NG'ATUTIK 12:11 - BUKUIT NE TILIL

¹¹ egu anyun ole leweni Jehovah Kamuktaindeng’wong’ konde kainennyi kotebe, oibe koba oloto tugul che ang’atok; kagochinoikwok che kibeelei, tiseiywekwok, kebeberwekwok, kagochinetab eunekwok ne kinamjin barak, ak kaarortaosiekwok tugul che oarorjini Jehovah:

Bukuit Ne Tilil

¹¹ Egu anyun ole leweni Kamuktaindet ne Toroor Kamuktaindeng'wong' konde kainennyi kotebee, ole oibe koba tugul che ang'atook; kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak ak kaarortaosyekwok tugul che oarorchini Kamuktaindet ne Toroor.

BUKUIT NE TILIIL Sireet ne Dutero Kanon

¹¹ Egu anyun ole leweni Kamuktaindet ne Toroor Kamuktaindeng'wong' konde kainennyi kotebee, ole oibe koba tugul che ang'atook; kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak ak kaarortaosyekwok tugul che oarorchini Kamuktaindet ne Toroor.

NG'ATUTIK 12:11 ပူးပေါင်းရင်းမြစ်များ

1 LAITORINIK 12:27

ngot koba bichu kotogosta kogoito tiseiywek eng’ gotab Jehovah eng’ Jerusalem, koweekyingei mugulelwekab bichu kogeny kiptaiyandenywa, ne inendet ko Reoboam laitoriatab Juda; ak kobara, ak koweekyigei Reoboam laitoriatab Juda.

1 LAITORINIK 8:13

Kaateegun iman got ne imenye, komostang’ung’ ne imenye koigeny.

1 LAITORINIK 8:16

Koboch betut ne kiamutu bikyuk Israel komong’ eng’ Misri, ko ma alewen nganas eng’ ortinwek tugul che bo Israel ateech got, si kobiit kotebe yoto kainennyu; ago kialewen Daudi koboi bikyuk Israel.

1 LAITORINIK 8:29

si kobiit kogeer konyeguk goi kemoi ak bet, kogeer komosta ne kiimwa ile, Tebe yoto kainennyu: si igas saet ne saei otwogindeng’ung’ kotokyingei komosita.

2 LAITORINIK 18:22

Ago ngot olenja, Kimang’u Jehovah Kamuktaindennyo: ko ma inendet, ne kiisto Hesekia komoswekyik che tororen ak kapkorosusiekyik, ak kolenji Juda ak Jerusalem, Osae eng’ taitab kaptisisioni eng’ Jerusalem?

1 ATEPTAP PEETUUSYEK 22:1

Yeityo kole Daudi, Ni ko gotab Jehovah Kamuktaindet, ak ni ko kaptisisietab kagochinet ne kibeelei, ne bo Israel.

2 ATEPTAP PEETUUSYEK 6:20

si kobiit kogeer konyeguk goi bet ak kemoi, kogeer komosta ne kiimwa ile indoi kaineng’ung’; si igas saet ne saei otwogindeng’ung’ kotokyingei komosit.

2 ATEPTAP PEETUUSYEK 7:12

Ak kimong’ji Jehovah Solomon kemoi, ak kolenji inendet, Kaagas saeng’ung’, ak kaalewenjige yuto koek gotab tiseiywek.

EZRAH 6:12

ak kobar Kamuktaindet ne kiinde kainennyi komeny oloto, laitorinik tugul ak bik tugul, che iitoi eunekwak kole kowal ng’olyondonoto, kong’em gotab Kamuktaindet ne mitei Jerusalem. Kaang’at ane Darius; ingoyaak ng’atutionito eng’ kagiiletab ge tugul.

TIENWOGIKAL 100:2

Oboisiechi Jehovah eng’ kagasetab ge: Obwa tainnyi otienonu.

TIENWOGIKAL 116:17

Agonin korosiot ne bo kongoi, Ak aguur kainetab Jehovah.

TIENWOGIKAL 66:13

Anyone gong’ung’ aibu kagochinoik che kibeelei, Ayaagun tuguk che kiaarorun,

TIENWOGIKAL 78:68

Ago kilewen oretab Juda, Tulwetab Sion ne kicham.

KOMONG'U 25:8

Ak ingoteekwa ole tilil; si ameny kwenunywa.

KOMONG'U 29:45

Ak ameny kwenutab lagokab Israel, ak aegu Kamuktaindenywa.

JEREMIA 7:12

Ago oba nguno oldanyu ne kimi Silo, ole kiande kainennyu eng’ tai, ak ogeer kit ne kiayachi amu tengekwogikab bikyuk Israel.

ATEPTAP LAWIK 17:4

ama get konyo kurgetab emait ne kituiyechin, si kogoito koek kagochinet ne igochin Jehovah eng’ taitab gotab Jehovah: kiityin chichoto korotik; kagotumda korotik: ak king’etoi chichoto eng’ bikyik:

NG'ATUTIK 12:13

Ripgei si megoite kagochinoiguk che kibeelei eng’ oldo tugul ole igeere:

NG'ATUTIK 12:14

ago eng’ ole leweni Jehovah, eng’ age ne bo ortinweguk, igoite eng’ oloto kagochinoiguk che kibeelei, ak iyai eng’ oloto tugul che ang’atin.

NG'ATUTIK 12:18

ago iame tukchoto eng’ taitab Jehovah Kamuktaindeng’ung’, inye, ak wering’ung’, ak cheptang’ung’, ak otwogeng’ung’ ne muren, ak otwogeng’ung’ ne tie, ak Lawindet ne mi kurgotiguk: ak ibaibaitu eng’ taitab Jehovah Kamuktaindeng’ung’ eng’ kiy age tugul ne iyae euneguk.

