NG'ATUTIK 20:3 - BUKUIT NE TILIL

³ ak kolenji ichek, Ogaso, ee Israel, korikyi rani luget obarge ak bounikwok: amogochi mugulelwekwok kotanuiso; amoiywei anan orukrugense, among’ komuok bichoto;

Bukuit Ne Tilil

³ ‘Ogaso, ee Israel koriikyi rani lugeet obargei ak pounikwok amogoochi mugulelwekwok kotanuiso, amoiywei anan obotanse, among' komuok pichooto.

BUKUIT NE TILIIL Sireet ne Dutero Kanon

³ ‘Ogaso, ee Israel koriikyi rani lugeet obargei ak pounikwok amogoochi mugulelwekwok kotanuiso, amoiywei anan obotanse, among' komuok pichooto.

NG'ATUTIK 20:3 ပူးပေါင်းရင်းမြစ်များ

2 ATEPTAP PEETUUSYEK 32:8

Mi koboto inendet eut ne bo borto; ago mi kobotech Jehovah Kamuktaindennyo kotoretech, ak koyai lugosiekyok. Ak kitiiegei bik ng’alekab Hesekia laitoriatab Juda.

Kitabuutap JOB 23:16

Amu kagogochi Kamuktaindet muguleldanyu kotanui, Ak kagonyalila Inendet ne bo Kamuktaet.

TIENWOGIKAL 3:6

Maiywei bik tamanusiekab elfusiek, Che kayiema kotokyagei eng’ komoswek tugul.

KOMONG'U 14:13

Ak kilenji Musa bik, Amoiywei, otononse kityo, si ogeer yetunetab Jehovah ne yaiywok rani: amu ma ogeere kogeny Misrichu koigeny, chu ogeere rani.

ISAIAH 28:16

mwaei anyun Kiptaiyat Jehovah kole, Ogeero, andoi Sion koita koek lumeiywot, koita ne kigetiem, koita ne bo kamanutiet ne o ne bo luita, lumeiywot ne kim; maigirgiri ne iyani.

ISAIAH 7:4

ak ilenji inendet, Ripge, ak isis; ameiyweisie, anan kotanui muguleldang’ung’, amu katutoichu aeng’ che bo kegenganik che iyendos, amu neregek che ng’wonen che bo Resin ak Suria, ak che bo weritab Remalia.

KAITOSYEK 14:9

Ago amongelelji Jehovah, anan oiywei bikab emet; amu u amitwogik eng’ achek; kigeistoe ichek uruetab toretet, ak mi Jehovah kobotech; amoiywei ichek.

MATAYO 10:16

Ogeero, ayoktook ko u kechirek eng’ kwenutab suik: noto anyun ong’omegitu ko u erenok, ak otaloitu ko u cheptugenik.

MATAYO 10:28

Amoiywei ichek che barei borto, ago maimuchi kobar sobondo: ago kaigai oiywei inendet ne imuchi kong’em sobondo koboto borto eng’ Gehenna.

MATAYO 10:31

Noto anyun amoiywei; osiire taritik che mengechen che chang’.

MATAYO 8:26

Ak kilenji, Kalya si oiywei, okwek che otinye kayanet ne ming’in? King’eet anyun koger kong’ usonaik ak nyanjet; ak kiimung’do anyun mising’ nyanjet.

MARIKO 16:18

namei erenok, ak ngo ee tuguk che barei bich, ko manyoru ng’wanindo matiny; igonoori eunekwak bik che miandos ak kosopcho.

MARIKO 16:6

Ak kilenji ichek, Amokwong’ie: ocheng’e Jesu, Nasaretindet, ne kiga kigartat: kagong’eet; ma komi yu: ogeer ole kiga kinde inendet!

POISYONIGAP CHE KIYOKTOI 27:24

kole, Ameiyweisie, Paulo; kanyol itonon eng’ taitab Kaisari: ak keero, kagogonin Jehovah tugul che obendi tugul eng’ melit.

NG'ATUTIK 1:21

Ogeero, kagonde Jehovah Kamuktaindeng’ung’ emet taing’ung’: togoste anyun, nam kobunjin, ko u ye kimwaun Jehovah Kamuktaindetab kwanisieguk; ameiywei, anan iarogen.

NG'ATUTIK 20:1

Ye iwe obarge ak buniguk, ak iro mbartanyisiek, ak karisiek, ak bik che chang’ kosiirok, ko mat iywei: amu mi Jehovah Kamuktaindeng’ung’ koboten, ne kiimutun imong’u eng’ emetab Misri.

NG'ATUTIK 20:2

Ak ye iit ole mi luget, korik anyun tisiindet ak kong’alalji bik,

1 THESSALONIKEK 5:15

Ogeer si mayaakyi chi age tugul chito age yaitio eng’ yaitio; ago osub noto mie kotugul, chi age eng’ age, ak eng’ bik tugul.

1 TIMOTEO 6:12

Yai luget ne mie ne bo kayanet, nam sobondo ne bo koigeny, noto ne kigiguurjin, ak kiing’any ng’ang’et ne mie eng’ taitab baorinik che chang’.

HEBRANIK 13:6

Noto anyun kimwae eng’ nyiganatet ne mie kele, Toretindennyu Kiptaiyat; maiyweisiei: Yaiywa nee chi?

JOSHUA 23:10

Onei chito agenge eng’ okwek elfut, amu Jehovah Kamuktaindeng’wong’ ne yaei luget agobo okwek, ko u ye kimwawok.

NG'ANG'UTYET 2:10

Ameiywei nyalilwogik che negit inyoru: ogeero, machei oindet kotoorji korgoret alak eng’ okwek, si kobiit ketiemak; ak osich nyalilda eng’ betusiek taman. Egu ne kiyani agoi meet, si agonin kutwet ne bo sobondo.

1 SAMUEL 17:32

Ak kilenji Daudi Saul, Amat kome chi mugulel agobo inendet; wendi otwogindeng’ung’ kobaregei ak Pilistindonito.