab tisiik, ak bororiet ne itabanat. Chuto ng’alek che iwendi imwachini lagokab Israel.

ISAIAH 62:12

Ak koguure ichek, Bik che tililen, Che kigotiach Jehovah: ak keguurenen, Ne Kigicheng’, Nganaset ne ma kimeto.

JEREMIA 13:11

Amu ko u ye namegei birenet ak suetab chi, ko u noto anyun kaagochi got komugul ne bo Israel ak got komugul ne bo Juda kenamge, mwaei Jehovah, si kobiit koek eng’ ane bororiet, ak kainet, ak kalosunet, ak teegisto: ago ma cham kogas.

JEREMIA 2:3

Ki tilil Israel eng’ Jehovah, rurgutinikab iyotennyi: kiityin ng’ogisto tugul che amei inendet; nyonjin yaitiet ichek, mwaei Jehovah.

JEREMIA 33:9

Ak koek nganasani eng’ ane kainet ne kiboiboitune, koek kalosunet ak torornatet, eng’ taitab bororiosiek tugul che bo ng’ony, che kasei mieindo tugul ne ayachini ichek, ak koiyweis ak kobotanso amu mieinoto tugul ak kalyet tugul ne agochini nganasani.

SEPANIA 3:19

Keero, aborie eng’ betusiechoto ichek tugul che inyalilin: ak asoru inendet ne ing’wali, ak amutu inendet ne kigion; ak ayae ichek koek kalosunet ak kainet, ne kigoyom ng’ony tugul kalilanenywa.

SEPANIA 3:20

Amutwok eng’ betusiechoto, ak ayumak eng’ betusiechoto: amu ayaok oegu kainet ak kalosunet eng’ kwenutab bororiosiek tugul che bo ng’ony ye tun amutwok kogeny ogeere eng’ ole kigiluuljok, mwaei Jehovah.

SEKARIA 8:13

Ak ko u ye kioegu che chubotin eng’ bororiosiek, ee gotab Juda ak gotab Israel, asoruok anyun, si oegu kaberuret: amoiywei, ago ingogimegitu eunekwok.

NG'ATUTIK 27:1

King’at anyun Musa ak boisiekab Israel bik kolenji, Orib ng’atutik tugul che kang’atak rani.

NG'ATUTIK 28:1

Ak ngiepchi it kutitab Jehovah Kamuktaindeng’ung’ eng’ kagiiletab ge, irib iyai ng’atutikyik tugul che kaang’atin rani, koeetin anyun Jehovah Kamuktaindeng’ung’ isiir bororiosiek tugul che mi ng’ony:

NG'ATUTIK 28:13

Yain Jehovah iegu metit ago meegu katutiet; ak iegu ne mi barak kityo, ago meegu ne mi ng’ony; ngiepchi it ng’atutikab Jehovah Kamuktaindeng’ung’, che ang’atin rani, irib ak iyai;

NG'ATUTIK 28:9

Ak kogimitin Jehovah iegu bororiennyi ne tilil, ko u ye kiiyosieun; ngirib ng’atutikab Jehovah Kamuktaindeng’ung’, iwendote ortinwekyik.

NG'ATUTIK 7:6

Amu i bororiet ne itabanat eng’ Jehovah Kamuktaindeng’ung’: kilewenin Jehovah Kamuktaindeng’ung’ iegu bororiet ne nenyi inegei, eng’ bororiosiek tugul che mi ng’ony.

1 PETERO 2:5

ak okwek, che o koik che soptos, kiteechok oegu gotab tamirmiriet, oegu che boisiei eng’ tiseinatet ne tilil, si ogoite korosekab tamirmiriet, che taachaksei eng’ Jehovah eng’ Jesu Kristo.

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.