NG'ATUTIK 24:16 - BUKUIT NE TILIL

¹⁶ Magibarei kwanisiek amu lagok, anan kebar lagok amu kwanisiek: kibarei chi age tugul inegei agobo tengektanyi.

Bukuit Ne Tilil

¹⁶ “Ma kibarei kwanisyek amu lagok anan kebar lagok amu kwanisyek. Ago ki parei chii age tugul ineegei agobo tengektanyi.”

BUKUIT NE TILIIL Sireet ne Dutero Kanon

¹⁶ “Ma kibarei kwanisyek amu lagok anan kebar lagok amu kwanisyek. Ago ki parei chii age tugul ineegei agobo tengektanyi.”

NG'ATUTIK 24:16 ပူးပေါင်းရင်းမြစ်များ

2 ATEPTAP PEETUUSYEK 25:4

Ago ma bar lagokwak, kiyai ko u ye kigisir eng’ Ng’atutik che mi bukuitab Musa, ko u ye kiga ng’at Jehovah, kole, Mabegu kwanisiek agobo lagok, anan kobek lagok agobo kwanisiekwak; ago meei chi tugul agobo tengektanyi.

EZEKIEL 18:20

Meei chito ne yaei tengekto: manamei werit ng’ogistab kwandanyi, ama namei kwanda ng’ogistab werinnyi; tebe chito ne bo iman imandanyi, ak kotebe kiptengekyot tengektanyi.

EZEKIEL 18:4

Ogeero, chechuk sobonwekab bik tugul; ko u ye nenyu sobondab kwanda, ko nenyu agine sobondab werit: meei sobondab chito ne yaei tengekto.

DANIEL 6:24

Ak king’at laitoriat ng’atutiet, ak kigimut bichoto kiitaami Daniel, ak kewirji ichek keringetab ng’etunyik, icheget koboto lagokwak, ak osotikwak; ak kital ng’etunyik ichek, ak kotonaton kowekwak tugul kotom koit keringet orit.

KAITOSYEK 26:11

Ago kima bek werikab Kora.

1 SAMUEL 22:16

Ak kile laitoriat, Imee iman, inye Aimelek, ak bik tugul che bo gotab kwandang’ung’.