NG'ATUTIK 2:7 - BUKUIT NE TILIL

⁷ Amu kigoberurin Jehovah Kamuktaindeng’ung’ eng’ boisiet tugul ne bo euneguk: kigonai bandang’ung’ eng’ ong’atani o: kimi koboten Jehovah Kamuktaindeng’ung’ eng’ kenyisiechu artam; ma rarun kiy.

Bukuit Ne Tilil

⁷ “Amu ki koberuurin Kamuktaindet ne Toroor Kamuktaindeng'ung' eng' poisyet tugul ne po euneguk. Ki konai pandang'ung' eng' ong'atani oo. Ki imi kobooten Kamuktaindet ne Toroor Kamuktaindeng'ung' eng' kenyisyechu artam ak ma rarun kiy.

BUKUIT NE TILIIL Sireet ne Dutero Kanon

⁷ “Amu ki koberuurin Kamuktaindet ne Toroor Kamuktaindeng'ung' eng' poisyet tugul ne po euneguk. Ki konai pandang'ung' eng' ong'atani oo. Ki imi kobooten Kamuktaindet ne Toroor Kamuktaindeng'ung' eng' kenyisyechu artam ak ma rarun kiy.

NG'ATUTIK 2:7 ပူးပေါင်းရင်းမြစ်များ

TAUNET 12:2

ak ayain iegu bororiet ne o, ak aberurin, atoror kaineng’ung’ koeet; ak iegu kaberuret.

TAUNET 24:35

Ak kigoberur Jehovah mising’ kiptaiyandennyu; ak kigotoror koeet: kigogochi inendet akwotisiek che bo kechirek ak che bo tuga, ak feda, ak tahabu, otwogik che murenik, otwogik che tibik, tambesik ak sigirok.

TAUNET 26:12

Ak kigolso Isak eng’ emonoto, ak kinyor eng’ kenyinoto konyil bogol: ak kiiberur Jehovah inendet.

TAUNET 30:27

Ak kilenji Laban, Ngo kianyoru mieindo eng’ taing’ung’, kiageer komie ale kigoberura Jehovah agobo inye.

TAUNET 39:3

Ak kigeer kiptaiyandennyi kole, mi Jehovah koboto inendet, ak kiiberur Jehovah tuguk tugul che kiyaei.

TAUNET 39:5

Ak kiiberur Jehovah gotab Misrindet amu Josep koboch ye kingoboi gonnyi ak tuguk tugul che bo Misrindonoto; ak kitebe berurtab Jehovah tuguk tugul che kitinyei eng’ gonnyi ak eng’ mbarenikyik.

NEEMIA 9:21

Ee, kiibai ichek eng’ ong’atet kenyisiek artam, kima rarta kiy eng’ ichek; ma osegitu ngoroikwak, ama ibwanso kelyekwak.

Kitabuutap JOB 23:10

Ago ingen inendet oret ne abune; Ye kagotiema, among’u aige tahabu.

TIENWOGIKAL 1:6

Amu ingen Jehovah oretab che bo imanda: Ago betei oretab kiptengeginik.

TIENWOGIKAL 107:4

Kiombenoti eng’ ong’atet eng’ turguito; Kimanyor nganaset ne menyei.

TIENWOGIKAL 31:7

Agasige ak abaibaitu eng’ rireneng’ung’: Amu kiigeer nyalildanyu; Kiinai sobondanyu eng’ betusiekab nyalilda:

TIENWOGIKAL 90:17

Ak ingotebenech kororonindab Jehovah Kamuktaindennyo: Ak igimitwech boisionikab eunekyok; Ee, igimit boisionikab eunekyok.

KOMONG'U 16:35

Ak kiam lagokab Israel mana kenyisiek artam, agoi koit emet ne menyei bik; kiam mana agoi koit kiwotisiekab emetab Kanan.

