NG'ATUTIK 12:7 - BUKUIT NE TILIL

⁷ oamisie eng’ oloto eng’ taitab Jehovah Kamuktaindeng’wong’, ak oboiboitu eng’ tugul che oyae eunekwok, okwek ak bikwok, eng’ che kaiberurun Jehovah Kamuktaindeng’ung’.

Bukuit Ne Tilil

⁷ Oamisye eng' olooto eng' taitap Kamuktaindet ne Toroor Kamuktaindeng'wong', okweek ak piikwok kibagenge, oboiboitune tugul che kiberuurwok Kamuktaindet ne Toroor Kamuktaindeng'wong'.

BUKUIT NE TILIIL Sireet ne Dutero Kanon

⁷ Oamisye eng' olooto eng' taitap Kamuktaindet ne Toroor Kamuktaindeng'wong', okweek ak piikwok kibagenge, oboiboitune tugul che kiberuurwok Kamuktaindet ne Toroor Kamuktaindeng'wong'.

NG'ATUTIK 12:7 ပူးပေါင်းရင်းမြစ်များ

1 ATEPTAP PEETUUSYEK 29:22

ak kiamis ak koeeiso eng’ taitab Jehovah eng’ betunoto eng’ kagasetab ge ne o. Ak kiyai Solomon weritab Daudi koek laitoriat kogeny, ak koiil inendet eng’ taitab Jehovah koek bounindet, ak koiil Sadok koek tisiindet.

NEEMIA 8:9

Ak kilenji bik tugul Neemia, ne ki Tirsata, ak Esra tisiindet ak ko sirindet, koboto Lawik che kiineti bik, Tilil betuni eng’ Jehovah Kamuktaindeng’wong’; amoteeye, anan oririe. Amu kiga ririo bik tugul, ye kingogas ng’alekab Ng’atutik.

AMDOINDET 3:12

Angen ale mami kit ne mie eng’ ichek kosiir koboiboitu, ak koyai ne mie kote kosoptos.

AMDOINDET 3:13

Ak kogeny konunetab Kamuktaindet konyoljin chi age tugul koamis ak koeeiso, ak kobaibait eng’ tuguk che miach eng’ birtoennyi bo ge tugul.

AMDOINDET 5:18

Ogeero, kit ne mie ne kiageer, ak ko nyolu, ko koamis chi ak koee, ak kobaibaitune tuguk che miach eng’ boisiennyi tugul, ne yaei eng’ kureretab asista, eng’ betusiek tugul che bo sobennyi che kiigochi Kamuktaindet inendet: amu kebebertanyi nito.

ISAIAH 23:18

Ak koek mung’arennyi ak melektanyi tililindo eng’ taitab Jehovah: magigonori ama kibasei; amu bunjin mung’arennyi ichek che menyei taitab Jehovah, si koam kobiyong’so, ak kolaach ngoroik che bo telunatet.

ISAIAH 62:9

ago amei ichek che kigonori, ak kolos Jehovah; ak koee ichek che kiyumi, eng’ seremusiekab oldanyu ne tilil.

EZEKIEL 44:3

Ago bounindet, kotebe oloto ko u bounindet, si koam amitwogik eng’ taitab Jehovah; wendi orit kobunei oretab keterutab ormarichet, ak komandae oranato.

JOEL 1:16

Tos ma kiisto amitwogik kegeerei, ee, koboto boiboiyet, ak kagasetab ge eng’ gotab Kamuktaindennyo?

JOEL 2:26

Ak oam che chang’ ak obiyong’se, ak olosu kainetab Jehovah Kamuktaindeng’wong’, ne kiyaiywok tuguk che kikwong’e: ak ma kolilandos bikyuk kogeny.

ATEPTAP LAWIK 23:40

Ak obutyige eng’ betut ne bo tai logoekab ketik che kororon, temenikab tironik, ak temenikab ketik che nyigisen, ak ketik che bitie kererusiek; ak oboiboitu eng’ taitab Jehovah Kamuktaindeng’wong’ eng’ betusiek tisab.

MALAKI 2:13

Ak ni kit age ne oyae kogeny, otumjini beekab kong’ kaptisisietab Jehovah, eng’ rirek, ak eng’ kateeiyet, kot ko ma koiiti kogeny kagochinet, ama kotaachei eng’ chamnyet che ogochini eng’ eunekwok.

POISYONIGAP CHE KIYOKTOI 2:46

Ak kimi hekalut betut age tugul kotebyei eng’ kabwatet agenge, ak eng’ butuletab makatiat eng’ ga, ak kiamisiei eng’ kagasetab ge, ak eng’ muguleldo agenge,

NG'ATUTIK 12:12

si oboiboitu eng’ taitab Jehovah Kamuktaindeng’wong’, okwek, koboto werikwok, ak tibikwok, ak otwogikwok che murenik koboto otwogikwok che tibik, ak Lawindet ne mi kurgotikwok, amu matinyei inendet kebeberta anan borotet kobotok.

NG'ATUTIK 12:18

ago iame tukchoto eng’ taitab Jehovah Kamuktaindeng’ung’, inye, ak wering’ung’, ak cheptang’ung’, ak otwogeng’ung’ ne muren, ak otwogeng’ung’ ne tie, ak Lawindet ne mi kurgotiguk: ak ibaibaitu eng’ taitab Jehovah Kamuktaindeng’ung’ eng’ kiy age tugul ne iyae euneguk.

NG'ATUTIK 12:8

Amat oyai tuguk ko u ye kiyae rani, ko u ye keerei chi age tugul kochamei:

NG'ATUTIK 14:23

Iamisiei eng’ taitab Jehovah Kamuktaindeng’ung’, eng’ ole leweni konde kainennyi komeny oloto, kebebertab taman ne bo beguk, ak divaiguk, ak mwaniguk, ak che twatei akweng’ung’, ak kechireguk; si inetge iywei Jehovah Kamuktaindeng’ung’ kotugul.

NG'ATUTIK 14:26

ak iale fedaisiechoto kit age tugul ne machei muguleldang’ung’, ngo tuga, anan kechirek, anan divaik, anan maiyek, anan kiy age tugul ne machei sobondang’ung’: ak iam eng’ oloto eng’ taitab Jehovah Kamuktaindeng’ung’, ak ibaibaitu, inye, ak bikab gong’ung’.

NG'ATUTIK 15:20

Iame choto eng’ taitab Jehovah Kamuktaindeng’ung’ eng’ kenyit age tugul eng’ ole leweni Jehovah, inye ak bikab gong’ung’.

NG'ATUTIK 26:11

ak ibaibaitu eng’ mieindo tugul ne kigonin Jehovah Kamuktaindeng’ung’, ak gong’ung’, inye ak Lawindet, ak toondet ne mi kwenung’ung’.

NG'ATUTIK 27:7

ak ieny kagochinoik che bo kalyet, ak iamisie eng’ oloto; si ibaibaitu eng’ taitab Jehovah Kamuktaindeng’ung’.

NG'ATUTIK 28:47

Amu meboisiechini Jehovah Kamuktaindeng’ung’ eng’ boiboindo, ak eng’ kagesetab ge ne bo muguleldo, amu chang’indab tuguk tugul:

PILIPIK 4:4

Oboiboitu eng’ Kiptaiyet kotugul: ak amwae kogeny ale, Oboiboitu.