NG'ATUTIK 2:9 - BUKUIT NE TILIL

⁹ Ak kilenja Jehovah, Ameiim Moab, anan iborie icheget eng’ luget: amu magonin emennyi kobunjin; amu kiagochi lagokab Lot emetab Ar kobunji.

Bukuit Ne Tilil

⁹ Ki leenjo Kamuktaindet ne Toroor, ‘Ameiim Moab anan iborye icheeget eng' lugeet, amu ma koonin emennyi kobunjiin; amu ki agoochi lagogap Lot emetap Ar kobunji.’

BUKUIT NE TILIIL Sireet ne Dutero Kanon

⁹ Ki leenjo Kamuktaindet ne Toroor, ‘Ameiim Moab anan iborye icheeget eng' lugeet, amu ma koonin emennyi kobunjiin; amu ki agoochi lagogap Lot emetap Ar kobunji.’

NG'ATUTIK 2:9 ပူးပေါင်းရင်းမြစ်များ

2 ATEPTAP PEETUUSYEK 20:10

Keer nguno anyun-o, lagokab Amon, ak Moab, ak che bo tulwetab Seir, che kima ichamji Israel kobokyi, kingobwanei komong’u eng’ emetab Misri, ago kirob taban, ama bar;

TIENWOGIKAL 83:8

Kanamgei agine Asuria koboto ichek; Kogotoret lagokab Lot.

ISAIAH 15:1

Lautietab Moab. Amu king’emei Ar ne bo Moab eng’ kemout agenge, kiwong’; amu king’emei Kir ne bo Moab eng’ kemout agenge, kiwong’.

KAITOSYEK 21:15

Ak eng’ atebwosiek Che choringei ole menyei Ar, Ne mi ole negite kiwotetab Moab.

KAITOSYEK 21:28

Amu kamandae mat Hesbon, Kamandae liblibenetab mat nganasetab Sihon: Kagobeel Ar ne bo Moab, Ak kiptainik che bo ole sutotin che bo Arnon.

KAITOSYEK 22:4

Ak kilenji Moabik boisiekab Midian, Amei tuiyoni tuguk tugul che negitenech, ko u ye amei tuga suswekab timin. Ak ki laitoriatab Moab betusiechoto Balak weritab Sipor.

NG'ATUTIK 2:29

ko u ye kichamwa lagokab Esau che menyei Seir, ak Moabik che menyei Ar; agoi alandae Jordan awa emet ne konech Jehovah Kamuktaindennyo.

NG'ATUTIK 2:5

amomoiye kiy ak icheget; amu magonok emenywa, agot ne yamei kotiech keldo: amu kiagochi Esau tulwetab Seir kobunji.

KIRUOGIK 11:15

ak kimwa bichoto kole, Kamwa Jepta ko u ni kole: Ma ib Israel emetab Moab, anan ko emetab lagokab Amon:

KIRUOGIK 11:17

koyokto anyun Israel bik koba oldab laitoriatab Edom, kolenji, Kaigai ichamwa abun emeng’ung’; ago ma cham laitoriatab Edom. Ak kiiyokto bik ko u noto koba oldab laitoriatab Moab: ago ma cham: ak kimeny Israel Kades.

KIRUOGIK 11:18

Yeityo kobun ong’atet, ak koyiem emetab Edom, ak emetab Moab, ak kibun kong’asis ne bo emetab Moab, ak koteech Arnon bitonin; ago ma siir kiwotetab Moab, amu Arnon ko ki kiwotetab Moab.