NG'ATUTIK 10:17 - BUKUIT NE TILIL

¹⁷ Amu Jehovah Kamuktaindeng’wong’ ko Kamuktaindet ne siirei cheptalelisiek, ak Kiptaiyatab kiptainik, Kamuktaindet ne o, ne bo kamuktaet, ne bo kamuiset, ne matiytii bik, ne mataachei che bo kagaigaet.

Bukuit Ne Tilil

¹⁷ Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

BUKUIT NE TILIIL Sireet ne Dutero Kanon

¹⁷ Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

NG'ATUTIK 10:17 ပူးပေါင်းရင်းမြစ်များ

2 ATEPTAP PEETUUSYEK 19:7

Ingotebenok anyun kaiyweisiet ne oiywei Jehovah: orib, ak oyai: amu mami tengekto eng’ Jehovah Kamuktaindennyo, anan ko tiytietab bik, ama taachei konunoik che kigoigoisie.

NEEMIA 1:5

ak ale, Asain, ee Jehovah, Kamuktaindetab kipsengwet, Kamuktaindet ne o ne bo kamuiset, ne ribei arorutiet ak rirenet eng’ icheget che chamei inendet, ak koribei ng’atutikyik:

NEEMIA 4:14

Ak kiageer, ak ang’eet, ak alenji bik che toogunotin, ak bounik, ak bik tugul, Amoiywei ichek: obwat Jehovah, ne o ak ko bo kamuiset, ak oyai luget agobo tupchosiekwok, ak werikwok, ak tibikwok, osotikwok ak gorikwok.

NEEMIA 9:32

Ara anyun Kamuktaindennyo, ne o, ne bo kamuktaet, ak ko Kamuktaindet ne bo kamuiset, ne ribei arorutiet ak rirenetab ge, amat igeer ile kiy ne ming’in, ng’wanindo tugul ne kaityech, ak laitorinikyok, ak bounikyok, ak tisiikyok, ak maotikyok, ak kwanisiekyok, ak biguk tugul koboch eng’ betusiekab laitorinikab Asuria agoi rani.

Kitabuutap JOB 34:19

Kotam nee anyun eng’ inendet ne magonyiti bounik, Ne mageerei magorek kosiir kibananok? Amu boisionikab eunekyik ichek tugul.

TIENWOGIKAL 99:3

Ingolos ichek kaineng’ung’ ne o ne imuisei. Tilil inendet.

KOMONG'U 23:8

Ametaach tuguk che bo kagaigaet: amu tuchei konunoik, icheget che ng’omen, ak kogunuri ng’alekab che bo imanda.

ISAIAH 37:16

Ee Jehovah ne bo lugosiek, Kamuktaindetab Israel, ne tebe kerubisiek, i Kamuktaindet, inye inyege, ne bo bounatosiek tugul che bo ng’ony; kiiyai kipsengwet ak ng’ony.

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

JEREMIA 20:11

Ago mi Jehovah kobota ko u inendet ne kim ak komuisei: kinachi anyun usikyuk, ama iterterisiei: ililandos kot, amu ma yai eng’ ng’omnatet, ak magoi kiutie tewernatenywa ne bo koigeny.

JEREMIA 32:18

inye ne irire elfusiek, ak igeerjini tengekwogikab kwanisiek tegetikab lagokwak che isubi ichek: Kamuktaindet ne o, ne bo kamuktaet, kainennyi ko Jehovah ne bo lugosiek;

DANIEL 11:36

Ak koyai laitoriat ko u ye machei; ak kotororgei ak koeetgei kosiir cheptalelit age tugul, ak komwa tuguk che kikwong’e agobo Kamuktaindet ne bou cheptalelisiek: ak konyor inendet borotet kot kosulda neregek; amu kiyaei noto kigeng’at.

DANIEL 2:45

Ak ko u ye koigeer ile kogieb koita ne komi tulwet ama eng’ eunek, si kotuatui karnet, sugunwet, menet, feda, ak tahabu; kagoborji Kamuktaindet ne o, laitoriat, tuguk che tun biitu let: ak bo iman karuotitoet, ak kosuldoi kaweeksennyi.

DANIEL 2:47

Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

MARIKO 12:14

Ak kingobwa, kolenji inendet, Konetindoni, kingen kele i bo iman, ameiti chi age tugul: amu megeere itondab chi, ago ineti iman oretab Jehovah: Tos chamdoi ng’atutik kigochi kodi Kaisari, anan machamdoi?

POISYONIGAP CHE KIYOKTOI 10:34

Ak king’any anyun Petero kutinnyi, kole, Iman ageere ale machamei Jehovah bik alak kosiir alak:

ROMANIK 2:11

amu matiytii Jehovah bik.

GALATYEK 2:6

Ago icheget che kigiiti kele toogunotin (ngo u ole teptoi ichek, ko ma kiy eng’ ane: matiytii Jehovah chi) - amwae ale, ma teswa kiy icheget cho toogunotin.

EPESOEK 6:9

Ak okwek kiptainichu, oyachi ichek ak okwek ko u noto, amorasyini: ongen ole mi kipsengwet Kiptaiyandenywa ak ko neng’wong’, ama mi eng’ inendet tiytiet ne bo bik.

NG'ATUTIK 1:17

Amotiytii bik eng’ kiruoget; ogasyi ne ming’in ak ne o kogergeit; amoiywei togoch ne bo chi; amu bo kiruoget Kamuktaindet: ak ng’olyot ne katemenak, oibwa, si agas.

NG'ATUTIK 16:19

Amemaas kiruoget: ametiytii bik: anan itaach che bo kagaigaet; amu kerei konyekab che ng’omen tuguk che bo kagaigaet, ak kogunuri ng’alekab che bo imanda.

NG'ATUTIK 24:17

Amemaas kiruogetab toondet, anan ne matinyei kwanda; anan iname besendo ngorietab mosoget:

NG'ATUTIK 27:25

Chubot chi ne taachei melekto si kobar chi ne matinyei tengek. Ak kole bik tugul, Amen.

NG'ATUTIK 7:21

Amongomuok: amu mi Jehovah Kamuktaindeng’ung’ kwenung’ung’, Kamuktaindet ne o ne bo kamuiset.

KOLOSAIK 3:25

Amu inendet ne yaei ne ya, ko tun taachei agine ne bo yaitionoto kiyai: ama mi tiytiet.

1 TIMOTEO 6:15

ne tun ibortoi eng’ betusiekyik, ne inendet ne iberurot ak ko Kamuktaindet inegei, Laitoriat ne bo laitorinik, ak Kiptaiyat ne bo kiptainik;

JOSHUA 22:22

Ingen Jehovah, Kamuktaindet ne bou cheptalelisiek, Jehovah, Kamuktaindet ne bou cheptalelisiek, ak ta konaei Israel agine; ngot ko eng’ ngelelnatet, anan ngot ko eng’ kachililutiet ne kagichililji Jehovah, (ko mat isoruech rani,)

1 PETERO 1:17

Ak ngot oguure inendet olen Kwanda, ne iruochi ko u ole teptoi boisietab chi age tugul, ama eng’ tiytiet, obendoti eng’ kaiyweisiet eng’ betusiekwok che omi ko o toek:

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.

NG'ANG'UTYET 19:16

Ak kotinyei eng’ ngoriennyi ak eng’ kubestanyi kainet ne kigisir kole, LAITORIAT NE BO LAITORINIK, AK KIPTAIYAT NE BO KIPTAINIK.