NG'ATUTIK 17:20 - BUKUIT NE TILIL

²⁰ si meetgei eng’ muguleldanyi kosiir tupchosiekyik, ak komasta kometo ng’atutiet, kwo eutab tai anan ne bo katam: si kobiit kochang’a betusiekyik eng’ laitornatennyi, inendet ak lagokyik, eng’ kwenutab Israel.

Bukuit Ne Tilil

²⁰ Amat koeetkei eng' muguleldanyi kosiir tupchosyekyik anan ak komasta kometo ng'atuutyet, kwo eutap tai anan ne po kaataam, si kobiit kochang'a peetuusyekyik eng' laitornatennyi eng' ineendet ak eng' lagokyik eng' kwenutap Israel.”

BUKUIT NE TILIIL Sireet ne Dutero Kanon

²⁰ Amat koeetkei eng' muguleldanyi kosiir tupchosyekyik anan ak komasta kometo ng'atuutyet, kwo eutap tai anan ne po kaataam, si kobiit kochang'a peetuusyekyik eng' laitornatennyi eng' ineendet ak eng' lagokyik eng' kwenutap Israel.”

NG'ATUTIK 17:20 ပူးပေါင်းရင်းမြစ်များ

2 SAMUEL 22:23

Amu kimi tainnyu kiruogutikyik tugul, Ak ma aistoege konetisiosiekyik.

1 LAITORINIK 11:34

Ago maibe bounatet tugul eng’ eunnyi: ayae inendet koek bounindet betusiek tugul che bo sobennyi, agobo Daudi otwogindennyu, ne kialewen, amu kirib ng’atutikyuk ak etanutikyuk:

1 LAITORINIK 11:36

Ak agochini werinnyi oret agenge, si kolal kotugul taitab Daudi otwogindennyu eng’ Jerusalem eng’ tainnyu, nganaset ne kialewenjigei ande kainennyu yoto.

1 LAITORINIK 15:3

Ak kiwendote tengekwogik tugul che bo kwandanyi che kiga sib koyai eng’ inendet; ak kima kogesunotgei muguleldanyi eng’ Jehovah Kamuktaindennyi, ko u muguleldab Daudi kwandanyi.

1 LAITORINIK 15:5

amu kiyai Daudi ne mie eng’ taitab Jehovah, ama masta eng’ kiy age tugul ne king’at inendet, eng’ betusiek tugul che bo sobennyi, kobate eng’ ng’olyotab Uria Hitindet.

1 LAITORINIK 2:3

Ak irib kayomisetab Jehovah Kamuktaindeng’ung’, iwendote ortinwekyik, irib konetisiosiekyik, ak ng’atutikyik, ak kiruogutikyik, ak baornatosiekyik, ko u choto kigisir eng’ Ng’atutietab Musa, si kiberurin eng’ tugul che iyae, eng’ oldo tugul ole iwendi,

2 LAITORINIK 10:30

Ak kilenji Jehovah Jeu, Amu kiiyai ne mie eng’ yaetab imanda ne mie eng’ tainnyu, ak iyachi gotab Ahab ko u tuguk tugul che kimi muguleldanyu, tebe anyun weriguk ng’echeretab laitornatet ne bo Israel, agoi ibindab ang’wan.

2 LAITORINIK 14:10

Kiibar iman Edom, ak kigotororin muguleldang’ung’: baibaitune noto anyun, ak itebe gong’ung’; amu nee si icheng’jige nyalilda, si ibut, inye koboto Juda?

2 ATEPTAP PEETUUSYEK 25:19

Imwae ile, Keero, kiibar Edom; ak itororin muguleldang’ung’ si ilosuge: tebe gong’ung’; amu nee si icheng’jige nyalilda, si ibut inye, koboto Juda?

2 ATEPTAP PEETUUSYEK 26:16

Ago ye kingo kagogimit, kolosgei eng’ muguleldanyi kot koyai ne ya, ak kiingelelji Jehovah Kamuktaindennyi; amu kiwa hekalutab Jehovah kobeel nyamdutik eng’ kapkorosutab nyamdutik.

2 ATEPTAP PEETUUSYEK 33:12

Ak kingomi eng’ nyalilda kosa Jehovah Kamuktaindennyi, ak koming’ingei mising’ eng’ taitab Kamuktaindetab kwanisiekyik.

2 ATEPTAP PEETUUSYEK 33:19

Kigisirji agine saennyi, ak ole kigasyindo Kamuktaindet, ak tengektanyi tugul ak kachiliilutiennyi, ak komoswek ole kiteech komoswek che tororen, ak kolumda Aserik ak kanamonik che kigiwai, ye kitomo koming’ingei; ogeero, sirotin choto eng’ bukuitab ateptab betusiekab Hosai.

