NG'ATUTIK 15:6 - BUKUIT NE TILIL

⁶ Amu iberurin Jehovah Kamuktaindeng’ung’, ko u ye kiiarorun: ak ibesendochi bororiosiek che chang’, ago mebeseni; ak ibou bororiosiek che chang’, ama boun.

Bukuit Ne Tilil

⁶ Amu iberuurin Kamuktaindet ne Toroor Kamuktaindeng'ung' ko uu ye ki iarorun ak ibesendochi pororyosyek che chaang', ago mebeseni. Ibou pororyosyek che chaang', ama poun.

BUKUIT NE TILIIL Sireet ne Dutero Kanon

⁶ Amu iberuurin Kamuktaindet ne Toroor Kamuktaindeng'ung' ko uu ye ki iarorun ak ibesendochi pororyosyek che chaang', ago mebeseni. Ibou pororyosyek che chaang', ama poun.

NG'ATUTIK 15:6 ပူးပေါင်းရင်းမြစ်များ

1 LAITORINIK 4:21

Ak kilaitorane Solomon bororiosiek tugul koboch Ainet agoi emetab Pilistik, ak agoi kiwotetab Misri: kiibu kagochinoik, ak kootei Solomon eng’ betusiek tugul che bo sobennyi.

1 LAITORINIK 4:24

Amu kibou koret tugul ne bo Ainet komosi, koboch Tipsa agoi Gasa, kiboi laitorinik tugul che mi Ainet komosi: ak kichamdos ak bik che kimi komoswekyik tugul.

1 ATEPTAP PEETUUSYEK 17:27

ak nguno anyun, kebaibaitu iberur gotab otwogindeng’ung’, si kobiit koteb koigeny eng’ taing’ung’: amu kaiberur inye, ee Jehovah, ak iberurot koigeny.

2 ATEPTAP PEETUUSYEK 9:26

Ak kibou laitorinik tugul koboch Ainet agoi emetab Pilistik, ak agoi kiwotetab Misri.

EZRAH 4:20

Kimitei kogeny laitorinik che ki kimen che kibou Jerusalem, che kibou emet tugul ne mi ainet bitonin; ak kigigochin kodi, ak aisurut, ak aisurutab tuguk.

NEEMIA 9:27

Noto anyun, kiinde ichek eunekab bunikwak, che kiim ichek: ak eng’ betusiekab nyalildanywa, ye kingorirjin, igas eng’ kipsengwet; ak ko u eng’ rirenosieguk che chang’, ko kiigochi ichek sorunik che kisor ichek eng’ eunekab bunikwak.

TIENWOGIKAL 112:5

Mie eng’ chito ne boisiei eng’ mieindo ak kobesendoi; Chobei ng’alekyik eng’ imanda.

TIENWOGIKAL 37:21

Chito ne ma bo iman kobesenisiei, ama yaagu: Ago boisie ne bo imanda aiyebindo, ak kogoitoi.

TIENWOGIKAL 37:26

Boisie aiyebindo betut komugul, ak kobesendoi; Ak kiberuri iyotennyi.

KALEWANAIK 22:7

Bou magoriot kibananok, Ak otwogindetab chito ne besendoi, ne beseni.

LUKA 6:35

Ago ocham bunikwok, ak oyai ne mie, ak obesende, amongen onyoru kogeny; si koeet melektang’wong’, ak oegu werikab Inendet ne Toror Mising’: amu tala inendet eng’ icheget che matinyei kongoi ak che yaachen.

NG'ATUTIK 15:5

ngigiilgei igas kutitab Jehovah Kamuktaindeng’ung’, irib iyai ng’atutichuto tugul kang’atin rani.

NG'ATUTIK 28:44

Besendoun inendet, ago mebesendochini: egu inendet metit, ak iegu katutiet.