NG'ATUTIK 16:11 - BUKUIT NE TILIL

¹¹ ak ibaibaitu eng’ taitab Jehovah Kamuktaindeng’ung’, inye, ak wering’ung’, ak cheptang’ung’, ak otwogindeng’ung’ ne muren, ak otwogindeng’ung’ ne tie, ak Lawindet ne mi kurgotiguk, ak toondet, ak ne matinyei kwanda, ak mosoget, che mi koboten, eng’ ole leweni Jehovah Kamuktaindeng’ung’ kotebe kainennyi.

Bukuit Ne Tilil

¹¹ Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

BUKUIT NE TILIIL Sireet ne Dutero Kanon

¹¹ Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

NG'ATUTIK 16:11 ပူးပေါင်းရင်းမြစ်များ

KOMONG'U 20:24

Teekwa kaptisiet ne bo ng’ung’unyek, ak ieng’wa eng’ kaptisisionoto kagochinoiguk che kibeelei, ak kagochinoiguk che bo kalyet, kechireguk, ak tuga cheguk: anyonjinin ak aberurin eng’ komosta age tugul ole andoi kainennyu kibwate.

ISAIAH 64:5

Otuitosi ak inendet ne baibai ak koyaei imanda, icheget che ibwatin eng’ ortinweguk: keero, kiinerech, ak kigiyai tengekto: kigeyai choto betusiek che chang’, ak tos kisoruech?

JOEL 1:16

Tos ma kiisto amitwogik kegeerei, ee, koboto boiboiyet, ak kagasetab ge eng’ gotab Kamuktaindennyo?

HABAKUK 3:18

Aboiboitu kora eng’ Jehovah, Aboiboitu eng’ Kamuktaindetab yetunennyu.

ROMANIK 5:11

Ak ma u noto kityo, ago kiboiboi agachek eng’ Jehovah eng’ Kiptaiyandennyo Jesu Kristo, amu kigenyoru eng’ inendet katuiyet.

2 KORINTOEK 1:24

Ma kele kitinye bounatet eng’ kayaneng’wong’, ago ki toretik che bo boiboiyeng’wong’: amu otonondosi eng’ kayaneng’wong’.

NG'ATUTIK 12:12

si oboiboitu eng’ taitab Jehovah Kamuktaindeng’wong’, okwek, koboto werikwok, ak tibikwok, ak otwogikwok che murenik koboto otwogikwok che tibik, ak Lawindet ne mi kurgotikwok, amu matinyei inendet kebeberta anan borotet kobotok.

NG'ATUTIK 12:18

ago iame tukchoto eng’ taitab Jehovah Kamuktaindeng’ung’, inye, ak wering’ung’, ak cheptang’ung’, ak otwogeng’ung’ ne muren, ak otwogeng’ung’ ne tie, ak Lawindet ne mi kurgotiguk: ak ibaibaitu eng’ taitab Jehovah Kamuktaindeng’ung’ eng’ kiy age tugul ne iyae euneguk.

NG'ATUTIK 12:5

Ago ole leweni Jehovah Kamuktaindeng’wong’ eng’ ortinwekwok tugul kole konde kainennyi oloto, ocheng’ anyun ole menyei inendet, ak iwe oloto:

NG'ATUTIK 12:7

oamisie eng’ oloto eng’ taitab Jehovah Kamuktaindeng’wong’, ak oboiboitu eng’ tugul che oyae eunekwok, okwek ak bikwok, eng’ che kaiberurun Jehovah Kamuktaindeng’ung’.

NG'ATUTIK 14:29

si konyo Lawindet amu matinyei kebeberta anan borotet koboten, ak toondet, ak ne matinyei kwanda, ak mosok, choto mi kurgotiguk nyo koamis ak kobiyong’so; si koberurin Jehovah Kamuktaindeng’ung’ eng’ boisiet tugul ne bo euneguk.

NG'ATUTIK 16:10

Ak iripchi Jehovah Kamuktaindeng’ung’ igorta ne bo wigisiek eng’ kagochinet ne kigoitoi eng’ chamnyet, ne igochini, che te che kiiberurun Jehovah Kamuktaindeng’ung’:

NG'ATUTIK 16:14

ak ibaibaitu eng’ igortang’ung’, inye, ak wering’ung’, ak cheptang’ung’, ak otwogeng’ung’ ne muren, ak otwogindeng’ung’ ne tie, ak Lawindet, ak toondet, ak ne matinyei kwanda, ak mosoget, che mi kurgotiguk.

NG'ATUTIK 26:11

ak ibaibaitu eng’ mieindo tugul ne kigonin Jehovah Kamuktaindeng’ung’, ak gong’ung’, inye ak Lawindet, ak toondet ne mi kwenung’ung’.

PILIPIK 4:4

Oboiboitu eng’ Kiptaiyet kotugul: ak amwae kogeny ale, Oboiboitu.