2 ATEPTAP PEETUUSYEK 33:23

Ak kima iming’ingei eng’ taitab Jehovah ko u ye kiiming’ingei kwandanyi Manase; ago kites Amon koyai chalwokto mising’ kosiir.

2 ATEPTAP PEETUUSYEK 34:27

amu ki tangus muguleldang’ung’, ak kiiming’ingei eng’ taitab Kamuktaindet, ye kegas ng’alekyik che nerekyin yuto, ak bik che menyei olito, ak iming’inige eng’ tainnyu, ak igerer ngoroiguk, ak irir eng’ tainnyu; ko kaagasun agane, mwaei Jehovah.

TIENWOGIKAL 119:102

Tom amaste abagakte kiruogutiguk; Amu kiineta inye.

TIENWOGIKAL 132:12

Ngot korib lagoguk arorutiennyu Ak bounatennyu ne tun aneti, Kotebe anyun lagokwak agichek ng’echereng’ung’ ne bo bounatet agoi koigeny.

TIENWOGIKAL 19:11

Kogeny eng’ choto kitigoni otwogeng’ung’: Mitei melekto ne o ngerib choto.

KALEWANAIK 10:27

Tesei betusiek kaiyweisiet ne kiywei Jehovah: Ago kitilei kenyisiekab kiptengeginik kong’ering’itu.

KALEWANAIK 27:24

Amu ma bo koigeny magornatosiek: Ak tos tebyei narietab bounatet eng’ ibinwek tugul?

AMDOINDET 8:13

ago mamieitu eng’ kiptengeginik, ama tesoksei betusiekyik che u uruet; amu maiyweisiei eng’ taitab Kamuktaindet.

ISAIAH 2:12

Amu tun biitu betutab Jehovah ne bo lugosiek, eng’ ichek tugul che mendos ak che ieetigei; ak eng’ ichek tugul che itororigei: ak kiming’ini.

HABAKUK 2:4

Ogeero, kagomen muguleldanyi, ma litit inendet: ago sobei ne bo imanda eng’ kayanennyi.

2 KORINTOEK 12:7

Ak eng’ oindo ne siirtoot ne bo ng’ang’utik - si ma kitorora mising’, ko kigigona katet eng’ borto, ne otwoget ne bo Setani kobira, si ma kitorora mising’.

NG'ATUTIK 12:25

Amat iam; si komieit eng’ inye, ak eng’ lagoguk che biitu let, ye iyae noto mie eng’ taitab Jehovah.

NG'ATUTIK 12:28

Rib ak iepchi it ng’alechu tugul che kang’atin, si komieit eng’ inye ak eng’ lagoguk che biitu let agoi koigeny, ye iyae ne mie ak ne bo iman eng’ taitab Jehovah Kamuktaindeng’ung’.

NG'ATUTIK 12:32

Orib kiy age tugul ne ang’atok oyai: amat ites, anan ichuchuch.

NG'ATUTIK 17:11

ko u ng’olyotab ng’atutiet ne inetin bichoto, ak ko u kiruoget ne mwaun, iyai ko u noto: amemaste eng’ kiruoget ne iborun, iwe eutab tai anan katam.

NG'ATUTIK 4:2

Amotesyi kiy ng’olyot ne ang’atok, anan ochuchuch alak, si kobiit orib ng’atutikab Jehovah Kamuktindeng’wong’ che ang’atok.

NG'ATUTIK 5:32

Orib anyun si oyai ko u ye king’atak Jehovah Kamuktaindeng’wong’: amomaste obe tai anan katam.

NG'ATUTIK 8:2

Ak ibwat oret komugul ne kigomutunenen Jehovah Kamuktaindeng’ung’ eng’ kenyisiechu artam eng’ ong’atet, si koming’inin, kotiemin, konai kit ne mi muguleldang’ung’, ngichame irib ng’atutik, anan ngo mechame.

1 PETERO 5:5

Ko u noto ak okwek che o mengechen, ogas it boisiek. Ee, ogermenge okwek tugul eng’ kaming’inetab ge si kobiit oboisiechige okwege eng’ okwege: amu kirindoi Jehovah menotik, ak kogochin mieindo che iming’inegei.

1 SAMUEL 10:25

Yeityo komwachi Samuel bik kit ne u laitornatet, ak kisirji bukuit, ak kogonor eng’ taitab Jehovah. Ak kimwachi Samuel bik tugul koba, kwo chi tugul gonnyi.

1 SAMUEL 15:23

Amu kergei ngelelnatet ak tengektab bonisiet, ak kergei uuindab met ak chalwokto ak saetab kanamonik. Amu koiesie ng’olyotab Jehovah, ko kagoesien aginye si mata iegu laitoriat.