NG'ATUTIK 20:1 - BUKUIT NE TILIL

¹ Ye iwe obarge ak buniguk, ak iro mbartanyisiek, ak karisiek, ak bik che chang’ kosiirok, ko mat iywei: amu mi Jehovah Kamuktaindeng’ung’ koboten, ne kiimutun imong’u eng’ emetab Misri.

Bukuit Ne Tilil

¹ “Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

BUKUIT NE TILIIL Sireet ne Dutero Kanon

¹ “Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

NG'ATUTIK 20:1 ပူးပေါင်းရင်းမြစ်များ

TAUNET 26:3

egu toondet eng’ emoni, ami koboten, ak aberurin; amu agonin inye, koboto lagoguk, emotinwechuto tugul, ak agimit kayosiet, ne kiayosiechi kwandang’ung’ Abraham;

2 ATEPTAP PEETUUSYEK 14:10

Kwo anyun Asa kotorokta inendet, ak kitet luget eng’ atebwetab Sepata ne mi Maresa.

2 ATEPTAP PEETUUSYEK 14:11

Ak kirirji Asa Jehovah Kamuktaindennyi, kole, Jehovah, mami age kobatenen ne imuchi kotoretis eng’ kwenutab ne kim ak ne matinyei kimnatet: toretech, ee Jehovah Kamuktaindennyo; amu kimang’un, ak kagibwa kebarge ak tuiyoni eng’ kaineng’ung’. Ee Jehovah, i Kamuktaindennyo; amat koterterin chi.

2 ATEPTAP PEETUUSYEK 20:12

Ee Kamuktaindennyo, meruokyini? Amu magitinye kamuget kebarge ak tuiyoni o kagobokyech; ama kingen kit ne kiyaei: ago inyalin konyekyok.

2 ATEPTAP PEETUUSYEK 20:15

ak kile, Oeb it okwek tugul gab Juda, ak che omenye Jerusalem, koboten inye laitoriat Jeosapat: kamwawok Jehovah ko u ni, kole, Amoiywei, anan oarogense amu lugoni o; amu ma neng’wong’ luget, bo Kamuktaindet.

TIENWOGIKAL 118:6

Mi Jehovah komostanyu; maiyweisiei: Imuchi koyaiywa nee chi?

TIENWOGIKAL 20:7

Imang’u alak karisiekab luget, ak alak mbartanyisiek: Ago kibwati achek kainetab Jehovah Kamuktaindennyo.

TIENWOGIKAL 23:4

Ee, agot ngabune atebwetab uruetab meet, Ko maiywei yaitio; amu imi kobota: Igaigaa kiroktang’ung’ ak siaring’ung’.

TIENWOGIKAL 46:11

Mi Jehovah ne bo lugosiek kobotech; Ole kimwechini Kamuktaindetab Jakobo.

TIENWOGIKAL 46:7

Mi kobotech Jehovah ne bo lugosiek: Ole kimwechini Kamuktaindetab Jakobo.

TIENWOGIKAL 46:8

Obwa, ogeer boisionikab Jehovah, Tuguk che kikwong’e che kiyai inendet eng’ ng’ony.

KOMONG'U 20:2

A Jehovah Kamuktaindeng’ung, ne kiimutun imong’une emetab Misri, eng’ gotab otwognatet.

ISAIAH 31:1

Bwa eng’ ichek che chorjingei Misri kocheng’ei toretet, ak kotiiegei mbartanyisiek; ak komang’u karisiek, amu chang’, ak komang’u bik che lanyei mbartanyisiek, amu kimen kot; ago mainyali Inendet ne Tilil ne bo Israel, ama cheng’ei Jehovah!

ISAIAH 41:10

ameiyweisie, amu ami koboten; amearogen, amu a Kamuktaindeng’ung’: agimitin; ee, atoretin; ee, anamin eng’ eunnyu ne bo tai ne bo imandanyu.

ISAIAH 43:2

Ami koboten ye ibune beek che chang’; ak ye ibune ainosiek, ko maimaluuchin; ye ibune mat, ko mabeelin; ama imelin liblibenetab mat.

ISAIAH 7:14

Konok anyun Kiptaiyat inendet kaborunet; ogeero, manachi bergeiyat, ak kosich werit, ak koguure kainennyi Imanuel.

