NG'ATUTIK 15:10 - BUKUIT NE TILIL

¹⁰ Igochi inendet anyun iman, amat koyait muguleldang’ung’ ye igochini: amu iberurin Jehovah Kamuktaindeng’ung’ eng’ ng’olyondoni eng’ boisioniguk tugul, ak eng’ tuguk tugul che iyae euneguk.

Bukuit Ne Tilil

¹⁰ Igoochi ineendet anyun iman, amat koyait muguleldang'ung' ye igoochini. Amu iberuurin Kamuktaindet ne Toroor Kamuktaindeng'ung' eng' ng'olyoondoni eng' poisyoniguk tugul ak eng' tuguuk tugul che iyae euneguk.

BUKUIT NE TILIIL Sireet ne Dutero Kanon

¹⁰ Igoochi ineendet anyun iman, amat koyait muguleldang'ung' ye igoochini. Amu iberuurin Kamuktaindet ne Toroor Kamuktaindeng'ung' eng' ng'olyoondoni eng' poisyoniguk tugul ak eng' tuguuk tugul che iyae euneguk.

NG'ATUTIK 15:10 ပူးပေါင်းရင်းမြစ်များ

KALEWANAIK 22:9

Kiberuri ne tinyei kondab aiyebindo; Amu igochin amitwogikyik kibananiat.

AMDOINDET 11:1

Wirji amitwogiguk beek; amu tun inyoru ko kagosiirto betusiek che chang’.

ISAIAH 32:8

Ago chobei ne toogunot, tuguk che toogunotin; ak tebyei eng’ tuguk che toogunotin.

ISAIAH 58:10

ak ngot irire che amei rubo, ak ibai kobiyo sobondo ne kinyalili: kochor anyun lapkeiyeng’ung’ eng’ mesundeito, ak koigei bet kwen mesundeitang’ung’.

MATAYO 25:40

Ak kowolji Laitoriat kolenji, Amwawok, iman, ale, Ko u ye kioyachi agenge eng’ tupchosiechuchuk, agot che mengechen eng’ tugul, ko kioyaiywa.

POISYONIGAP CHE KIYOKTOI 20:35

Kiagonok kaborunet eng’ tuguk tugul, ale ye oboisiei ko nyolu otoret che matinyei kimnatet, ak obwati ng’alekab Kiptaiyat Jesu, ko u ye kimwa inendet kole, Tinyei boiboiyet kagoitoet kosiir taaget.

ROMANIK 12:8

anan inendet ne iteitoi, kochuljige kateitaennyi: inendet ne igoitoi, kogoito eng’ aiyebindo; inendet ne bou, koboi kochuljigei; inendet ne riregei, koriregei eng’ boiboiyet.

NG'ATUTIK 14:19

Ng’wonen eng’ okwek tuguk tugul che ing’onioti che tinyei kebebaik: magiamei.

NG'ATUTIK 14:29

si konyo Lawindet amu matinyei kebeberta anan borotet koboten, ak toondet, ak ne matinyei kwanda, ak mosok, choto mi kurgotiguk nyo koamis ak kobiyong’so; si koberurin Jehovah Kamuktaindeng’ung’ eng’ boisiet tugul ne bo euneguk.

NG'ATUTIK 15:18

Amat kouuiit eng’ inye noto, ye keunde kwo eng’ oldang’ung’; amu u boisiennyi, ne kiboisieun eng’ kenyisiek lo, boisietab otwogik aeng’ che nyoru melekto: ak koberurin Jehovah Kamuktaindeng’ung’ eng’ tugul che iyae.

NG'ATUTIK 15:4

Ago mabiitunenen kibananok; (amu iberurin iman Jehovah eng’ emet ne konin Jehovah Kamuktaindeng’ung’, imeny koek boroteng’ung’;)

NG'ATUTIK 23:20

Imuchi ibesendochi bunotyot si tun inyorune keljinet; ago mebesendochi ne otupche ile tun inyorune keljinet: si koberurin Jehovah Kamuktaindeng’ung’ eng’ tuguk tugul che iyae eng’ eung’ung’, eng’ emet ne iwendi iname.

NG'ATUTIK 24:19

Ye igesisie eng’ mbareng’ung’, ak iutie ratutikab bek eng’ mbar, ko mat iweege iwe iibu: ingobunji toondet, ak ne matinyei kwanda, ak mosoget: si kobiit koberurin Jehovah Kamuktaindeng’ung’ eng’ tuguk tugul che iname eung’ung’.

NG'ATUTIK 28:8

Ng’atei Jehovah berurto konyonjin, eng’ chogeniguk ak eng’ tugul che iyai eng’ eung’ung’; ak iberurin eng’ emet ne konin Jehovah Kamuktaindeng’ung’.

HEBRANIK 13:16

Oyai che miachen, amoutie oyai yamdaet: amu baibai mising’ Jehovah eng’ korosek che u choto.

1 PETERO 4:11

ngo ng’alali chi, kong’alal ko u arorutikab Jehovah; ngo boisiei chi, kobois eng’ kimnatet ne igochin Jehovah: si kobiit kitoror Jehovah eng’ tuguk tugul eng’ Jesu Kristo, ne nenyi torornatet ak kimnatet koigeny ak koigeny. Amen.