NG'ATUTIK 13:6 - BUKUIT NE TILIL

⁶ Ngo kaigain eng’ ung’ot ng’etab komet, anan wering’ung’, anan cheptang’ung’, anan osotiondeng’ung’ ne ichame, anan chorueng’ung’ ne ichame ko u ye ichame sobondang’ung’, kolenjin, Ngebe keot kanamonik, che kima ingen, inye, anan kwanisieguk;

Bukuit Ne Tilil

⁶ “Ngo kaigain eng' ung'oot ng'eetap kamenng'ung' anan weeriing'ung' anan cheptong'ung' anan osotyondeng'ung' ne ichame anan chorweng'ung' ne ichame ko uu ye ichame saboondang'ung' koleenjin, ‘Ngebe keoot kanamonik alak’ che ki ma ingen inyee anan kwanisyeguk,

BUKUIT NE TILIIL Sireet ne Dutero Kanon

⁶ “Ngo kaigain eng' ung'oot ng'eetap kamenng'ung' anan weeriing'ung' anan cheptong'ung' anan osotyondeng'ung' ne ichame anan chorweng'ung' ne ichame ko uu ye ichame saboondang'ung' koleenjin, ‘Ngebe keoot kanamonik alak’ che ki ma ingen inyee anan kwanisyeguk,

NG'ATUTIK 13:6 ပူးပေါင်းရင်းမြစ်များ

TAUNET 16:5

Kilenji anyun Sarai Abram, Ingobunjin nyalildanyu: kiagonin chepto otwogindennyu koek neng’ung’; ak ye kingogeer kole managat, korenya: ingobesiewech Jehovah.

2 SAMUEL 1:26

Aarogeni amu inye, tupchennyu Jonatan: Kiigona abaibait mising’: Ki bo kwong’et chamnyeng’ung’ ne kiichama, Kisiirei chamnyetab kwonyik.

1 LAITORINIK 18:40

Ak kilenji Elija ichek, Onam maotikab Baal; amat ongochilil agot agenge. Kinam anyun ichek: ak kiimut Elija kochorgei kererutab Kison, ak kobarji yoto.

2 LAITORINIK 11:18

Ak kiba bik tugul che bo emet gotab Baal, ak kobut kolul; kibut kapkorosusiekyik ak kanamonikyik kotonaton inne, ak kobar Matan tisiindetab Baal eng’ taitab kapkorosusiek. Ak kilewen tisiindet bounik korib gotab Jehovah.

2 ATEPTAP PEETUUSYEK 15:13

ak kole, age tugul ne machamei kocheng’ Jehovah Kamuktaindetab Israel, kebarei ngo ming’in, anan ko o, ngo muren, anan ko kwony.

2 ATEPTAP PEETUUSYEK 23:17

Ak kiba bik tugul gotab Baal, kobut, ak kobut kapkorosusiekyik, ak kotuatui kanamonikyik, ak kobar Matan tisiindetab Baal eng’ taitab kapkorosusiek.

Kitabuutap JOB 31:27

Ak kigigaigai muguleldanyu eng’ ung’ot, Ak king’utut kutinnyu eunnyu:

KOMONG'U 13:3

Ak kilenji Musa bik, Obwat betuni, ne kiomong’une Misri, eng’ gotab otwoknatet; amu kiimoong’wok Jehovah eng’ kimnatetab eunnyi, omong’une olito; magiamei makatinik che kaginde mermerek.

KOMONG'U 32:27

Ak kilenji ichek, Kamwa ko u ni Jehovah, Kamuktaindet ne bo Israel, kole, Ingorat chi age tugul rotwennyi bo chok, ak ingwo chi tugul komosi ak komosi kobun kwenutab kurget age agoi kurget age, eng’ nganaset komugul, ak kobar chi tugul ne tupcho, ak kobar chi tugul ne choruennyi, ak chitab kokwennyi.

