NG'ATUTIK 24:8 - BUKUIT NE TILIL

⁸ Ripge eng’ koroitab mogondosik, rib komie eng’ kagiiletab ge, ak iyai ko u tugul che inetin tisiik Lawik: ko u ye kiang’at ichek, orib anyun si oyai ko u noto.

Bukuit Ne Tilil

⁸ “Riipkei eng' koroitap mogondosaik, riip komyee eng' kagiiletapkei ak iyai ko uu tugul che ineetin tisiik Lawiik. Ko uu ye ki ang'at icheek, oriip anyun si oyai ko uu nooto.

BUKUIT NE TILIIL Sireet ne Dutero Kanon

⁸ “Riipkei eng' koroitap mogondosaik, riip komyee eng' kagiiletapkei ak iyai ko uu tugul che ineetin tisiik Lawiik. Ko uu ye ki ang'at icheek, oriip anyun si oyai ko uu nooto.

NG'ATUTIK 24:8 ပူးပေါင်းရင်းမြစ်များ

JEREMIA 33:18

ama betyin chi tisiik Lawik eng’ tainnyu ne igoitoi kagochinoik che kibeelei, ak kobeel kagochinoikab busiek, ak kogoito tiseiywek kotugul.

ATEPTAP LAWIK 13:57

ak ngo ta ko toogu eng’ ngoriet, eng’ usisiek che kigitoore anan che kigimure, anan eng’ kiy age tugul ne bo magatet, ko koroito ne inenderi: beel anyun kioto tinyei koroito, eng’ ma.

ATEPTAP LAWIK 14:14

ak konam tisiindet korotik alak eng’ che bo kagochinetab chalwokto, ak konde tisiindet walitab itit ne bo tai ne bo inendet ne kitilili, ak eng’ mornet ne o ne bo eutab tai, ak eng’ mornet ne o ne bo keldanyi ne bo tai:

ATEPTAP LAWIK 14:2

Egu nito ng’atutiet ne bo chito ne amei mogondosik eng’ betut ne bo katililennyi: kimutyin inendet tisiindet:

ATEPTAP LAWIK 14:57

si kinet ye ng’wonen, ak ye tililen: nito ng’atutietab mogondosik.

MATAYO 8:4

Ak kimwachi Jesu kolenji, Ripge si memwachi chi; ago ui, iborjige tisiindet, ak igoite kagochinet ne king’at Musa, si koek baornatet eng’ ichek.

MARIKO 1:44

ak kilenji, Amat imwachi chi ng’olyo: ago ui bandang’ung’, iborjige tisiindet, ak igoite agobo tililindang’ung’ tuguk che king’at Musa, si koek baornatet eng’ ichek.

LUKA 17:14

Ak kingogeer ichek, kolenji, Oba oborjige tisiik. Ak ye kingab kaba, kotililitu.

LUKA 5:14

Ak king’at anyun kolenji, Amat imwachi chi: ago ui ak iborjige tisiindet, ak igoite che bo katilileng’ung’, ko u ye king’at Musa, koek baornatet eng’ icheget.