NG'ATUTIK 12:30 - BUKUIT NE TILIL

³⁰ ripgei anyun, si mariichin kot isub ichek, ye kageng’em bichoto eng’ taing’ung’; ak iteeb agobo kanamonikwak, ile Ootitoi ano bororiosiechu kanamonikwak? Si ayai agane ko u noto.

Bukuit Ne Tilil

³⁰ iriipkei anyun si ma riichin ak isup icheek, kogageng'em pichooto eng' taing'ung': ye iteep agobo kanamonikwak ile, ‘Ootitoi ano pororyosyechu kanamonikwak? Amache ayai agane ko uu nooto.’

BUKUIT NE TILIIL Sireet ne Dutero Kanon

³⁰ iriipkei anyun si ma riichin ak isup icheek, kogageng'em pichooto eng' taing'ung': ye iteep agobo kanamonikwak ile, ‘Ootitoi ano pororyosyechu kanamonikwak? Amache ayai agane ko uu nooto.’

NG'ATUTIK 12:30 ပူးပေါင်းရင်းမြစ်များ

2 LAITORINIK 16:10

Ak kiwa laitoriat Ahas Damasko kotorokto Tiglat-peleser laitoriatab Asuria, ak kigeer kaptisisiet ne kimi Damasko: ak kiiyokyi laitoriat Ahas Urija tisiindet kit ne u kaptisisionoto, ak kergeindanyi, ko u musognatennyi tugul.

2 LAITORINIK 17:15

Ak kiesio ng’atutikyik, ak kayomisennyi ne kiiyomisgei ak kwanisiekwak, ak baornatosiekyik che kibaorian agobo ichek; ak kiisub tuguk che bo buch, ak kiek buch, ak kiisub bororiosiek che kiga yiem ichek, che kiga ng’at Jehovah ichek agobo bichoto, kolenji, amat oyai ko u ye yaei icheget.

KOMONG'U 23:24

Amat isa kanamonikwak, anan iot, anan isub boisionikwak: ago oluul kot ko mang’et kiy, ak obut kotonogis tolochikwak.

JEREMIA 10:2

Mwaei Jehovah ko u ni kole, Amat onetge ortinwekab bororiosiek, amoarogense agobo kaborunoikab kipsengwet; amu arogendos bororiosiek, agobo choto.

EZEKIEL 11:12

ak onai ole a Jehovah: amu ma obendate ng’atutikyuk, ama oyai kiruogutikyuk, ago kiosub kiruogutikab bororiosiek che mi komoswekwok.

EZEKIEL 20:28

Amu ye kingamutu ichek kobwa emet, ne kiaiitochi eunnyu agochi, kogeer tulwet age tugul ne koi, ak ketit age tugul ne nyigis, ak kiigoito eng’ oloto korosekwak, ak kiigoito eng’ oloto kagochinoikwak che bo tagisiet, kibeelei kogeny nyamdutikwak, ak korong’ji oloto kagochinoikwak che kieei.

EZEKIEL 20:32

ak mabiitu agot kitigin noto obwati; amu omwae ole, Kigergeitu ak bororiosiek, ak kergeitu ak ortinwekab emotinwek, keot ketik ak koik.

ATEPTAP LAWIK 18:3

Amat oyai tuguk che kiyaei emetab Misri, ole kiomenye: amat oyai boisionikab emetab Kanan, ole amutok: amat obendate konetisiosiekwak.

ATEPTAP LAWIK 18:30

Orib anyun kotigonutikyuk amu noto, si moyai age tugul eng’ bitonwechu samis, che kigiyaei kotom oitu, si momuruonege choto: a Jehovah Kamuktaindeng’wong’.

KAITOSYEK 33:52

oon anyun bik tugul che menyei emonoto, koba eng’ taing’wong’, ak ong’em koikwak che saei, ak ong’em kanamonikwak che kigitanyi, ak obut oldinwekwak tugul che tororen:

ROMANIK 12:2

Amoyaniege ateptab betusiechu: ago ingewalak eng’ kaleelitetab kabwatutikwok, si kobiit onai komie maget ne mie, ne tachaksei ak kogesunotgei, ne bo Jehovah.

EPESOEK 4:17

Amwae anyun ni, ak abaoriani eng’ Kiptaiyat, ale si mata obendate ko u ye bendoti Bororiosiek agichek, eng’ kabwatutikwak che bo buch,

NG'ATUTIK 11:16

Oripgei anyun, si ma kiberber mugulelwekwok, ak omaste, oot kanamonik ak ogutung’ji;

NG'ATUTIK 12:29

Ye tun ing’eto Jehovah Kamuktaindeng’ung’ bororiosiek eng’ taing’ung’, eng’ ole iwendi iname ak kobunjin choto, ak imeny emenywa;

NG'ATUTIK 12:31

Ameyachi ko u noto Jehovah Kamuktaindeng’ung’: amu kiy age tugul ne wegot eng’ Jehovah, ne wechei inendet, ko kiyachi ko u noto ichek kanamonikwak; amu beelei agot werikwak ak tibikwak kobeeljin kanamonikwak.

NG'ATUTIK 18:9

Ye kaiit emet ne konin Jehovah Kamuktaindeng’ung’, ko menetgei iyai tuguchoto yaachen yaei bororiosiechoto.

NG'ATUTIK 20:18

si mainetin isub iyai tugukwak tugul che kiwechei, che kigoyachi kanamonikwak; ngo yai ko u noto ko kochalwogenji Jehovah Kamuktaindeng’wong’.

NG'ATUTIK 7:16

Ak iwong’u bororiosiek tugul che konin Jehovah Kamuktaindeng’ung’; amat irire ichek: anan iot kanamonikwak; amu egu mestet eng’ inye noto.