NG'ATUTIK 16:16 - BUKUIT NE TILIL

¹⁶ Ingobwa mureniguk tugul taitab Jehovah Kamuktaindeng’ung’ konyil somok eng’ kenyit eng’ ole leweni inendet; eng’ igorta ne bo makatinik che ma kinde mermerek, ak eng’ igortab wigisiek, ak eng’ igortab keriosiek: amat kobwa taitab Jehovah ak eut buch:

Bukuit Ne Tilil

¹⁶ “Ingobwa mureniguk tugul taitap Kamuktaindet ne Toroor Kamuktaindeng'ung' konyil somok eng' kenyiit eng' ole leweni ineendet eng' igoorto ne po magatiinik che ma kinde mermereek, eng' igoortap wigisyek ak eng' igoortap keryosyek. Amat kobwa taitap Kamuktaindet ne Toroor ak euut puch.

BUKUIT NE TILIIL Sireet ne Dutero Kanon

¹⁶ “Ingobwa mureniguk tugul taitap Kamuktaindet ne Toroor Kamuktaindeng'ung' konyil somok eng' kenyiit eng' ole leweni ineendet eng' igoorto ne po magatiinik che ma kinde mermereek, eng' igoortap wigisyek ak eng' igoortap keryosyek. Amat kobwa taitap Kamuktaindet ne Toroor ak euut puch.

NG'ATUTIK 16:16 ပူးပေါင်းရင်းမြစ်များ

1 LAITORINIK 9:25

Ak kiigoitoi Solomon kagochinoik che kibeelei ak kagochinoikab kalyet konyil somok eng’ kenyit eng’ kaptisisiet ne kiteekyi Jehovah, kitesta choto nyamdutik che kibeelei, eng’ taitab Jehovah. Koges anyun got.

2 ATEPTAP PEETUUSYEK 8:13

ko u ye yamei boisietab betut age tugul, kogoitoi ko u ng’atutietab Musa, eng’ sabatosiek, ak eng’ ye kaleel arawet, ak eng’ igorwek che kiging’at, konyil somok eng’ kenyit, igorta ne bo makatinik che ma kinde mermerek, ak igortab wigisiek, ak igortab keriosiek.

EZRAH 3:1

Ak kingoit arawetab tisab, ye kimi lagokab Israel nganasokwak, koyumjigei bik Jerusalem ko u chichak.

NEEMIA 8:15

ak kole kobarta ak komwaita eng’ nganasokwak tugul, ak eng’ Jerusalem, kole, Oba tulwet, ak oibu temenikab emitik, ak che bo temenikab emitikab timin, ak temenikab ketit ne kiguure myrtle, ak sosik, ak temenikab ketik che nyigisen, si keteege keriosiek, ko u ye sirat.

TIENWOGIKAL 122:4

Ole togoste bororiosiek, bororiosiekab Jehovah, Koek baornatet eng’ Israel, Si komwa kongoi agobo kainetab Jehovah.

TIENWOGIKAL 84:7

Bendi kong’eete kimnatet agoi kimnatet, Toogu age tugul eng’ taitab Kamuktaindet eng’ Sion.

TIENWOGIKAL 84:8

Ee Jehovah, Kamuktaindet ne bo lugosiek, kas saennyu, Eb it, Kamuktaindetab Jakobo.

TIENWOGIKAL 96:8

Ogochi Jehovah torornatet ne nyoljin kainennyi: Oibu kagochinet, ak obwa seremusiekyik.

KOMONG'U 34:20

Ak itiachi ne twatei sigiriet itiage aruet: ak ngo metiach, iiri kaatit. Itiachi weriguk tugul che bo tai. Ak manyonei chi oli ami ak eut buch.

KOMONG'U 34:24

Amu aone bororiosiek eng’ taing’ung’, ak abaroi kiwotosieguk: ama biitu chi age tugul ne machei emeng’ung’, ye itogostoi iwendi taitab Jehovah Kamuktaindeng’ung’ konyil somok eng’ kenyit.

ISAIAH 23:18

Ak koek mung’arennyi ak melektanyi tililindo eng’ taitab Jehovah: magigonori ama kibasei; amu bunjin mung’arennyi ichek che menyei taitab Jehovah, si koam kobiyong’so, ak kolaach ngoroik che bo telunatet.

ISAIAH 33:20

Keer Sion, nganasetab igorwekyok che kiging’at: tun keerei konyeguk Jerusalem, meng’otetab kamuung’et, emait ne magiutoi, ne magitutu tigongenikyik agoi, ama ng’etos boroonikyik.

EZEKIEL 36:38

Ko u akwetab kechirek che egu tiseiywek, ko u akwetab kechirekab Jerusalem eng’ betusiekyik che bo igorwek che kiging’at; kinyiiti ko u noto nganasok che kiga koek karatwek eng’ tuiyosiekab bik: si konai ichek kole a Jehovah.

ATEPTAP LAWIK 23:34

Mwachi lagokab Israel, ilenji, Egu igortab keriosiek betusiek tisab eng’ Jehovah eng’ betutab taman ak mut ne bo arawanito bo tisab.

HAGGAI 1:9

Kiocheng’ che chang’, ak ogeero, kibiit che ng’ering’; ak kingoibu kobwa ga, agutute. Amu nee? Mwae Jehovah ne bo lugosiek. Amu gonnyu ne butot, ago labati chi age tugul gonnyi.

MATAYO 2:11

Ak kiba go orit ak kigeer lakwet ne ming’in koboto kamennyi Maria; ak kiibutyi ng’ony kolos inendet; ak kotiach konoraikwak che bo kamanutiet ne o, kogochi inendet kagochinoik, tahabu, tuguk che nyamdut ak tuguk che u igomoik.

MARIKO 12:3

Ak kinam inendet, ak kobir, ak koon kwo buch.

JOHANA 7:2

Ak kiga rik igortab Yahudik, igorta ne bo keriosiek.

NG'ATUTIK 16:15

Ripchi Jehovah Kamuktaindeng’ung’, igorta eng’ betusiek tisab eng’ ole leweni Jehovah: amu iberurun Jehovah Kamuktaindeng’ung’ tuguk tugul che inyoru, ak boisionik tugul che bo euneguk, ak ibaibaitu mising’.

NG'ATUTIK 16:17

ingogoito chi age tugul ko u ye imuchi, ne te kaberuretab Jehovah Kamuktaindeng’ung’ ne kigonin.

NG'ATUTIK 31:11

ye kabwa Israel tugul koborgei eng’ taitab Jehovah Kamuktaindeng’ung’ eng’ ole tun leweni, isoman anyun ng’atutioni eng’ taitab Israel tugul kogas.

1 SAMUEL 1:3

Ak kicham kotogostoi chichoto eng’ nganasennyi eng’ kenyit age tugul kowendi kosaei ak kogochin Jehovah ne bo lugosiek tiseiywek eng’ Silo. Ak kimi yoto werik aeng’ che bo Eli, Hopni ak Pineas, tisiikab Jehovah.

1 SAMUEL 6:3

Ak kile, Ngot oweekte moingetab Kamuktaindetab Israel, ko mat oweekte buch; ago matiny kilya oweektochini inendet koboto kagochinetab chalwokto: si kosoobok, ak onai amu nee si ko ma kiisto eunnyi eng’ okwek.