KALEWANAIK 18:24

Cheng’jingei ng’emisiet inendet ne cheng’ei choronok che chang’: Ago mi choruet ne namegei kosiir ng’etab kamet.

KALEWANAIK 5:20

Amu nee werinnyu, si ibaibaege chepkugoniot, Ak isuub tegetab chepkugoniot?

JEREMIA 28:15

Yeityo komwachi maotiot Jeremia maotiot Hanania, kolenji, Kaso, Hanania. Ma iyogun Jehovah; ago igochini bichu komang’ lembeita.

JEREMIA 28:16

Noto anyun, mwaei Jehovah ko u ni kole, Keero, aistoin eng’ ng’ony: imee kenyini, amu kaimwa ngelelnatet ingelelji Jehovah.

JEREMIA 44:3

amu yaitienywa ne kigoyai kotacha anerech, amu kiba kobeel nyamdutik, koot cheptalelisiek che kima kongen, icheget, anan okwek, anan kwanisiekwok.

SEKARIA 13:3

Ak ngot ko tun komaoten age tugul, kolenji anyun kwanda ak kamet che kisichei chichoto, Mesobe; amu imwae lembechek eng’ kainetab Jehovah: ak kotoor inendet kwanda ak kamet che kisichei inendet, ye kamaoten.

2 KORINTOEK 5:16

Noto anyun koboch nguno ko magingen chi age tugul eng’ borto: ago ngot kigingen Kristo eng’ borto, ko magingen inendet nguno ko u noto kogeny.

GALATYEK 2:4

amu tupchosiek che bo lembech che kigimut kobwa orit eng’ ung’ot, che kimong’ eng’ ung’ot kosegei katiagennyo ne kitinye eng’ Kristo Jesu, si kobiit kondeech otwoknatet:

EPESOEK 4:14

si mata keegu lagok, che kitoortoi koba komosi ak komosi ak kiiboti eng’ usonet age tugul ne bo konetisiet, eng’ ng’alsetab bik, eng’ ng’omkong’natet, eng’ kaberberisiosiekab lelutiet;

NG'ATUTIK 11:32

Ak orib oyai konetisiosiek ak kiruogutik tugul che kande taing’wong’ rani.

NG'ATUTIK 13:2

ak koyaak kaborunonoto anan kwong’utionoto ne kimwaun, kole, Ongisub kanamonik, che kima ingen, ak ongeot choto;

NG'ATUTIK 13:7

kanamonikab bororiosiek che mi tabanwekwok, che negitenen anan che looenen, koboch tabanda age ne bo ng’ony agoi tabanda age;

NG'ATUTIK 17:12

Ak chito ne yaei eng’ losetab ge ne magasei ng’alekab tisiindet ne tononi koboisiei eng’ taitab Jehovah Kamuktaindeng’ung’, anan kiruogindet, komeei chichoto: ak iiste yaitiet eng’ Israel.

NG'ATUTIK 18:20

Ago maotiot ne mwaei ng’olyo eng’ losetab ge eng’ kainennyu, ne ma ang’at inendet komwa, anan ne ng’alali eng’ kainaikab cheptalelisiek, komei maotiondonoto.

NG'ATUTIK 19:19

oyachi anyun, ko u ye kata machei koyachi ne tupcho: iste ko u noto anyun yaitiet eng’ kwenung’ung’.

NG'ATUTIK 21:21

Ak kolage koik murenik tugul che bo nganasennyi, agoi kome: iste anyun yaitiet ko u noto eng’ kwenung’ung’; ak kogas Israel tugul, ak koiywei.

NG'ATUTIK 22:21

kimut anyun cheboto agoi kurgetab gotab kwandanyi, ak kolage inendet koik murenikab nganasennyi kot kome: amu kiyai abusnatet eng’ Israel, amu kiyai kugoinatet eng’ gotab kwandanyi: iste anyun ko u noto yaitiet eng’ kwenung’ung’.

NG'ATUTIK 24:7

Ngenyor chi ne kachor tupchennyi age ne bo lagokab Israel, ak koyachi ko u otwogin, anan koalda, ingome anyun chorindonoto: iste ko u noto anyun yaitiet eng’ kwenung’ung’.

