NG'ATUTIK 14:2 - BUKUIT NE TILIL

² Amu i bororiet ne tilil eng’ Jehovah Kamuktaindeng’ung’, ak kigolewenin Jehovah iegu bororiennyi ne itabanat kosiir bororiosiek tugul che mi ng’ony.

Bukuit Ne Tilil

² Amu ii pororyet ne tiliil eng' Kamuktaindet ne Toroor Kamuktaindeng'ung' ak ki kolewenin Kamuktaindet ne Toroor iegu pororyennyi ne itabaanat kosiir pororyosyek tugul che mi ng'wony.

BUKUIT NE TILIIL Sireet ne Dutero Kanon

² Amu ii pororyet ne tiliil eng' Kamuktaindet ne Toroor Kamuktaindeng'ung' ak ki kolewenin Kamuktaindet ne Toroor iegu pororyennyi ne itabaanat kosiir pororyosyek tugul che mi ng'wony.

NG'ATUTIK 14:2 ပူးပေါင်းရင်းမြစ်များ

EZRAH 9:2

Amu kigotun tibikwak ak kotunji werikwak; kot koburuigei keswot ne tilil ak bikab emotinwek, ee, che kiindochin bistoonito ko ki kandoik ak bounik.

ISAIAH 41:9

inye ne kianamin koboch tabanwekab ng’ony, ak aguurin imong’une luukwekyik, ak alenjin, I otwogindennyu, kialewenin ama atimdoin;

ISAIAH 6:13

Ak ngot ko ta komi kebeberta agenge eng’ taman, keamei kogeny: ko u ketit ne kiguure teil, ak ketit age, che ng’etu musugikwak ye kageeb; u noto, iyotet ne tilil ko tigitikyik.

ISAIAH 62:12

Ak koguure ichek, Bik che tililen, Che kigotiach Jehovah: ak keguurenen, Ne Kigicheng’, Nganaset ne ma kimeto.

JEREMIA 2:3

Ki tilil Israel eng’ Jehovah, rurgutinikab iyotennyi: kiityin ng’ogisto tugul che amei inendet; nyonjin yaitiet ichek, mwaei Jehovah.

EZEKIEL 21:2

Ee, weritab chi, tokyi togeng’ung’ Jerusalem, mwachi ng’alek komoswek che tililen, ak imaotenji emetab Israel;

DANIEL 12:7

Agas chito ne kiilaachi ngoroikab katanit, ne kimi baragutab beekab ainonoto, ye kinamjin barak eunnyi ne bo tai, ak eunnyi ne bo katam, ak koyosio eng’ inendet ne sobei koigeny, kole kobunjin kenyit, ak kenyisiek ak kebebertab kenyit; ak ye tun kagoges ichek tonet ne tonatoni kimnatetab bik che tililen, kogesgei anyun tuguchuto tugul.

DANIEL 8:24

Ak tesoksei kimnatennyi, ago ma eng’ kimnatennyi; ak kong’emis ne kikwong’e, ak konyor borotet ak koyai ko u ye machei: ak kong’em che nyigonen ak bik che tililen.

ATEPTAP LAWIK 11:45

Amu ane Jehovah ne kiamutwak otogosu omong’une emetab Misri, si aek Kamuktaindeng’wong’: otililitu anyun, amu a tilil.

ATEPTAP LAWIK 19:2

Mwachi tuiyet komugul ne bo lagokab Israel, ilenji, Oegu che tililen: amu a tilil ane, Jehovah Kamuktaindeng’wong’.

ATEPTAP LAWIK 20:24

Ago kiamwawok alenjok, Onyabani emenywa, ak agonok kobunjok, emet ne nyiitat chego ak kumik: a Jehovah Kamuktaindeng’wong’, ne kiatabanenak bororiosiek.

ATEPTAP LAWIK 20:26

Ak oegu che tililen eng’ ane: amu a tilil ane Jehovah, ak kiatabanenak bororiosiek, si oegu chechuk.

ROMANIK 12:1

Noto anyun che kitupche, asomok mising’, eng’ rirenosiekab Jehovah ale, ogoite borwekwok koek tiseiywot ne sobei, ne tilil, ne taachaksei eng’ Jehovah, noto ko boisieng’wong’ ne nyolu.

NG'ATUTIK 14:21

Amat oam ne kame inegei: imuchi igochi kipsagarindet ne mi kurgotiguk koam; anan ialdochi toondet: amu i bororiet ne tilil eng’ Jehovah Kamuktaindeng’ung’. Amat iyoe aruetab ng’oror chegab kamet.

NG'ATUTIK 28:9

Ak kogimitin Jehovah iegu bororiennyi ne tilil, ko u ye kiiyosieun; ngirib ng’atutikab Jehovah Kamuktaindeng’ung’, iwendote ortinwekyik.

NG'ATUTIK 33:3

Ee, kichamei bororiosiek; Mi eung’ung’ bikyik tugul che tililen: Ak kitebe ole bo kelyeguk; Taachei age tugul eng’ ng’aleguk.

NG'ATUTIK 4:20

Ago konamak Jehovah, ak komutwak omong’une matab karnet, eng’ Misri, oegu bikab borotennyi, ko u rani.

NG'ATUTIK 7:6

Amu i bororiet ne itabanat eng’ Jehovah Kamuktaindeng’ung’: kilewenin Jehovah Kamuktaindeng’ung’ iegu bororiet ne nenyi inegei, eng’ bororiosiek tugul che mi ng’ony.

NG'ATUTIK 7:7

Amu kima chamak Jehovah, kolewenok, amu ki o chang’ kosiir bik alak (ki o ng’ering’ kosiir bik tugul):

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.