NG'ATUTIK 13:17 - BUKUIT NE TILIL

¹⁷ Amenam eng’ eung’ung’ kiy age tugul ne kigeisto: si koweek Jehovah kobagach neregekyik che koromen, ak korirenen, ak kochamin, ak kobarain, ko u ye kigoyosiechi kwanisieguk;

Bukuit Ne Tilil

¹⁷ Amenam eng' eung'ung' kiy age tugul ne kigeisto, si koweek Kamuktaindet ne Toroor kobagaach nereegekyik che koroomen ak korirenen, kochamin ak kobarain, ko uu ye ki koyasyechi kwanisyeguk.

BUKUIT NE TILIIL Sireet ne Dutero Kanon

¹⁷ Amenam eng' eung'ung' kiy age tugul ne kigeisto, si koweek Kamuktaindet ne Toroor kobagaach nereegekyik che koroomen ak korirenen, kochamin ak kobarain, ko uu ye ki koyasyechi kwanisyeguk.

NG'ATUTIK 13:17 ပူးပေါင်းရင်းမြစ်များ

TAUNET 26:24

Ak kimong’ji Jehovah kemounoto ak kolenji, A Kamuktaindet ne bo kwandang’ung’ Abraham: ameiywei, amu ami koboten, ak aberurin, ak abaroi iyoteng’ung’ amu otwogindennyu Abraham.

TAUNET 26:4

Ak abaroi iyoteng’ung’ ko u kecheik che bo kipsengwetisiek, ak agochini iyoteng’ung’ emotinwechu tugul; ak kiberuri bororiosiek tugul che bo ng’ony eng’ iyoteng’ung’;

TAUNET 28:14

ak tun tenitu lagoguk temburiekab ng’ony, ak iyomu cherongo ak kong’asis, ak murot ne bo katam, ak murot ne bo tai: ak kiberuri ortinwek tugul che bo ng’ony eng’ inye ak eng’ lagoguk.

TIENWOGIKAL 78:38

Ago kinyochi kaat tengektanywa amu ki nyiitat inendet rirenetab ge, ak kima bar ichek: Ee, kiweekta neregekyik konyil che chang’, Ama ing’eet neregekyik tugul.

TIENWOGIKAL 85:3

Kiiste neregeguk tugul: Kiituktochi batai koromnatetab neregeguk.

KOMONG'U 20:6

ak arire elfusiek eng’ ichek che chama che isubi ng’atutikyuk.

KOMONG'U 32:12

Amu nee si komwa tun Misrik kole, Kiga imutyin ichek yaitiet kole si kobar ichek eng’ tulonok, ak kowong’ kobetyo eng’ ng’ony? Ketite neregeguk che laldos, ak iwal kii ya koistoegei biguk.

RIREKAB JEREMIA 3:32

Amun agot nga kon arogenet, kota korire ko u chang’indab rirenosiekyik.

EZEKIEL 37:26

Ak kiyomisge ak ichek kogeny eng’ kayomiset ne bo kalyet: egu eng’ ichek kayomiset ne wendi agoi koigeny: ak alumde ichek, ak ates, ande oldanyu ne tilil kwenunywa agoi koigeny.

HOSEA 11:9

Mayae koromnatetab neregekyuk, maweeksei ang’eme Epraim: amu a Kamuktaindet, ma a chi; Inendet ne Tilil ne mi kwenung’ung’: machute nganaset.

KAITOSYEK 25:4

Ak kilenji Jehovah Musa, Nam bounik tugul che bo bik, ak isongininji Jehovah eng’ taitab asista, si koistoegei Israel neregek che koromen che bo Jehovah.

1 KORINTOEK 16:22

Ngot ko machamei chi age tugul Kiptaiyat, ko ingoek ne chubot. Maran-atha.

NG'ATUTIK 13:18

ye iepchi it kutitab Jehovah Kamuktaindeng’ung’, ak irib ng’atutikyik tugul che kang’atin rani, iyai noto bo iman eng’ taitab Jehovah Kamuktaindeng’ung’.

NG'ATUTIK 30:3

kowal anyun Jehovah Kamuktaindeng’ung’ luulet ne kigiluulin ak korirenen, ak koweek koyumin eng’ bororiosiek tugul, ole kiiyestochin Jehovah Kamuktaindeng’ung’.

NG'ATUTIK 30:5

ak komutyin Jehovah Kamuktaindeng’ung’ emet ne ki bo kwanisieguk, si kobunjin; ak koyaun ne mie, kotesin ichang’itu isiir kwanisieguk.

NG'ATUTIK 7:13

ak kochamin, ak koberurin, ak kotesin: ak koberur iyoteng’ung’ ak ruratetab emeng’ung’, beguk ak beekab logoeguk, ak mwaniguk, ak bitatetab tuguk ak che bo kechireguk, eng’ emet ne kiiyosiechi kwanisieguk kole konin.

NG'ATUTIK 7:26

ameib kit ne kiwechei kwo gong’ung’, si meegu ne istoot ko u kioto: wech mising’, ak iesie kioto; amu kigeisto.

JOSHUA 22:20

Kima yai Akan weritab Sera chalwokto eng’ kit ne ki itabanat, ak kobutyi neregek tuiyet komugul ne bo Israel? Ak kima lus chichoto inegei eng’ tengektanyi.

JOSHUA 6:18

Ago oripge okweget eng’ kiy ne itabanat, si ma ye kaotaban, ko ta onam kogeny; si moyai nganasetab Israel koek ne chubot, ak onyalil.

JOSHUA 6:24

Yeityo kobeel nganaset, koboto tugul che kimi orit: ago kiinde choto ole kigonore tugukab Jehovah, fedaisiek, tahabu, ak tuguk che bo sugunonik, ak che bo karik.

JOSHUA 6:26

Ak king’at Josua ichek eng’ kayosiet eng’ betusiechoto, kolenji, Chubot eng’ taitab Jehovah chito ne ng’eetei ak koteech nganasani bo Jeriko: lume lumeiywondennyi meetab taitanyi, ak kolumda kurgotikyik eng’ meetab towennyi.

JOSHUA 7:1

Ago kiyai lagokab Israel chalwokto eng’ kit ne itabanat: amu kiib Akan weritab Karmi, weritab Sabdi, weritab Sera, ne bo bororietab Juda, tuguk alak eng’ che itabanotin, ak kilalyo neregekab Jehovah agobo lagokab Israel.

JOSHUA 7:26

Ak kiiruruch koik eng’ baragunnyi, ak mi koichato agoi ra; ak kimeto Jehovah koromnatetab neregekyik. Noto anyun kigiguure kainetab yoto, Atebwetab Akor, agoi ra.

JOSHUA 8:28

Kobeel anyun Josua Ai, ak koyai koek tulwo kogeny, koek karatia, agoi ra.