NG'ATUTIK 17:2 - BUKUIT NE TILIL

² Ngo biitune kwenung’ung’, eng’ kurgotiguk alak tugul che konin Jehovah Kamuktaindeng’ung’, ne muren, anan kwondo, ne yaei ne ya eng’ taitab Jehovah Kamuktaindeng’ung’ kobistoe arorutiennyi,

Bukuit Ne Tilil

² “Ngo pitunee kwenung'ung' eng' kurgotiguk alak tugul che koonin Kamuktaindet ne Toroor Kamuktaindeng'ung' chii ne muren anan ne kwony, ne yaei ne ya eng' taitap Kamuktaindet ne Toroor Kamuktaindeng'ung' kobistoe arorutyennyi,

BUKUIT NE TILIIL Sireet ne Dutero Kanon

² “Ngo pitunee kwenung'ung' eng' kurgotiguk alak tugul che koonin Kamuktaindet ne Toroor Kamuktaindeng'ung' chii ne muren anan ne kwony, ne yaei ne ya eng' taitap Kamuktaindet ne Toroor Kamuktaindeng'ung' kobistoe arorutyennyi,

NG'ATUTIK 17:2 ပူးပေါင်းရင်းမြစ်များ

2 LAITORINIK 18:12

amu kima kas it kutitab Jehovah Kamuktaindenywa, ago kibistoe kayomisennyi, choto tugul kiga ng’at Musa otwogindetab Jehovah, ma cham kogas, anan koyai.

2 LAITORINIK 21:3

Amu kiteech kogeny komoswek che tororen che kiga kobut Hesekia kwandanyi; ak kiteekyi Baal kapkorosusiek, ak koyai Asera ko u ye kiga yai Ahab laitoriatab Israel, ak kogutung’ji tuguk tugul che bo kipsengwet, ak koot.

Kitabuutap JOB 31:28

Kita egu nito agine tengekto ne iruokyin kiruogik: Amu ta kiga amwachi lembech Kamuktaindet ne mi barak.

KOMONG'U 22:19

Kibarei age tugul ne ruitos ak che kiyagi.

KOMONG'U 22:20

Chi age tugul ne eng’jin tiseiywot cheptalelit age tugul, ne ma Jehovah inendet, keng’emei kiwong’u.

JEREMIA 31:32

ma ko u kayomiset ne kigiyomisge ak kwanisiekwak eng’ betut ne kianamanu ichek amutu komong’ eng’ emetab Misri; kayomisonotonyunet ne king’em ichek, nganda kia manong’otiot eng’ ichek, mwaei Jehovah.

JEREMIA 34:18

Ak agoitoi bik che kigobistoe kayomisennyu, che ma yai ng’alekab arorutiet ne kiga koyai eng’ tainnyu, ye kipcheune aeng’ moita ak kobun kwenetab kebeberwekyik;

EZEKIEL 16:38

Ak aruogun, ko u ye kiruokyin kwonyik che butei kayosietab katunisiet, ak che tumdoi korotik; ak aibun korotikab neregek che ng’wonen ak ng’etkonda.

HOSEA 6:7

Ago kigobistoe ichek kayomiset ko u Adam: kigoberbera eng’ oloto.

HOSEA 8:1

Kuut iriaget. Nyonjin gotab Jehovah ko u kipsichit: amu kigobistoe ichek kayomisennyu, ak kongelelji ng’atutikyuk.

ATEPTAP LAWIK 20:2

Ilenji lagokab Israel, Chi age tugul ne igochin lagokyik Molek, ngo age eng’ lagokab Israel, anan age eng’ bunotik che meng’isiei eng’ Israel, kebarei chichoto iman: lachei bikab emet eng’ koik.

ATEPTAP LAWIK 26:15

ak ngot oesie konetisiosiekyuk, ak ngo wech sobonwekwok kiruogutikyuk, kot ko moyai ng’atutikyuk tugul, ago ngot obut kayomisennyu;

ATEPTAP LAWIK 26:25

Ak aibwok rotwetab chok, ne yaakwok mugetut ne bo kayomiset; ak oyumjige nganasokwok: ak ayokwok koroito konyo kweng’wong’, ak kindeak eunekab bunikwok.

NG'ATUTIK 17:5

imutu anyun murenonoto anan kobogoriondonoto ne kayai kioto ya, konyo kurgotiguk, chichoto anan kobogoriondonoto; ak inyo ilach eng’ koik kot kome.

NG'ATUTIK 29:18

si mabiit chi eng’ okwek mureno anan kwondo, anan gab chi, anan oret, ne mastoi muguleldanyi rani kobagakta Jehovah Kamuktaindennyo, kwo koot kanamonikab bororiosiechoto; si mabiit eng’ okwek tigitiotab ng’wanindo ak ng’wonet;

NG'ATUTIK 29:25

Kole anyun bik, Amu kibagakta kayomisetab Jehovah, Kamuktaindetab kwanisiekwak, ne kiyai koboto ichek ye kiimutu komong’ eng’ emetab Misri;

NG'ATUTIK 31:20

Amu ye kaamut koit emet ne kiayosiechi kwanisiekwak, noto nyiitat chego ak kumik; ak ye kagoamis kobiyong’so, ak konerio; koweektagei anyun ole mi kanamonik koba koot, ak kosasa, ak kobut kayomisennyu.

NG'ATUTIK 4:23

Oripge anyun, si meutie kayomisetab Jehovah Kamuktaindeng’ung’, ne kiyai kobotok, ak oyai kanamwet eng’ kergeindab kiy age tugul ne kietenen Jehovah Kamuktaindeng’ung’.

HEBRANIK 10:28

Meei chito ne kasas Ng’atutietab Musa ko mami rirenet, eng’ baorinik aeng’ anan ko somok:

JOSHUA 23:16

Ye ongelelji kayomisetab Jehovah Kamuktaindeng’wong’, ne king’atak, ak obe oot kanamonik, ak ogutung’ji; kolalyo anyun neregekab Jehovah agobo okwek, ak obegu ochokyi, ochakte eng’ emoni kararan kigogonok inendet.

JOSHUA 7:11

Kogoyai Israel tengekto; ee, kogobistoe kayomisennyu ne kiga ang’at: ee, kogoib tuguk eng’ che itabanotin; ak kogochorso, ak koberberis, ak kogonde ole mi tugukwak.

JOSHUA 7:15

Ak inendet ne kinamjin kit ne itabanat kebeelei eng’ mat, chichoto ak tugul che tinyei: amu kobistoe kayomisetab Jehovah, amu koyai abusnatet eng’ Israel.

KIRUOGIK 2:20

Ak kilalyo neregekab Jehovah agobo Israel ak kimwa kole, Amu kigobistoe bororioni kayomisennyu ne kiang’at kwanisiekwak, ama kas it kutinnyu;

KIRUOGIK 6:31

Ak kilenji Joas bik tugul che kiibeligei ak inendet, Ong’alali otoreti Baal? Anan osoru inendet? Ne ng’alali agobo inendet ko mie kebar kota ko karon: ngot ko cheptalelit inendet, ko ingong’alal kotoretgei, amu kogoluul chito kapkorosunnyi.