NG'ATUTIK 28:54

Ak kogeere kong’ ne ya chito ne ko kiptalbisio ak ko ng’arng’arge ne mi kwenung’wong’, ng’etab kamet ak osotiondennyi ne chamei, ak lagokyik che kang’et:

NG'ATUTIK 29:18

si mabiit chi eng’ okwek mureno anan kwondo, anan gab chi, anan oret, ne mastoi muguleldanyi rani kobagakta Jehovah Kamuktaindennyo, kwo koot kanamonikab bororiosiechoto; si mabiit eng’ okwek tigitiotab ng’wanindo ak ng’wonet;

NG'ATUTIK 8:14

eng’ noto anyun imen, iutie Jehovah Kamuktaindeng’ung’, ne kiimutun imong’une emetab Misri eng’ gotab otwognatet;

KOLOSAIK 2:4

Amwae nito ale, si magenak chi age tugul eng’ ng’alekab lomset.

JOSHUA 7:13

Ng’eet ianyiny bik, ilenji, Oanyinge agobo mutai: amu kamwa ko u ni Jehovah, Kamuktaindetab Israel, kole, Mi kiy ne itabanat kwenung’ung’, ee Israel: memuchi itonone taitab buniguk, agoi oiste kioto itabanat eng’ kwenung’wong’.

2 PETERO 2:1

Ago kibiit maotik che bo lembech agichek eng’ kwenutab bik, ko u ye ta kobiitu agine eng’ kwenung’wong’ konetikab lembech, che ibu eng’ ung’ot pcheutikab ng’emisiet, koesioi agot Kiptaiyat ne kial ichek, koipchingei ng’emisiet ne chogu.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 13:14

Ak kiiberber ichek che menyei ng’ony eng’ kaborunoik che kigigochi inendet koyai eng’ taitab tiondo; kolenjin ichek che menyei ng’ony koyachi kanamwet tiondo, ne tinyei berutietab rotwetab chok, ak kisob tionyoto.

NG'ANG'UTYET 20:3

ak kowirji inendet keringet ne maigoksei, ak koger, ak kong’och baragunnyi, si mata koberber bororiosiek kogeny, agoi kogesgei kenyisiek elfut agenge: ye ibata noto kitiach ne matia.

KIRUOGIK 10:6

Ak kiyai lagokab Israel yaitiet kogeny eng’ taitab Jehovah, ak kiot Baalik, ak Astarot, ak kanamonikab Suria, ak kanamonikab Sidon, ak kanamonikab Moab, ak kanamonikab lagokab Amon, ak kanamonikab Pilistik; ak kimeto Jehovah, mata koot inendet.

KIRUOGIK 2:13

Ak kimeto Jehovah, ak koot Baal ak Astarot.

KIRUOGIK 20:13

Ogonu anyun bichoto werikab Belial, che mi Gibea, si kobiit kebar, si keiste yaitiet eng’ Israel. Ago ma cham Benjamin kogas ng’alekab tupchosiekwak lagokab Israel.

KIRUOGIK 5:8

Kilewen cheptalelisiek che taunen; Kibiit luget eng’ kurgotik: Tos kibiit long’et anan ko ng’otit ne kigigeerei Eng’ elfusiek artam eng’ Israel?

1 SAMUEL 18:1

Ak kingo kagoges inendet ng’alaljinetab Saul, konamgei sobondab Jonatan ak sobondab Daudi, ak kicham Jonatan inendet ko u sobondanyi.

1 SAMUEL 18:3

Kiiyomisgei anyun Jonatan ak Daudi, amu kicham Jonatan inendet ko u sobondanyi.

1 SAMUEL 20:17

Ak kiiyosiechi Jonatan Daudi ne bo aeng’, amu chamnyet ne o ne kiting’e inendet: amu kichamei inendet ko u ye kichamei sobondanyi.