NG'ATUTIK 11:13 - BUKUIT NE TILIL

¹³ Egu anyun, ngot ogas it eng’ kagiiletab ge ng’atutikyuk che kang’atak rani, ngocham Jehovah Kamuktaindeng’wong’, oboisiechi inendet eng’ mugulelwekwok tugul ak eng’ sobonwekwok tugul,

Bukuit Ne Tilil

¹³ Ngot ogas iit eng' kagiiletapkei ng'atuutikyuk che kang'atak rani ak ngo cham Kamuktaindet ne Toroor Kamuktaindeng'wong' oboisyechi ineendet eng' mugulelwekwok tugul ak eng' saboonwekwok tugul,

BUKUIT NE TILIIL Sireet ne Dutero Kanon

¹³ Ngot ogas iit eng' kagiiletapkei ng'atuutikyuk che kang'atak rani ak ngo cham Kamuktaindet ne Toroor Kamuktaindeng'wong' oboisyechi ineendet eng' mugulelwekwok tugul ak eng' saboonwekwok tugul,

NG'ATUTIK 11:13 ပူးပေါင်းရင်းမြစ်များ

1 LAITORINIK 3:3

Ak kicham Solomon Jehovah, kowendote ng’atutikab Daudi kwandanyi; ago kienyei tiseiywek ak kobeelei nyamdutik eng’ komoswek che tororen.

TIENWOGIKAL 119:2

Boiboen ichek che ribei baornatosiekyik, Che cheng’ei inendet eng’ muguleldo komugul.

TIENWOGIKAL 119:4

Kiing’at konetisiosieguk, Ile kisub eng’ kagiiletab ge.

JEREMIA 17:24

Ak ngot oepcha it eng’ kagiiletab ge, mwaei Jehovah, si moibu laut age tugul kobun ormarichokab nganasani eng’ betutab sabato, ago otaban betutab sabato, amoyai boisio age tugul eng’ betunoto;

EZEKIEL 34:26

Ak ayai ichek koek kaberuret koboto komoswek ole negite tulwennyu; ak ang’at ropta korobon eng’ betusiekyik; ak kobiit roptab kaberuret.

ATEPTAP LAWIK 26:3

Ngobendate konetisiosiekyuk, ak orib ng’atutikyuk, ak oyai,

ATEPTAP LAWIK 26:4

agonok anyun ropta eng’ betusiekyik, ak koii emet, ak koii ketikab mbar logoekwak.

NG'ATUTIK 10:12

Ara anyun Israel, nee ne magenen Jehovah Kamuktaindeng’ung’, kobate iywei Jehovah Kamuktaindeng’ung’, iwendote ortinwekyik tugul, ak icham inendet, ak iot Jehovah Kamuktaindeng’ung’ eng’ muguleldang’ung’ tugul ak eng’ sobondang’ung’ tugul,

NG'ATUTIK 11:1

Cham anyun Jehovah Kamuktaindeng’ung’, ak irib kotigonennyi, ak konetisiosiekyik, ak kiruogutikyik, ak ng’atutikyik kotugul.

NG'ATUTIK 11:22

Amu ngorib eng’ kagiiletab ge ng’atutioni komugul kaang’atak rani, oyai; ocham Jehovah Kamuktaindeng’wong’, obendate ortinwekyik tugul, ak onamge ak inendet;

NG'ATUTIK 11:8

Orib anyun ng’atutiet komugul ne kaang’atak rani, si ogimegitu, si oit emet ne obendi oname kobunjok;

NG'ATUTIK 28:1

Ak ngiepchi it kutitab Jehovah Kamuktaindeng’ung’ eng’ kagiiletab ge, irib iyai ng’atutikyik tugul che kaang’atin rani, koeetin anyun Jehovah Kamuktaindeng’ung’ isiir bororiosiek tugul che mi ng’ony:

NG'ATUTIK 4:29

Ago ngocheng’ eng’ oloto Jehovah Kamuktaindeng’ung’, inyoru inendet ngicheng’ eng’ muguleldang’ung’ tugul ak eng’ sobondang’ung’ tugul.

NG'ATUTIK 6:17

Orib ng’atutikab Jehovah Kamuktaindeng’wong’ eng’ kagiiletab ge, ak baornatosiekyik, ak konetisiosiekyik, che king’atin.

NG'ATUTIK 7:12

Amu ye ogase kiruogutichu, ak oribe, ak oyae, korib anyun Jehovah Kamuktaindeng’ung’ kayomiset ak rirenet eng’ inye ne kiiyosiechi kwanisieguk;