JEREMIA 16:14

Noto anyun, ogeero, bwanei betusiek, mwaei Jehovah, ne ma kemwaei kogeny kele, Ko u ye sobei Jehovah, ne kiimut lagokab Israel komong’une emetab Misri;

SEKARIA 10:5

Ak koigei bik che nyigonen, che tiechei bunikwak eng’ ng’atatekab ortinwek eng’ boriet; ak kobargei, amu mi Jehovah koboto ichek: ak kotoptobenso bik che lanyei mbartanyisiek.

KAITOSYEK 10:9

Ak ye obendi luget eng’ emeng’wong’, obendi obaregei ak bunyot ne usok, oguut anyun igondisiechoto bo waagat; ak kibwatak eng’ taitab Jehovah Kamuktaindeng’wong’, ak kesoruok eng’ bunikwok.

KAITOSYEK 23:21

Tomo kogeerji Jakobo tengekto, Ama keerji Israel kiy ne imaasat. Mi koboto inendet Jehovah Kamuktaindennyi, Ak mi cheetab laitoriat kwenunywa.

ROMANIK 8:31

Kimwae nee anyun eng’ tuguchuto? Ngo mi Jehovah komostanyo, ko ng’o ne kirindaech?

NG'ATUTIK 1:29

Kialenjok anyun, Amongomuok, anan oiywei ichek.

NG'ATUTIK 2:7

Amu kigoberurin Jehovah Kamuktaindeng’ung’ eng’ boisiet tugul ne bo euneguk: kigonai bandang’ung’ eng’ ong’atani o: kimi koboten Jehovah Kamuktaindeng’ung’ eng’ kenyisiechu artam; ma rarun kiy.

NG'ATUTIK 20:2

Ak ye iit ole mi luget, korik anyun tisiindet ak kong’alalji bik,

NG'ATUTIK 20:3

ak kolenji ichek, Ogaso, ee Israel, korikyi rani luget obarge ak bounikwok: amogochi mugulelwekwok kotanuiso; amoiywei anan orukrugense, among’ komuok bichoto;

NG'ATUTIK 31:6

Ogimegitu, onyiganitu, amoiywei, anan oarogense amu ichek: amu wendi Jehovah Kamuktaindeng’ung’ koboten; mametoin inendet, ama bagaktoin.

NG'ATUTIK 31:8

Inendet Jehovah ne indoenen; mi koboten, amemetoin, ama bagaktoin; ameiywei, anan iarogen.

NG'ATUTIK 7:1

Ye kagoitin Jehovah Kamuktaindeng’ung’ emet ne iwendi iname kobunjin, ak koon bororiosiek che chang’ eng’ taing’ung’, Hitik, Girgasik, Amorik, Kananik, Perisik, Hibik, ak Jebusik, bororiosiek tisab che eechen ak ko kimen kosiirin;

NG'ATUTIK 7:18

Ameiywei bichoto: ibwat mising’ ne kiyachi Jehovah Kamuktaindeng’ung’ Parao, ak Misri komugul;

NG'ATUTIK 7:21

Amongomuok: amu mi Jehovah Kamuktaindeng’ung’ kwenung’ung’, Kamuktaindet ne o ne bo kamuiset.

NG'ATUTIK 9:3

Nai anyun rani ile, Jehovah Kamuktaindeng’ung’ ne landoi kondoenen ko u mat ne iwong’u; ng’emei bichoto, ak kogochi konyeratitu eng’ taing’ung’: ione anyun ko u noto, ing’em ichokyi ko u ye kimwaun Jehovah.

JOSHUA 1:5

Mabiitu chi ne imuchi kotonon eng’ taing’ung’ betusiek tugul kote isobe: ko u ye kiami koboto Musa, ko u noto ami koboten: mametoin, anan abagakten.

JOSHUA 1:9

Tos ma ane ne kiang’atin? Kimitu ak inyiganitu mising’; ameiywei, anan itoptoben: amu mi Jehovah Kamuktaindeng’ung’ koboten eng’ ui tugul ole iwendi.

JOSHUA 11:9

Ak kiyachi Josua ichek ko u ye king’at Jehovah: kieb kwarinikab mbartanyisiekwak, ak kobeel karisiekwak eng’ mat.

KIRUOGIK 6:12

Ak kimong’ji inendet malaikaiyatab Jehovah, ak kolenji, Mi Jehovah koboten, inye chito ne i kim ak ko i nyigan.

KIRUOGIK 6:16

Ak kilenji Jehovah, Ami koboten iman, ak ibare Midianik ko u chito agenge.

1 SAMUEL 17:32

Ak kilenji Daudi Saul, Amat kome chi mugulel agobo inendet; wendi otwogindeng’ung’ kobaregei ak Pilistindonito.