NG'ATUTIK 12:21

Ak ngot ko loo eng’ inye ole leweni Jehovah Kamuktaindeng’ung’ konde kainennyi, ieny anyun che bo akweng’ung’ ak che bo kechireguk, che kigogonin Jehovah, ko u ye kiang’atin, ak iam eng’ kurgotiguk, ko u ye machei sobondang’ung’.

NG'ATUTIK 12:26

Koek kityo iibe tuguguk che tililen che itinye, ak kaarortaosieguk, ak iwe ole leweni Jehovah:

NG'ATUTIK 12:5

Ago ole leweni Jehovah Kamuktaindeng’wong’ eng’ ortinwekwok tugul kole konde kainennyi oloto, ocheng’ anyun ole menyei inendet, ak iwe oloto:

NG'ATUTIK 14:23

Iamisiei eng’ taitab Jehovah Kamuktaindeng’ung’, eng’ ole leweni konde kainennyi komeny oloto, kebebertab taman ne bo beguk, ak divaiguk, ak mwaniguk, ak che twatei akweng’ung’, ak kechireguk; si inetge iywei Jehovah Kamuktaindeng’ung’ kotugul.

NG'ATUTIK 15:19

Itabanji Jehovah Kamuktaindeng’ung’ eik tugul che twatei tuga ak mengichik ak kwesik che twatei nego: ameboisie eitang’ung’ ne kitwatei, anan itil korotikab mengit ne kitwatei.

NG'ATUTIK 15:20

Iame choto eng’ taitab Jehovah Kamuktaindeng’ung’ eng’ kenyit age tugul eng’ ole leweni Jehovah, inye ak bikab gong’ung’.

NG'ATUTIK 17:8

Ngo biit ng’olyot ne uui eng’ kiruoget ne temenen, ne bo korotik eng’ korotik, ak ng’olyot eng’ ng’olyot, ak biret eng’ biret, che kaek kabeletab ge eng’ kurgotiguk: ing’eet anyun, iwe ole leweni Jehovah Kamuktaindeng’ung’;

NG'ATUTIK 18:6

Ak ngo bun Lawindet kurgotiguk alak tugul eng’ Israel tugul, ole menyei, ak konyo eng’ chamnyennyi tugul ne bo sobondanyi ole leweni Jehovah;

NG'ATUTIK 23:16

ingomeny koboten, eng’ kwenung’ung’, eng’ ole leweni eng’ age ne bo kurgotiguk ole machei: amat ius.

NG'ATUTIK 26:2

inam anyun eng’ tongoanik tugul che bo logoek che bo emet che iibu eng’ emeng’ung’ ne konin Jehovah Kamuktaindeng’ung’; inde kitonget, iib koba ole leweni Jehovah Kamuktaindeng’ung’ kole konde kainennyi.

NG'ATUTIK 31:11

ye kabwa Israel tugul koborgei eng’ taitab Jehovah Kamuktaindeng’ung’ eng’ ole tun leweni, isoman anyun ng’atutioni eng’ taitab Israel tugul kogas.

JOSHUA 18:1

Ak kiiyumgei tuiyet tugul ne bo lagokab Israel eng’ Silo, ak koteech eng’ oloto emait ne kituiyechin: ak kiga kiterter emonoto eng’ tainywa.

JOSHUA 22:11

Ak kigas lagokab Israel kemwaei kelen, Ogeero, kogoteech kaptisisiet lagokab Reuben ak lagokab Gad ak kebebertab bororietab Manase eng’ taitab emetab Kanan, eng’ koret ne negit Jordan, eng’ komosta ne bo lagokab Israel.

JOSHUA 22:16

Kamwa ko u ni tuiyet komugul ne bo Jehovah, Nee chalwogi kooyachi Kamuktaindetab Israel, kot omaste rani eng’ kasubet ne osubi Jehovah amu kooteekyigei kaptisisiet, ongelelji Jehovah rani?

JOSHUA 22:23

keteekyige kaptisisiet kemaste eng’ kasubet ne kisubi Jehovah; anan ngot kemache kigoite kagochinet ne kibeelei, anan ngot ko kagochinetab busiek, anan ngot kigoite korosekab kagochinoik che bo kalyet, ko ingoyaakta Jehovah inegei;

JOSHUA 22:27

ago si koek baornatet eng’ kwenunnyo, achek ak okwek, ak kwenutab ibinwek che biitu let eng’ achek, si kobiit keyai boisietab Jehovah eng’ tainnyi eng’ kagochinoikyok che kibeelei, ak eng’ tiseiywekyok, ak eng’ kagochinoikyok che bo kalyet; si matun lenji lagokwok lagokyok eng’ betusiek che bwanei, Motinye kebeberta eng’ Jehovah.

JOSHUA 22:29

Ingolooit eng’ achek ama kingelelji Jehovah, ama kimaste rani eng’ kasubet ne kisubi jehovah, kot keteech kaptisisiet ne bo kagochinoik che kibeelei, ak ko bo kagochinoikab busiek, anan ko ne bo tiseiywek, age ne ma kaptisisietab Jehovah, Kamuktaindennyo ne mi taitab gonnyi.

JOSHUA 9:27

Ak kiyai Josua ichek eng’ betunoto koek che betei kwenik ak koramjin beek tuiyet ak kaptisisietab Jehovah, agoi ra, eng’ ole leweni inendet.

1 SAMUEL 1:21

Ak kitogosta Elkana, koboto gonnyi tugul, kwo kogochi Jehovah tiseiywotab kenyit age tugul, ak koyaakta kaarortoennyi.