JEREMIA 2:2

Ui, ititenji Jerusalem, ilenji, Mwaei Jehovah ko u ni kole, Abwatin agobo mieindab ming’inateng’ung’, chamnyetab katunisieng’ung’; ko u ye kiisubwa eng’ ong’atet, eng’ emet ne kima kegolei.

HOSEA 13:5

Kianain eng’ ong’atet, eng’ emetab kemeut ne o.

AMOS 2:10

Ak kiamutwak kogeny otogosu eng’ emetab Misri, ak andoiywok kenyisiek artam eng’ ong’atet, si kobiit onam emetab Amorik kobunjok.

KAITOSYEK 1:1

King’alalji Jehovah Musa eng’ ong’atetab Sinai, eng’ emait ne kituiyechin, eng’ betut ne bo tai eng’ arawet ne bo aeng’, eng’ kenyit ne bo aeng’ ngab komong’une emetab Misri, kolenji,

KAITOSYEK 14:33

Ak koyogisiot lagokwok eng’ ong’atani kenyisiek artam, ak koibot kugoinateng’wong’, agoi kiges muswekwok eng’ ong’atet.

KAITOSYEK 14:34

Oiboti tengekwogikwok kenyisiek artam ko u koitetab betusiek che kiotar eng’ segeetab emet, eng’ betusiechoto artam, ko betut age tugul ko kenyit, si kobiit onai ye aistoenok kayomisutiennyu.

KAITOSYEK 22:12

Ak kilenji Kamuktaindet Balaam, Amat obe ak icheget; amat ichub bichoto: amu iberurotin ichek.

KAITOSYEK 32:13

Ak kilalyo neregekab Jehovah agobo Israel, ak kiigochi koombeniot eng’ ong’atet eng’ kenyisiek artam, agoi kowong’gei ibinda tugul ne kiyai yaitiet eng’ taitab Jehovah.

LUKA 22:35

Ak kilenji ichek, Kingayoktok ko motinye agot lolet, anan suberet, anan kweonik, ko tos kirarta kiy eng’ okwek? Ak kile, Ma raruech kiy.

JOHANA 10:27

Kasei kutinnyu kechirekyuk, ak angen ichek, ak kosuba:

NG'ATUTIK 1:19

Ak kigibe eng’ Horeb, ak kigibun ong’atet tugul, noto o ak komuisei ne kiogeer; kigibunu oret ne bo emetab tulonok ne bo Amorik, ko u ye king’atech Jehovah Kamuktaindennyo; ak kigibwa agoi Kades-barnea.

NG'ATUTIK 1:46

Kiotebe anyun Kades betusiek che chang’, che te betusiek che kiotar eng’ yoto.

NG'ATUTIK 2:14

Ak koboch ngab keng’eetye eng’ Kades-barnea, agoi kelandae kererutab Sered, ko ki kenyisiek sosom ak sisiit; agoi kogesgei ibinda tugul ne bo murenikab luget, eng’ nganaset, ko u ye kiiyosichei Jehovah.

NG'ATUTIK 2:6

Oale icheget amitwogik eng’ feda, si oam; ak oale kogeny icheget beek eng’ feda, si oee.

NG'ATUTIK 29:4

ago kitom kogonok Jehovah muguleldo ne oguiye, anan konyek che ogeere, anan itik che ogase, agoi rani.

NG'ATUTIK 29:5

Ak kiandoiywok eng’ kenyisiek artam eng’ ong’atet: ma osegitu ngoroik che olaachi, ama osegitu kweoniguk eng’ kelyeguk.

JOSHUA 5:6

Amu kibendat lagokab Israel eng’ kenyisiek artam eng’ ong’atet, agoi kobek bororiet tugul, che ki murenikab luget che kimong’une Misri, amu ma kas it kutitab Jehovah: che kiga koyosiechi Jehovah kole machamjin ichek kogeer emet ne kiga koyosiechi Jehovah kwanisiekwak kole konech, emet ne nyiitat chego ak kumik.