NG'ATUTIK 17:8 - BUKUIT NE TILIL

⁸ Ngo biit ng’olyot ne uui eng’ kiruoget ne temenen, ne bo korotik eng’ korotik, ak ng’olyot eng’ ng’olyot, ak biret eng’ biret, che kaek kabeletab ge eng’ kurgotiguk: ing’eet anyun, iwe ole leweni Jehovah Kamuktaindeng’ung’;

Bukuit Ne Tilil

⁸ Ngo piit ng'olyoot ne uui eng' kirwooget ne temeneen, ne po korotiik eng' korotiik anan ng'olyoot eng' ng'olyoot, anan pireet eng' pireet, che kaek kabeletapkei eng' kurgotiguk, ing'eet anyun, iwe ole leweni Kamuktaindet ne Toroor Kamuktaindeng'ung';

BUKUIT NE TILIIL Sireet ne Dutero Kanon

⁸ Ngo piit ng'olyoot ne uui eng' kirwooget ne temeneen, ne po korotiik eng' korotiik anan ng'olyoot eng' ng'olyoot, anan pireet eng' pireet, che kaek kabeletapkei eng' kurgotiguk, ing'eet anyun, iwe ole leweni Kamuktaindet ne Toroor Kamuktaindeng'ung';

NG'ATUTIK 17:8 ပူးပေါင်းရင်းမြစ်များ

2 SAMUEL 15:2

Ak king’eet Absalom karon inne, ak kotonon eng’ ye negite ormarichet: ak kingotinyei chi age tugul ng’olyo ne ibei kwo gab laitoriat kiruokyinechi, koguurei Absalom konyo ye mi inendet, kolenji, I bo nganaset ano? Ak kole, Bo otwogindeng’ung’ age eng’ bororiosiekab Israel.

1 ATEPTAP PEETUUSYEK 26:29

Kiyaei Kenania ak werikyik, che bo Isarik, boisionikab sang’ che bo Israel, koek kiptainik ak kiruogik.

KOMONG'U 18:15

Ak kilenji Musa kabyugoinnyi, Amu bwanjina bik koteepse Jehovah:

KOMONG'U 18:26

Ak kiiruoksechi bik eng’ betusiek tugul: kiipchi Musa ng’alek che uuen, ago kiibesiechigei ichegei ng’olyot age tugul ne ming’in.

KOMONG'U 21:20

Ak ngo bir chi age tugul otwogindennyi ne muren, anan ne tie, eng’ kirokto, kot komechi eunekyik, kigeerjin chichoto yaitiennyi iman.

KOMONG'U 21:22

Ak ngo borio bik, kot kokwer osotiot ne tamano, ak kororok moet, ama koam kiy osotiondonoto: kogeerjin che yamegei ak che machei manong’otiotab osotiondonoto; igoitoi ko u ye kamwa kiruogik.

KOMONG'U 21:28

Ak ngo toor kirgit muren anan kobogorio, ak kome, kelachei kirgoto iman, ak magiamei banyekyik; ak keunda anyun chitab kobo kirgoto.

KOMONG'U 22:2

Ak ngenam chorindet kobutei oldo age, ak kebar, ko mami tengektab korotik.

KOMONG'U 22:8

Ago ngo maginyor chorindet, konyo anyun chitab kobo got taitab Kamuktaindet, si kobiit kotook ngo kinam eunnyi tugukab chitab kokwennyi.

EZEKIEL 44:24

Ak koruokyi che ibeligei; koruokyi ko u kiruogutikyuk: ak korib ng’atutikyuk ak konetisiosiekyuk eng’ igorwekyuk tugul che kiging’at; ak kotaban sabatosiekyuk.

HAGGAI 2:11

Mwaei Jehovah ne bo lugosiek ko u ni kole: Oteebe tisiik agobo ng’atutik, olenji,

MALAKI 2:7

Amu kanyo korib kutitab tisiindet naet, ak kocheng’ bik ng’atutiet eng’ ng’alekyik: amu inendet ko chito ne iyoktoi Jehovah ne bo lugosiek.

KAITOSYEK 35:11

otabanjige nganasok koek nganasok che omwechini; si kobiit komwechi oloto ne karumis eng’ lelset.

KAITOSYEK 35:16

Ago ngo kikwere karnet ak kome, ko rumin chichoto: kibarei rumindonoto iman.

NG'ATUTIK 1:17

Amotiytii bik eng’ kiruoget; ogasyi ne ming’in ak ne o kogergeit; amoiywei togoch ne bo chi; amu bo kiruoget Kamuktaindet: ak ng’olyot ne katemenak, oibwa, si agas.

NG'ATUTIK 12:11

egu anyun ole leweni Jehovah Kamuktaindeng’wong’ konde kainennyi kotebe, oibe koba oloto tugul che ang’atok; kagochinoikwok che kibeelei, tiseiywekwok, kebeberwekwok, kagochinetab eunekwok ne kinamjin barak, ak kaarortaosiekwok tugul che oarorjini Jehovah:

NG'ATUTIK 12:14

ago eng’ ole leweni Jehovah, eng’ age ne bo ortinweguk, igoite eng’ oloto kagochinoiguk che kibeelei, ak iyai eng’ oloto tugul che ang’atin.

NG'ATUTIK 12:5

Ago ole leweni Jehovah Kamuktaindeng’wong’ eng’ ortinwekwok tugul kole konde kainennyi oloto, ocheng’ anyun ole menyei inendet, ak iwe oloto:

NG'ATUTIK 19:17

ingotononso anyun ichek tuwai, choto ibelegei, eng’ taitab Jehovah, eng’ taitab tisiik ak kiruogik che mi eng’ betusiechoto;

NG'ATUTIK 19:4

Ni ng’olyotab chito ne karumis, ne kamwechi oloto si kosob: inendet ne kabar chitab kokwennyi ama nai, ne kima kowechei inendet eng’ betusiek che kigosiirto;

NG'ATUTIK 21:5

yeityo korikta yoto tisiik werikab Lawi; amu choto che kilewen Jehovah Kamuktaindeng’ung’ koboisiechi ak koberuris eng’ kainetab Jehovah; ak tebyei ko u ng’olyondenywa kit age tugul ne kagimoitos ak biret age tugul:

NG'ATUTIK 25:1

Ngo biit tiiyet eng’ bik, ak kobwa kapkiruok, ak koruokyi kiruogik; koiityi anyun ne bo imanda imanda, ak kogikyi ne ya;